ట్రెండింగ్
స్వర్ణాంధ్ర పీ4 ఫౌండేషన్ విధానాన్ని విజయవంతం చెయ్యాలి
Andhra Pradesh Telugu | Suryaa Desk | Published : Fri, Jul 25, 2025, 09:15 AM
రాష్ట్రంలో ఆగస్టు 15 నాటికి 15 లక్షల బంగారు కుటుంబాలను మార్గదర్శులు దత్తత తీసుకునేవిధంగా లక్ష్యాన్ని పూర్తిచేయాలని ప్రభుత్వ ప్రధాన కార్యదర్శి కె.విజయానంద్ జిల్లా కలెక్టర్లు, సంబంధిత అధికారులను ఆదేశించారు. గురువారం సచివాలయం నుంచి స్వర్ణాంధ్ర పీ4 ఫౌండేషన్, సిటీ గ్యాస్ పంపిణీ నెట్వర్క్ అంశాలపై కలెక్టర్లతో వీడియో కాన్ఫరెన్స్ నిర్వహించారు. ఈ సందర్భంగా సీఎస్ మాట్లాడుతూ, ‘ఇప్పటివరకు 6.57లక్షల కుటుంబాలను మార్గదర్శులు దత్తత తీసుకున్నారు. మిగతా లక్ష్యాన్ని కూడా త్వరగా పూర్తిచేయాలి. నీడ్ అసెస్మెంట్ సర్వేను ఆగస్టు 5లోగా పూర్తి చేయాలి. రాష్ట్రంలో 540 కీ పెర్ఫార్మెన్స్ ఇండికేటర్లను గుర్తించి, ఆయా శాఖలకు పంపాము. వాటిపై జిల్లా అధికారులతో చర్చించి, లక్ష్యసాధనకు చర్యలు తీసుకోవాలి’ అన్నారు.
|
|