ఆన్‌లైన్ ఐటీఆర్ ఫైలింగ్ ఛార్జీలు ఇవే

తమ ఖాతాలు ఆడిట్ అవసరం లేని వ్యక్తిగత ఆదాయపు పన్ను చెల్లింపుదారులు తమ ఐటీ రిటర్నులు ఫైల్ చేసేందుకు గడువు సెప్టెంబర్ 15, 2025 వరకు ఉంది. గత ఆర్థిక సంవత్సరం 2024-25 (మదింపు సంవత్సరం 2025-26)కి సంబంధించిన రిటర్నులు ఫైల్ చేయవచ్చు. ఇ-ఫైలింగ్ పోర్టల్ లోకి లాగిన్ అయి మీరే నేరుగా ఫైల్ చేయవచ్చు. లేదా చార్టర్డ్ అకౌంటెండ్ సాయంతో ఐటీఆర్ ఫైల్ చేయవచ్చు. వీటితో పాటుగా పలు థర్డ్ పార్టీ వెబ్‌సైట్లు సైతం అందుబాటులో ఉన్నాయి. ఎలా ఫైల్ చేసినా ఇ-ఫైలింగ్ పోర్టల్ ద్వారానే అన్ని ఫారాలను సబ్మిట్ చేయడం, వెరిఫై చేయాల్సి ఉంటుంది.

ట్యాక్స్ విభాగానికి చెందిన పోర్టల్ ద్వారా ఐటీ రిటర్నులు ఉచితంగా ఫైల్ చేయవచ్చు. మీకు చార్టర్డ్ అకౌంటెంట్ సాయం లేదా థర్డ్ పార్టీ వెబ్‌సైట్స్ అవసరమైనప్పుడు కొంత ఛార్జీలు చెల్లించాల్సి వస్తుంది. ఒక వేళ మీకు డేటా సేకరణ, ట్యాక్స్ ప్లానింగ్ వంటి ప్రత్యేక సర్వీసులు కావాలనుకుంటే మీరు చార్టర్డ్ అకౌంటెంట్‌ను నియమించుకోవడంలేదా క్లియర్, ట్యాక్స్ బడ్డీ, ట్యాక్స్ మేనేజర్, ట్యాక్స్ 2 విన్ వంటి వెబ్‌సైట్లను ఆశ్రయించవచ్చు. అందుకు కొంత ఫీ చెల్లించాల్సి వస్తుంది. ఏ వెబ్‌సైట్లో ఎంత ఛార్జీలు వసూలు చేస్తున్నారు? అనేది ఇప్పుడు తెలుసుకుందాం.

ట్యాక్స్ మేనేజర్ 

ఈ వెబ్‌సైట్లో ట్యాక్స్ ఎక్స్‌పర్ట్ సాయంతో రూ.50 లక్షల లోపు వార్షిక ఆదాయం ఉన్నట్లయితే ఐటీఆర్ ఫైలింగ్ చేసేందుకు రూ.1250 చెల్లించాల్సి వస్తుంది. అదే రూ.50 లక్షలకు పైగా ఆదాయం ఉంటే రూ.5000 ఫీ ఉంటుంది. ఇక క్యాపిటల్ గెయిన్స్ ఉంటే రూ.4,500 కట్టాలి. ఇక ప్రొఫెషనల్, స్వయం ఉపాధి పొందేవారు, కన్సల్టెంట్లు అయితే రూ.5000, ఎన్ఆర్ఐలు అయితే రూ.5000, విదేశీ ఆదాయం ఉంటే రూ.7,500 వరకు ఛార్జీలు ఉంటాయి.

క్లియర్ ట్యాక్స్ వెబ్‌సైట్

ఈ వెబ్‌సైట్ లో అయితే రూ.50 లక్షల లోపు వార్షిక ఆదాయం ఉన్నట్లయితే ఐటీఆర్ ఫైలింగ్ చేసేందుకు రూ.2539 చెల్లించాల్సి వస్తుంది. అదే రూ.50 లక్షల పైన ఆదాయం ఉంటే రూ.4,719 ఛార్జీ ఉంటుంది. క్యాపిటల్ గెయిన్స్ ఉన్నట్లయితే రూ.4,719 ఫీ కట్టాలి. అలాగే ప్రొఫెషనల్, స్వయం ఉపాధి, కన్సల్టెంట్లకు రూ.4,719, ఎన్ఆర్ఐలకు రూ.6759, విదేశీ ఆదాయం ఉంటే రూ.6759 ఛార్జీ పడుతుంది.

మై ఐటీ రిటర్న్ వెబ్‌సైట్

ఈ వెబ్‌సైట్ లో రూ.50 లక్షలలోపు ఆదాయం ఉన్నవారు ఐటీఆర్ ఫైలింగ్ కు రూ.1000 ఫీ చెల్లించాలి. అదే రూ.50 లక్షలపైన ఆదాయం ఉన్నవారు రూ.2000, క్యాపిటల్ గెయిన్స్ ఉంటే రూ.4 వేలు ఛార్జీలు కట్టాలి. ఇక ప్రొఫెషనల్, సెల్ఫ్ ఎఁప్లాయిడ్, కన్సల్టెంట్స్ రూ.5000, ఎన్ఆర్ఐలకు రూ.2 వేలు, విదేశీ ఆదాయ కలిగి ఉంటే రూ.6000 ఛార్జీలు ఉంటాయి.

ట్యాక్స్2 విన్ వెబ్‌సైట్

ఈ వెబ్‌సైట్లో లో రూ.50 లక్షల లోపు ఆదాయం ఉన్నట్లయితే రూ.1274 ఫీ కట్టాలి. రూ.50 లక్షలకుపైగా ఉంటే రూ.1274 ఛార్జీ చెల్లించాలి. క్యాపిటల్ గెయిన్స్ ఉన్నవారు రూ.4,249 చెల్లించాలి. ప్రొఫెషనల్, స్వయం ఉపాధిదారులు, కన్సల్టెంట్లు రూ.2655, ఎన్ఆర్ఐలు రూ.7,968, విదేశీ ఆదాయం ఉన్నవారు రూ.10,624 ఛార్జీలు చెల్లించాలి.

ట్యాక్స్ స్పానర్ వెబ్‌సైట్

ఈ వెబ్‌సైట్ లో రూ.50 లక్షల లోపు ఆదాయం కలిగిన వారు ఐటీఆర్ ఫైలింగ్ కోసం రూ.899 ఫీ చెల్లించాలి. రూ.50 లక్షలకుపై ఆదాయం ఉన్నట్లయితే రూ.6499 కట్టాలి. క్యాపిటల్ గెయిన్స్ ఉన్నట్లియేత రూ.3149, ప్రొఫెషనల్, స్వయం ఉపాధిదారులు, కన్సల్టెంట్స్ రూ.6499, ఎన్ఆర్ఐలకు రూ.5399, విదేశీ ఆదాయం పొందేవారు ఉంటే రూ.5399 ఛార్జీలు కట్టాల్సి వస్తుంది.

ట్యాక్స్ బడ్డీ వెబ్‌సైట్

ఈ వెబ్‌సైట్ లో రూ.50 లక్షల వార్షిక ఆదాయం ఉంటే ఐటీఆర్ ఫైల్ చేసేందుకు రూ. 999 ఫీ ఉంటుంది. అదే రూ.50 లక్షలపైన ఆదాయం ఉన్నవారికి సైతం రూ.999 మాత్రమే ఉంటుంది. కానీ క్యాపిటల్ గెయిన్స్ ఉన్నవారికి రూ. 2,999 పడుతుంది. ప్రొఫెషనల్, స్వయం ఉపాధి పొందుతున్నవారు, కన్సల్టెంట్లు అయినట్లయితే రూ.2499, ఎన్ఆర్ఐలు అయినట్లయితే అయితే రూ.4,499, విదేశీ ఆదాయం ఉన్నవారు అయితే రూ.7,499 వరకు ఛార్జీ పడుతుంది.