ఫుడ్ డెలివరీ..ఒక్క క్లిక్‌తో మీ ప్లేట్‌లోకి!

ఆన్‌లైన్ ఫుడ్ డెలివరీ రంగం ఇప్పుడు మరింత ఆధునిక దశలోకి అడుగుపెడుతోంది. ఉబెర్ ఈట్స్ (Uber Eats) తన సేవల్లో ఆర్టిఫిషియల్ ఇంటెలిజెన్స్ (AI) టెక్నాలజీని వినియోగించడం ప్రారంభించింది. ఫుడ్ ఆర్డర్ నుండి డెలివరీ వరకూ ప్రతి దశను వేగవంతం చేసి, వినియోగదారులకు మరింత సులభతరం చేసే లక్ష్యంతో, కొత్తగా AI ఆధారిత కేటగిరీలు, సూచనలు, మరియు పర్సనలైజ్డ్ ఫీచర్లు ప్రవేశపెట్టబడ్డాయి.AI సహాయంతో యూజర్లకు అనుకూలమైన రెస్టారెంట్‌లు, వారి గత ఆర్డర్‌లను బట్టి తక్షణ సూచనలు, స్పెషల్ ఆఫర్లు చూపించే విధంగా ప్లాట్‌ఫామ్‌ను రూపొందించారు. దీంతో, కేవలం కొన్ని సెకన్లలో తినాలనుకునే వంటకం ఎంపిక చేయడం, ఆర్డర్ ఇవ్వడం, ట్రాక్ చేయడం పూర్తిగా స్మార్ట్ టెక్నాలజీ ఆధారంగా జరుగుతోంది.మెనూ, ఫుడ్ ఫొటోలు, కస్టమర్లు ఇచ్చే రివ్యూలు, ఆర్డర్ల కోసం లైవ్ చాటింగ్, ఫుడ్ ఫొటోలను షేర్ చేసినందుకు కస్టమర్లకు రివార్డ్ పాయింట్లు, కూపన్ల వంటివి ఇవ్వడానికి ఈ సరికొత్త ఏఐ టూల్స్ ఇందులో ఉన్నాయి. ఈ అప్‌గ్రేడ్‌ వర్షన్ యాప్ ప్రస్తుతం అందుబాటులో ఉందని ఉబేర్ ఈట్స్ వెల్లడించింది.ఫుడ్ డెలివరీ తర్వాత AI ఆధారిత ఫొటో డిజైన్ ఫీచర్ – యూజర్లకు రివార్డ్స్‌తో కూడిన కొత్త ఎంపిక!ఫుడ్ డెలివరీ పూర్తి అయిన తర్వాత, వినియోగదారులు తమ ఆర్డర్ ఫొటోలను ఆర్టిఫీషియల్ ఇంటెలిజెన్స్ ద్వారా ప్రత్యేకమైన డిజైన్‌లుగా మార్చే సదుపాయం ఇప్పుడు ఉబెర్ ఈట్స్ యాప్‌లో అందుబాటులోకి వచ్చింది. ఈ ఫీచర్ ఉపయోగించి డిజైన్ చేసిన ఫొటోలు షేర్ చేస్తే, వినియోగదారులకు ప్రత్యేక క్రెడిట్లు (పాయింట్లు) లభిస్తాయి. ఈ పాయింట్లు వారి అకౌంట్‌లో జమ చేయబడతాయి.అమెరికా, యూకే, కెనడా, మెక్సికో వంటి దేశాల్లో ఈ ఫీచర్‌ ఇప్పటికే అందుబాటులో ఉంది. యూజర్లు తమ ఆర్డర్ ఫొటోలను రివ్యూలతో పాటు అప్‌లోడ్ చేయడంలో పాల్గొనవచ్చు. ఇక, కొత్తగా ప్రవేశపెట్టిన లైవ్ ఛాట్ ఫీచర్ ద్వారా వినియోగదారులు రెస్టారెంట్ల గురించి సమీక్షలు తెలుసుకోవడం, తాము కోరే ఫుడ్ ఐటెమ్ అందుబాటులో ఉందో లేదో సులభంగా తెలుసుకోవడం సాధ్యమవుతుంది.ఈ విధంగా, ఆర్డర్‌లలో జరిగే పొరపాట్లను తగ్గించేందుకు ఇది ఓ ప్రభావవంతమైన మార్గమని ఉబెర్ ఈట్స్ యాజమాన్యం భావిస్తోంది. కస్టమర్ల నుంచి ఖచ్చితమైన ఫీడ్‌బ్యాక్‌ ను పొందేందుకు, అలాగే వారి అభిరుచుల ప్రకారం ఆహారాన్ని మెరుగుపరచేందుకు ఈ AI టూల్స్ ఉపయోగపడతాయని తెలిపింది.అలాగే, AI ఆధారిత రియల్-టైమ్ కమ్యూనికేషన్, మరియు కమ్యూనిటీ ఆధారిత కంటెంట్ ద్వారా వినియోగదారుల అనుభవాన్ని మరింత నాణ్యంగా తీర్చిదిద్దాలని ఉబెర్ ఈట్స్ లక్ష్యంగా పెట్టుకుంది. ఈ కొత్త ఫీచర్లు మార్కెట్లో పోటీనూ పెంచుతున్నాయని, దీని వల్ల వినియోగదారులకు బెట్టర్ సర్వీస్, ఫాస్టర్ రిస్పాన్స్ లభిస్తాయని సంస్థ చెబుతోంది.