త్వరలోనే పెళ్లి పీటలెక్కనున్న జెఫ్ బెజోస్
international | Suryaa Desk | Published : Sun, Jun 15, 2025, 12:02 PM
ప్రపంచ కుబేరుల్లో ఒకరు, అమెజాన్ వ్యవస్థాపకుడు జెఫ్ బెజోస్, మాజీ టీవీ జర్నలిస్ట్ లారెన్ సాంచెజ్ను త్వరలో పెళ్లి చేసుకోనున్నారు. జూన్ చివరి వారంలో ఇటలీలోని వెనిస్లో ఈ వివాహ వేడుక జరగనుంది. ఇప్పటికే ఏర్పాట్లు ప్రారంభమైనట్లు సమాచారం. హాలీవుడ్ ప్రముఖులు, బిజినెస్ ప్రముఖులు ఈ పెళ్లికి హాజరవుతారని చెబుతున్నారు. పెళ్లి వేడుక అట్టహాసంగా జరగనుంది.కానీ, వెనిస్లోని స్థానికులు పెళ్లికి భారీ ఏర్పాట్లు చేస్తుండడంపై ఆగ్రహం వ్యక్తం చేశారు. హై ప్రొఫైల్ వివాహం ఇప్పటికే రద్దీగా, పర్యాటకులు ఇబ్బంది పడుతున్న నగరంలో మరింత రద్దీ పెరుగుతుందని పేర్కొంటున్నారు. ఈ సందర్భంలో స్థానికులు నో స్పేస్ ఫర్ జెబోస్ పేరుతూ నిరసనలు ప్రారంభించారు. శాన్ జార్జియో ద్వీపంలోని చర్చి స్టీపుల్పై నో స్పేస్ ఫర్ జెజోస్ అనే బ్యానర్ను ఏర్పాటు చేశారు. లా మిసెరికార్డియా అనే ఈవెంట్ హాల్లో వివాహం జరగవచ్చని నిరసన నిర్వాహకురాలు ఫెడెరికా టోనినెల్లో పేర్కొన్నారు.
|
|