6 బంతుల్లో ఒక్క పరుగు చేసి ఔట్,,,ఎడ్జ్బాస్టన్ టెస్టు తొలి ఇన్నింగ్స్లో నితీశ్ విఫలం
sports | Suryaa Desk | Published : Wed, Jul 02, 2025, 11:51 PM
ఇంగ్లాండ్తో జరుగుతున్న రెండో టెస్టులో భారత్ కష్టాల్లో పడింది. ఎడ్జ్బాస్టన్ వేదికగా జరుగుతున్న ఈ మ్యాచ్లో టాస్ ఓడి బ్యాటింగ్కు దిగిన భారత్.. తొలి ఇన్నింగ్స్లో 211 పరుగులకే 5 వికెట్లు కోల్పోయింది. శార్దుల్ ఠాకూర్ ప్లేసులో తుది జట్టులోకి వచ్చిన తెలుగు కుర్రాడు నితీశ్ కుమార్ రెడ్డి నిరాశపరిచాడు. ఆస్ట్రేలియా పర్యటనలో సెంచరీతో సత్తాచాటిన ఈ ప్లేయర్.. ఇంగ్లాండ్ గడ్డపై ఆడుతున్న తొలి టెస్టు ఇన్నింగ్స్లో విఫలమయ్యారు. బంతిని సరిగ్గా అంచనా వేయలేక క్లీన్ బౌల్డ్ అయ్యాడు.
రిషభ్ పంత్ (25) ఔట్ అయ్యాక క్రీజులోకి వచ్చాడు నితీశ్ కుమార్ రెడ్డి. ఇంగ్లాండ్ గడ్డపై అతడికి ఇదే తొలి టెస్టు మ్యాచ్ కావడం గమనార్హం. శార్దూల్ ఠాకూర్ ప్లేసులో అతడు తుది జట్టులోకి వచ్చాడు. అతడి కంటే మెరుగ్గా బ్యాటింగ్ చేస్తాడనే పేరు నితీశ్కు ఉంది. అయితే ఎన్నో ఆశలతో క్రీజులోకి వచ్చిన నితీశ్ కుమార్ రెడ్డి.. కేవలం ఒక్క పరుగు మాత్రమే చేసి క్రిస్ ఓక్స్ బౌలింగ్లో క్లీన్ బౌల్డ్ అయ్యాడు. బ్యాటింగ్లో కచ్చితంగా ఎంతో కొంత జట్టుకు ఆసరాగా ఉంటాడని భావిస్తే.. కీలక సమయంలో పెవిలియన్ చేరి.. జట్టును మరింత కష్టాల్లోకి నెట్టేశాడు.
క్రిస్ వోక్స్ వేసిన బంతి వికెట్లకు దూరంగా వెళ్తుందని భావించిన నితీశ్.. బ్యాట్ను పైకెత్తాడు. కానీ బంతి అనూహ్యంగా టర్న్ అయి ఆఫ్ వికెట్ను లేపేసింది. దీంతో నితీశ్ కుమార్ రెడ్డి ఒక్కసారిగా షాక్ అయ్యాడు. ఏం జరిగిందబ్బా అనే కంగారులో ఉండిపోయాడు. చివరకు ఔట్ అయ్యానని గ్రహించి.. నిరాశగా పెవిలియన్ చేరాడు. ఈ ఇన్నింగ్స్లో అతడు ఆరు బంతులు ఎదుర్కొని.. ఒక్క పరుగు చేశాడు.
కాగా ఆస్ట్రేలియా గడ్డపై టెస్టుల్లో సెంచరీ చేసి నితీశ్ కుమార్ రెడ్డి.. ఒక్కసారిగా ఫేమస్ అయ్యాడు. కానీ గత నాలుగు ఇన్నింగ్స్లలో అతడు విఫలమయ్యాడు. గత నాలుగు ఇన్నింగ్స్లలో వరుసగా 1, 4, 0, 1 స్కోర్లు చేసి ఔట్ అయ్యాడు. మరి ఈ టెస్టులో రెండో ఇన్నింగ్స్లో అతడు ఎలా బ్యాటింగ్ చేస్తాడు? బౌలింగ్లో ఎలాంటి ప్రదర్శన చేస్తాడు? అన్నది తేలాల్సి ఉంది.
|
|