వాటిని స్ప్రే చేస్తే ఒక్క దోమ కూడా ఇంట్లోకి రాదు

వర్షాకాలంలో సీజనల్ ప్రాబ్లమ్స్ ఒక్కసారిగా దాడిచేస్తాయి. దానికితోడు దోమ కాటు వల్ల మలేరియా, డెంగ్యూ, చికెన్ గున్యా వంటి జ్వరాలు హెల్త్‌ని పాడు చేస్తాయి. ఇలాంటి ఆరోగ్య సమస్యలు రాకుండా దోమల నుంచి మనల్ని మన ఆరోగ్యాన్ని కాపాడుకునేందుకు చాలా మంది కాయిల్స్, స్ప్రేలు, రిపెల్లెంట్స్ వాడతారు. కానీ, ఇవి కొంతమందికి పడవు. వాటి వాసనతో ఇబ్బందిగా ఉండడమే కాకుండా, వీటి ప్రభావం ఉన్నంతవరకే దోమలు ఉంటాయి. పైగా వీటి ఎఫెట్ట్ మన హెల్త్‌పై పడతాయి. అందుకే, కెమికల్స్‌తో తయారైన ప్రోడక్ట్స్ కాకుండా కొన్ని నేచురల్ పద్ధతులని కూడా పాటించి దోమల్ని తరిమియేచ్చు. దీని వల్ల పర్యావరణానికి, మనకి ఎలాంటి హాని ఉండదు. అందుకోసం ఏమేం చేయొచ్చో తెలుసుకోండి.

కర్పూరం

కర్పూరం మనం పూజల్లో వాడడం మాత్రమే కాదు. కర్పూరంతో ఎన్నో సమస్యలకి చెక్ పెట్టొచ్చు. అందులో ఒకటి దోమల్ని తరమడం. దీనికోసం ముందుగా తలుపులు, కిటికీలు అన్నింటినీ క్లోజ్ చేయాలి. తర్వాత కర్పూరాన్ని వెలిగించాలి. లేదా ఓ గిన్నెలో కర్పూరం బిళ్ళల్ని వేసి ఉంచాలి. దీనిని రెండ్రోజులకి ఓసారి మార్చాలి. ఇలా రెగ్యులర్‌గా చేస్తుంటే ఆ వాసనకి దోమలు రావు.

నిమ్మ చెక్కపై లవంగాలు

ఇది కూడా చాలా ఈజీ అండ్ ఎఫెక్టివ్ పద్ధతి. నిమ్మకాయని సగానికి కట్ చేయాలి. ఒక్కో చెక్కపై ఐదారు లవంగాలని గుచ్చాలి. వీటిని ఇంట్లో అక్కడక్కడ పెట్టండి. వీటి వల్ల దోమలు రానే రావు. పైగా ఇవన్నీ కూడా నేచురల్‌వి కాబట్టి, ఎలాంటి సమస్యలు రావు.

ఎసెన్షియల్ ఆయిల్స్

లావెండర్, టీట్రీ, నీమ్, సిట్రోనెల్లా, యూకలిప్టస్, మింట్ వంటి ఆయిల్స్‌ పర్ఫెక్ట్ మస్కిటో రెపెల్లెంట్స్ అని చెప్పొచ్చు. దీనికోసం కొద్దిగా నీటిలో రెండు మూడు చుక్కల మీకు నచ్చిన ఎసెన్షియల్ ఆయిల్‌ని వేయండి. దీనిని బాగా కలపండి. ఈ నీటిని రూమ్‌లో స్ప్రే చేయండి. అలా కాకుండా ఆయిల్ డిఫ్యూజర్‌, వెపరైజర్‌ ద్వారా ఈ ఎసెన్షియల్ ఆయిల్‌ని వాడొచ్చు. వీటి వాసనకి దోమలు రావు. అదే విధంగా, నీమ్ ఆయిల్‌ని కూడా స్కిన్‌కి అప్లై చేయడం లేదా, నీమ్ ఆయిల్, కొబ్బరినూనె రెండింటిని సమాన పరిమాణంలో తీసుకుని అందులో కొద్దిగా లావెండర్ ఎసెన్షియల్ ఆయిల్ సి బాగా కలిపి రూమ్‌లో స్ప్రే చేయొచ్చు.

గార్లిక్ స్ప్రే

వెల్లుల్లిలోని ఘాటు గుణం దోమలు రాకుండా చేస్తుంది. దీని వల్ల దోమలు కూడా కుట్టకుండా ఉంటాయి. ఈ వెల్లుల్లి కారణంగా పర్యావరణానికి ఎలాంటి నష్టం కలగదు. అందుకోసం కొన్ని వెల్లుల్లి రెబ్బల్ని కచ్చపచ్చాగా దంచాలి. దీనిని నీటిలో వేసి మరిగించాలి. తర్వాత మంటని తగ్గించాలి. ఈ నీరు చల్లారిన తర్వాత స్ప్రే బాటిల్‌లో వేయాలి. దీనిని రూమ్ మొత్తం స్ప్రే చేయాలి.

ఆపిల్ సైడర్ వెనిగర్

ఆపిల్ సైడర్ వెనిగర్‌లో కొద్దిగా సిట్రోనెల్లా ఆయిల్ వేసి బాగా కలపాలి. దీనిని స్ప్రే బాటిల్‌లో వేసి ఇంట్లో మొత్తం స్ప్రే చేయొచ్చు. దీంతో చాలా వరకూ దోమలు వెళ్లిపోతాయి.