రాజ్యసభ ఎంపీగా ప్రమాణ స్వీకారం చేసిన కమల్ హాసన్

భారత రాజకీయాల్లో ముఖ్యంగా తమిళనాడు రాజకీయాల్లో తనకంటూ ఓ ప్రత్యేక స్థానాన్ని సంపాదించుకున్న సినీ నటుడు, రాజకీయ నాయకుడు కమల్ హాసన్ ఎట్టకేలకు పార్లమెంట్‌లోకి అడుగుపెట్టారు. రాజ్యసభ సభ్యుడిగా ఆయన గురువారం ప్రమాణ స్వీకారం చేశారు. ఈ కీలక ఘట్టం ఆయన సుదీర్ఘ రాజకీయ ప్రస్థానంలో ఒక ముఖ్యమైన మైలురాయిగా నిలిచింది. కమల్ హాసన్ తన ప్రమాణ స్వీకారాన్ని తమిళ భాషలో చేశారు. అంతకుముందే పార్లమెంట్ వెలుపల మీడియాతో మాట్లాడుతూ.. ఎంపీగా ప్రమాణం చేయనున్నందుకు తానెంతో గర్వ పడుతున్నానని అన్నారు.

విశ్వనటుడిగా కోట్లాది మంది అభిమానులను సంపాదించుకున్న కమల్ హాసన్.. 2018లో మక్కల్ నీది మయ్యం పార్టీని స్థాపించి ప్రత్యక్ష రాజకీయాల్లోకి ప్రవేశించారు. వారసత్వ రాజకీయాలు, అవినీతికి వ్యతిరేకంగా పోరాటం, గ్రామాల సాధికారత కోసం కృషి చేస్తామని ప్రకటించారు. అయితే మకల్ హాసన్ గతేడాదే విపక్ష ఇండియా కూటమితో పొత్తు పెట్టుకున్నారు. ముఖ్యంగా 2024లో జరిగిన సార్వత్రిక ఎన్నికల్లో తమిళనాడులో డీఎంకే కాంగ్రెస్ కూటమికి మద్దతు ప్రకటించింది. ఈ ఒప్పందంలో భాగంగానే రాష్ట్రంలోని 39 లోక్ సభ స్థానాలు, పుదుచ్చేరిలోని ఒక స్థానంలో ఎమ్ఎన్ఎమ్ ప్రచారం చేసింది.

పోటీ కూడా చేసినప్పటికీ.. కమల్ హాసన్ పార్టీ ఆశించిన ఫలితాలు సాధించలేకపోయింది. అయినప్పటికీ ఆయన తన రాజకీయ ప్రయాణాన్ని ఆపలేదు. ముఖ్యంగా 2025 ఎగువసభ ఎన్నికల్లో ఎమ్ఎన్ఎమ్ పార్టీకి రాజ్యసభ స్థానం ఇచ్చేందుకు డీఎంకే నేతృత్వంలోని కూటమి అంగీకరించింది. ఇలా ఆయన్ను రాజ్యసభకు నామినేట్ చేయగా.. అప్పర్ హౌస్‌లో ప్రవేశించారు. అయితే తాజాగా నేడు 69 ఏళ్ల వయసు కల్గిన కమల్ హాసన్... ప్రమాణ స్వీకారం చేశారు. ఆయన మాతృ భాష అయిన తమిళంలోనే ఆయన ప్రమాణ స్వీకారం చేయగా.. అంతా తెగ సంబుర పడిపోతున్నారు.

ముఖ్యంగా ప్రమాణ స్వీకారం అనంతరం మీడియాతో మాట్లాడుతూ.. తాను ప్రలజకు ఎన్నెన్నో సేవలు చేయాలనే ఉద్దేశంతోనే రాజకీయాల్లోకి వచ్చినట్లు చెప్పారు. ఇప్పుడు తనకు అధికారం వచ్చింది కాబట్టి.. దాన్ని ప్రజల కోసమే వినియోగిస్తామని.. వీలైనంత వరకు తాను చేయాలనకున్న పనులన్నీ చేసేస్తానని చెప్పారు. నిజాయితీగా ఉంటూ.. దేశం కోసం కష్టపడి పని చేస్తానని పేర్కొన్నారు. ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతోంది.