500కు పైగా పరుగులతో,,,రవీంద్ర జడేజా నయా హిస్టరీ

టీమిండియా ఆల్‌రౌండర్ రవీంద్ర జడేజా టెస్టుల్లో నయా హిస్టరీ క్రియేట్ చేశాడు. ఇంగ్లండ్‌తో జరుగుతున్న టెస్టు సిరీస్‌లో 500కు పైగా పరుగులు చేసి చరిత్ర సృష్టించాడు. నెంబర్ 6లో దిగి 500 పరుగులు చేసిన తొలి భారత ఆటగాడిగా సర్ రవీంద్ర జడేజా నిలిచాడు. అండర్సన్ - టెండూల్కర్ సిరీస్‌లో రవీంద్ర జడేజా తన మార్క్ బ్యాటింగ్‌తో అలరించాడు. టెస్టుల్లో ఇప్పటి వరకు 500కు పైగా పరుగులు చేసిన ఆల్‌రౌండర్ల జాబితాలో జడేజా కూడా నిలిచాడు. గతంలో గ్యారీ సోబర్స్, ఇయాన్ బోతమ్, జాక్వస్ కల్లీస్ టెస్టుల్లో 500కు పైగా పరుగులు చేశారు. 1996లో గార్పీల్డ్ సాబర్స్ నెలకొల్పిన అరుదైన రికార్డును కూడా సమం చేశాడు. టెస్టు చరిత్రలో నెంబర్ 6 లేదా అంతకన్నా తక్కువ స్థానంలో బ్యాటింగ్‌కి దిగి ఐదు హాఫ్ సెంచరీలు చేసిన ఆటగాళ్లలో సాబర్స్ తర్వాత జడేజా మాత్రమే ఉండటం విశేషం.

టెస్టు చరిత్రలో నెంబర్ 6 లేదా అంతకన్నా దిగువ బ్యాటింగ్ స్థానం నుంచి ఒకే టెస్ట్ సిరీస్‌లో 500 పరుగులు సాధించిన తొలి భారత ఆటగాడిగా జడేజా రికార్డు సృష్టించాడు. ఈ సిరీస్‌లో జడేజా మొత్ం 516 పరుగులు చేశాడు. 86 యావరేజ్‌తో ఐదు హాఫ్ సెంచరీలు, ఒక సెంచరీ బాదాడు. ఈ సిరీస్‌లో జడేజా స్కోర్స్‌ను ఒకసారి పరిశీలిస్తే 89, 69, 72, 61, 107, 53 పరుగులు చేశాడు.

ఇంగ్లండ్ - ఇండియా మధ్య జరుగుతున్న ఈ సిరీస్‌లో ఇప్పటి వరకు టీమిండియా బ్యాటర్లు 12 సెంచరీలు నమోదు చేశాడు. శుభమన్ గిల్, కేఎల్ రాహుల్, రవీంద్ర జడేజా 500కు పైగా పరుగులతో మోత మోగించారు. శుభమన్ గిల్ 754 పరుగులు చేయగా, కేఎల్ రాహుల్ 532, రవీంద్ర జడేజా 516 పరుగులు నమోదు చేశారు. ఒకే టెస్టు సిరీస్‌లో ముగ్గురు బ్యాటర్లు 500కి పైగా పరుగులు చేయడం ఇదే ఫస్ట్ టైమ్.

ఇక మ్యాచ్ విషయానికి వస్తే ది ఓవల్ వేదికగా జరుగుతున్న ఆఖరి టెస్టులో రెండో ఇన్నింగ్స్‌లో టీమిండియా భారీ స్కోర్ నమోదు చేసింది. యశస్వి జైస్వాల్ సెంచరీతో పాటు ఆకాశ్ దీప్, రవీంద్ర జడేజా, వాషింగ్టన్ సుందర్ హాఫ్ సెంచరీలు నమోదు చేశారు. జోష్ టంగ్ ఐదు వికెట్లు పడగొట్టడంతో భారత్ 396 పరుగులు నమోదు చేసింది.