ఎలుకల్ని తరిమికొట్టే బిస్కెట్లు.... ఇంట్లోనే చేసుకోవచ్చు

ఇంట్లో ఎలుకలు చేసే గోల అంతా ఇంతా కాదు. బట్టల్ని, డబ్బుల్ని, వైరుల్ని కొరికేస్తాయి. అంతేకాకుండా ఇంట్లోని ఆహారాల్ని కూడా నాశనం చేస్తాయి. అంతేకాకుండా వీటి వల్ల వివిధ రోగాలు వచ్చే ప్రమాదం ఉంది. అందుకే ఇంటి నుంచి ఎలుకల్ని వదిలించుకోవాలి.

మందు, విషంతో పనిలేదు, ఎలుకల్ని తరిమికొట్టే బిస్కెట్లను ఇంట్లోనే చేసుకోవచ్చు, ఇంటి ప్రతి మూల ఉంచితే చాలు ఎలుకలు పారిపోతాయి

వర్షాకాలంలో ఇంట్లో ఎలుకల బెడద ఎక్కువగా ఉంటుంది. ఎందుకంటే వాటి కలుగులు నీటితో నిండిపోతాయి. అందుకే.. అవి ఇళ్లలోకి ప్రవేశిస్తాయి. ఎలుకలు ఇంట్లో మురికిని వ్యాపించడమే కాదు.. ఆరోగ్యానికి కూడా ముప్పు కలిగిస్తాయి. ఎలుకలు ఇంట్లో ఉండే బట్టలు, కరెన్సీ నోట్లను కూడా డ్యామేజ్ చేస్తాయి. ఎలుకలు బయట నుంచి బ్యాక్టీరియాల్ని తీసుకువస్తాయి. వీటి కారణంగా వివిధ ఆరోగ్య సమస్యలు తలెత్తుతాయి. ఇక, ఎలుకల్ని చంపడానికి చాలా మంది మార్కెట్లో దొరికే రసాయనాలు వాడుతుంటారు.

మార్కెట్లో దొరికే రసాయనాల వల్ల ఇంట్లో పిల్లలు, పెంపుడు జంతువులకు హాని కలుగుతుంది. అందుకే ఎలుకల్ని ఇంటి నుంచి వదిలించుకోవడానికి కొన్ని నేచురల్ చిట్కాలు పనిచేస్తాయి. ఈ చిట్కాల వల్ల ఎటువంటి హాని జరగదు. అలాంటి చిట్కాల్లో బిస్కెట్ ట్రిక్ ఒకటి. ఎలుకల్ని తరిమికొట్టే బిస్కెట్లను ఇంట్లోనే తయారు చేసుకోవచ్చు. ఈ బిస్కెట్లు ఎలుకల్ని విషపూరితం చేయకుండా ఇంటి నుంచి తరిమికొట్టగలవు. ఆ బిస్కెట్లకు కావాల్సిన పదార్థాలేంటి, తయారీ విధానం, వాడే పద్ధతి గురించి తెలుసుకుందాం.

 బిస్కెట్ల తయారీకి కావాల్సిన పదార్థాలు

ఈ బిస్కెట్ల తయారీకి పెద్దగా పదార్థాలు అవసరం లేదు. అంతేకాకుండా వీటిలో రసాయనాలు కూడా ఉండవు.

* బోరిక్ పౌడర్

* మైదా పిండి లేదా గోధుమ పిండి

* చక్కెర

* పాలు

తయారీ విధానం

ఎలుకల్ని తరిమికొట్టే బిస్కెట్ల తయారీ కోసం ముందుగా ఒక గిన్నెలో మైదా లేదా గోధుమ పిండిని తీసుకోండి. మైదా పిండి అయితే బెస్ట్. ఓ 300 గ్రాముల పిండి అయితే బెస్ట్. ఆ పిండిలో కొద్దిగా బోరిక్ పౌడర్ వేయండి. ఆ తర్వాత దానికి పాలు వేసి మెత్తటి పిండిలా పిసికి కలుపుకోండి. చక్కెర కూడా యాడ్ చేయడం. చక్కెర వల్ల తీపి పెరుగుతుంది. ఇది ఎలుకల్ని ఆకర్షిస్తుంది. ఈ మిశ్రమం తో చిన్న చిన్న బిస్కెట్లు చేయండి. వాటిని కాసేపు ఆరనివ్వండి. ఇంకేముంది ఎలుకల్ని తరిమికొట్టే బిస్కెట్లు రెడీ అయినట్టే.

వాడే విధానం

బిస్కెట్లు బాగా ఆరిన తర్వాత, ఎలుకలు తరచుగా కనిపించే ఇంటి మూలల్లో వాటిని ఉంచండి. చక్కెర కారణంగా ఎలుకలు వాటిపై ఆకర్షణకు గురవుతాయి. వాటిని తినడం వల్ల బోరిక్ పౌడర్ ఎలుకల శరీరంలోకి ప్రవేశించి వాటి జీర్ణవ్యవస్థను దెబ్బతీస్తుంది. దీని కారణంగా అవి ఆ ప్రదేశం నుంచి పారిపోవడం లేదా తక్కువ సమయంలోనే చనిపోవడం ప్రారంభిస్తాయి. ఎలుకల సంఖ్య ఎక్కువగా ఉండే వంటగది, స్టోర్ రూమ్, ఇతర ప్రదేశాల్లో ఈ బిస్కెట్లు ఉంచడం మంచిది. ఎలుకలను తరిమికొట్టడానికి ఈ బిస్కెట్లను వారానికి రెండుసార్లు ఉంచవచ్చు. పిల్లలు లేదా పెంపుడు జంతువులకు దూరంగా ఈ బిస్కెట్లను ఉంచండి.

ఈ చిట్కా బెస్ట్ 

ఈ రెమెడీ గొప్పదనం ఏంటంటే.. ఇందులో ఎలాంటి బలమైన రసాయనం లేదా ప్రమాదకరమైన విషం ఉండదు. ఇది ఇంటి పర్యావరణంపై ఎటువంటి చెడు ప్రభావాన్ని చూపదు. ఈ బిస్కెట్ పూర్తిగా ఇంట్లో దొరికే పదార్థాలతోనే తయారు చేసుకోవచ్చు. ఈ బిస్కెట్లతో ఇంటిని ఎలుకల నుంచి సురక్షితంగా ఉంచుకోవచ్చు. ఈ రెమెడీ కోసం పెద్ద ఖర్చు అవసరం లేదు. పర్యావరణానికి సురక్షితమైంది. మీరు కూడా ఎలుకల సమస్యతో బాధపడుతుండే ఈ వికర్షక బిస్కెట్ చిట్కా ప్రయత్నించండి.

ఇవి కూడా ట్రై చేయవచ్చు

ఉల్లిపాయ

ఇంట్లో నుంచి ఎలుకల్ని తరిమికొట్టడానికి ఉల్లిపాయ ఒక ప్రభావవంతమైన నివారణ. ఎలుకలకు ఉల్లిపాయల ఘాట వాసన అస్సలు నచ్చదు. ఇందుకోసం ఉల్లిపాయ రసాన్ని తీసి స్ప్రే బాటిల్‌లో నింపి ఇంట్లో ఎలుకలు తరచుగా కనిపించే ప్రదేశాలలో పిచికారీ చేయవచ్చు. ఎలుకలు ఉల్లిపాయ వాసనను పీల్చుకున్న వెంటనే ఆ ప్రదేశాల నుంచి పారిపోతాయి. ఈ పద్ధతి ఎలుకలను తరిమికొట్టడంలో సాయపడటమే కాకుండా రసాయన ఉత్పత్తుల కంటే సురక్షితమైంది. పర్యావరణానికి హానికరం కాదు.

బేకింగ్ సోడా

ఎలుకలను చంపకుండా ఇంటి నుంచి తరిమికొట్టడానికి బేకింగ్ సోడా ఒక ప్రభావవంతమైన నివారణ. ఎలుకలకు బేకింగ్ సోడా విషపూరితమైంది. అవి దానిని తిన్నప్పుడు, వాటి కడుపులో వాయువు ఉత్పత్తి అవుతుంది. దీంతో, ఎలుకలకు అసౌకర్యంగా అనిపిస్తుంది. ఈ దెబ్బకి అవి ఇంటి నుంచి పారిపోతాయి. మీరు బేకింగ్ సోడాను పిండి లేదా చక్కెరతో కలిపి ఎలుకలు వెళ్ళే దారిలో లేదా అవి తరచుగా వచ్చే ప్రదేశాలలో ఉంచవచ్చు. ఎలుకలను వదిలించుకోవడానికి ఇది సురక్షితమైన, సహజమైన మార్గం. ఇది ఇంటికి ఎటువంటి హాని కలిగించదు.