ఈ చాయ్, రెగ్యులర్‌‌ టీతో వచ్చే అసిడిటీ, మలబద్ధకం సమస్యలకి చెక్ పెట్టొచ్చు

టీ అనేది చాలా మంది ఫేవరేట్ డ్రింక్. దీనిని తాగడం వల్ల అప్పటికప్పుడు రీఫ్రెష్‌గా ఫీల్ అవుతారు. ఉదయం, సాయంత్రం తేడా లేకుండా చాలా మంది కప్పుల కొద్దీ టీని లాగించేస్తారు. అయితే, దీనిని ఎక్కువగా తాగడం వల్ల రీఫ్రెష్ సంగతి పక్కనపెడితే చాలా సమస్యలొస్తాయి. వాటికి చెక్ పెట్టేందుకు ఓ మంచి హెల్దీ టీ గురించి తెలుసుకోండి.

రాగులు, సజ్జలతో మిల్లేట్స్‌ చాయ్, రెగ్యులర్‌‌ టీతో వచ్చే అసిడిటీ, మలబద్ధకం సమస్యలకి చెక్ పెట్టొచ్చు

పెరిగిన అవగాహన కారణంగా చాలా మంది టీ తాగడాన్ని తగ్గిద్దామనుకుంటున్నారు. దీనికి ఆల్టర్నేటివ్‌గా హెర్బల్ టీలు అంటూ ఇతర ఆప్షన్స్ వెతుక్కుంటున్నారు. అయితే, ఎంత హెర్బల్ టీ తాగినా నార్మల్ టీ తాగిన ఫీల్ రాదు. అలా కాకుండా చూడ్డానికి, తాగడానికి టీలానే ఉండాలి. కానీ, ఎలాంటి హెల్త్ ప్రాబ్లమ్స్ రావొద్దనుకునేవారికి బెస్ట్ డ్రింక్ గురించి షేర్ చేసుకోబోతున్నాయి. ఈ టీ తయారుచేయడంలోనే ఆరోగ్యకరమైన పద్ధతి ఉంది. ఇందులో కలిపే ప్రతీ పదార్థం కూడా ఎంతో ఆరోగ్యకరమైనది. కాబట్టి, ఎన్ని కప్పులు తాగినా కూడా అసిడిటీ, కడుపునొప్పి, మలబద్ధకం వంటి జీర్ణ సమస్యలు మీ దరిచేరవు. మరి అలాంటి టీని ఎలా తయారుచేయాలో తెలుసుకోండి.

కావాల్సిన పదార్థాలు

సజ్జలు

రాగులు

టీ పొడి

యాలకులు

స్టార్ అనిస్

అల్లం

డేట్స్ సిరప్/డేట్స్ పౌడర్

నీరు

ఎలా తయారుచేయాలి

సజ్జలు, రాగులని రాత్రంతా నానబెట్టాలి.

వాటిని మిక్సీ పట్టి దానిని వడకట్టి పాలు తీయండి.

ఇప్పుడు ఓ కప్పు నీటిలో టీ పౌడర్, యాలకు, స్టార్, అల్లంతో మరిగించండి.

మిల్లెట్ పాలు పోసి ఓ నిమిషం పాటు కలిపి మంటని తగ్గించండి.

ఓ కప్పులో అర టీస్పూన్ బెల్లం వేసి కలిపి టీని ఎంజాయ్ చేయండి. ​

బెనిఫిట్స్

ఈ టీని రాగులతో కలిపి తయారుచేస్తాం. కాబట్టి. అందులోని ఐరన్, కాల్షియం ఎముకల ఆరోగ్యానికి సపోర్ట్ చేసి అలసటని తగ్గిస్తుంది.

ఇందులో కలిపిన అల్లం, స్టార్ అనిస్, యాలకుల కారణంగా ఉబ్బరం, పేగు ఆరోగ్యం మెరుగ్గా మారడమే కాకుండా జీర్ణ సమస్యలు దూరమవుతాయి. ​

చిరుధాన్యాలతో తయారైన ఈ టీని తాగడం వల్ల ఎక్కువసేపు కడుపు నిండుగా ఉంటుంది. దీని వల్ల క్రేవింగ్స్ కూడా ఉండవు.

సాధారణ టీతో పోలిస్తే కెఫిన్ లేని, లాక్టోస్ లేని గొప్ప ఆల్టర్నేటివ్.

హెల్దీ టీని ఎలా తయారుచేయాలి

ఈ టీని మనం టీ పౌడర్‌తో కలిపి చేస్తాం. అది అప్పుడప్పుడు మంచిదే. కానీ, రెగ్యులర్‌గా వాడాలనుకుంటే టీ పౌడర్ లేకుండా తులసి, అల్లం వంటి పదార్థాలతోనే తయారుచేయడం మంచిది. దీని వల్ల ఎలాంటి సమస్యలు రావు.

ఎవరు తాగొద్దు

ఇది హెల్దీ టీనే అయినప్పటికీ థైరాయిడ్ సమస్యలు ఉన్నవారు తక్కువగా తీసుకోవాలి. వారికి చిరుధాన్యాలు అంతగా పడవు.

అదే విధంగా, చిరుధాన్యాలంటే పడని వారు ఈ టీ తాగకపోవడమే మంచిది.