ఏపీ లిక్కర్ కుంభకోణం కేసు,,, వైసీపీ ఎంపీ మిథున్ రెడ్డి అరెస్ట్
Andhra Pradesh Telugu | Suryaa Desk | Published : Sat, Jul 19, 2025, 08:58 PM
వైఎస్సార్ కాంగ్రెస్ పార్టీ ఎంపీ పెద్దిరెడ్డి మిథున్ రెడ్డి అరెస్ట్ అయ్యారు. ఏపీ లిక్కర్ స్కామ్లో మిథున్ రెడ్డిని పోలీసులు అరెస్ట్ చేశారు. ఏపీ లిక్కర్ కుంభకోణం కేసులో మిథున్ రెడ్డి ఏ4గా ఉన్న సంగతి తెలిసిందే. ఆంధ్రప్రదేశ్ మద్యం కుంభకోణంపై సిట్ దర్యాప్తు జరుపుతోంది. ఈ క్రమంలోనే మిథున్ రెడ్డి శనివారం విజయవాడలోని సిట్ కార్యాలయంలో విచారణకు హాజరయ్యారు. సుమారు ఏడు గంటల పాటు మిథున్ రెడ్డిని విచారించిన సిట్ అధికారులు.. అనంతరం మిథున్ రెడ్డిని అరెస్ట్ చేశారు. మిథున్ రెడ్డి అరెస్టుపై కుటుంబసభ్యులకు సమాచారం అందించారు. మిథున్ రెడ్డిని ఆదివారం కోర్టులో హాజరుపరచనున్నారు. మరోవైపు మిథున్ రెడ్డి ముందస్తు బెయిల్ పిటిషన్ను ఇటు ఏపీ హైకోర్టు, అటు సుప్రీంకోర్టు కొట్టివేసిన సంగతి తెలిసిందే. ముందస్తు బెయిల్ పిటిషన్ తిరస్కరించటంతో మిథున్ రెడ్డి సిట్ ఎదుట విచారణకు హాజరయ్యారు. సుమారు ఏడు గంటల పాటు విచారించిన సిట్.. అనంతరం అరెస్ట్ చేసింది.
|
|