స్మార్ట్ వర్క్ చేస్తే ఉద్యోగాలు ఎక్కడికీ పోవు: చంద్రబాబు
Andhra Pradesh Telugu | Suryaa Desk | Published : Fri, Jun 27, 2025, 02:33 PM
నైపుణ్యం పెంచుకుని స్మార్ట్ వర్క్ చేస్తే ఉద్యోగాలు ఎక్కడికీ పోవని సీఎం చంద్రబాబు అన్నారు. శుక్రవారం విజయవాడలో ఆయన మాట్లాడుతూ.. ‘భవిష్యత్తు అంతా పర్యాటక రంగానిదేనని ఎప్పుడో చెప్పాను. టెంపుల్ టూరిజం మరింత అభివృద్ధి కావాలి. మన రాష్ట్రానికి అద్భుతమైన సముద్ర తీరం ఉంది. అందమైన అటవీ ప్రాంతం ఉంది. కోనసీమ, పాపికొండలు, హార్సిలీ హిల్స్ను మరింత అభివృద్ధి చేయాలి.’ అని అన్నారు.ఇటీవల యోగా డేను ఘనంగా జరుపుకున్నామన్న చంద్రబాబు, ఒక్క పిలుపుతో 3 లక్షల మందికి పైగా వచ్చారన్నారు. యోగా డే ఇంతగా విజయవంతం అవుతుందని ఎవరూ ఊహించలేదని, నిర్వహణలో గిన్నిస్ రికార్డు సాధించామని గుర్తు చేశారు. యోగా డేను ఘనంగా నిర్వహించడాన్ని ప్రధాని కూడా ప్రశంసించినట్లు చెప్పుకొచ్చారు. ఆధ్యాత్మికవేత్తగా ఉన్నా బాబా రామ్దేవ్ సమాజానికి సేవ చేస్తున్నారని, పర్యాటకశాఖకు సలహాదారుగా ఉండాలని ఆయనను కోరుతున్నానన్నారు.
|
|