కొత్తగా కొన్న గాజు, స్టీల్ పాత్రలపై స్టిక్కర్స్ మరకలు వదలాలంటే ఇలాచేయండి
Life style | Suryaa Desk | Published : Sun, Aug 17, 2025, 09:12 PM
ఏదైనా వస్తువు తయారుచేసినప్పుడు వాటిపై ఆ తయారీదారులు వారి బ్రాండింగ్ కోసం లేబుల్స్, లోగో, స్టిక్కర్స్ వంటివి అతికిస్తారు. ఇది వారి సైడ్ నుంచి ఓ ప్రమోషన్లాగా. అయితే, ఇవి కొత్తగా ఉన్నప్పుడు బానే ఉంటాయి. కానీ, వాడేటప్పుడు వాటి తాలుకూ మరకలు పోవు. జిడ్డు అలానే ఉంటాయి. కాగితపు స్ట్రిప్స్ మొండి అవశేషాలు మిగిలిపోతాయి. వీటిని ఎంతలా రుద్దినా పోవు. పైగా ఆ స్టిక్కర్స్ చుట్టూ గీతలు, మరకలు పడుతుంటాయి. వీటిని సరిగ్గా క్లీన్ చేయాలంటే ఏం చేయాలో తెలుసుకోండి.
కావాల్సిన పదార్థాలు
గోరువెచ్చని నీరు
డిష్వాష్ సోప్
స్పాంజ్
ప్లాస్టిక్ స్క్రాపర్, లేదా ఏదైనా పాత క్రెడిట్, డెబిట్ కార్డ్
కుకింగ్ ఆయిల్
పేపర్ టవల్
రబ్బింగ్ ఆల్కహాల్
కాటన్ బాల్
మైక్రోఫైబర్ క్లాత్
వీటి సాయంతో ఎలా క్లీన్ చేయాలో తెలుసుకోవాలి. అయితే గాజు, స్టీల్ వస్తువులపై మరకల్ని తీసేయడం వేర్వేరుగా ఉంటుంది.
వేళ్లతో నొక్కడం
అయితే, ఈ స్టిక్కర్ తాలుకూ మరకల్ని క్లీన్ చేయడానికి ముందుగా వేలి గోళ్లతో స్టిక్కర్ని మెల్లిగా తీయండి. ఇది గాజు, పింగాణి పాత్రలపై అలానే చేయండి. ఇక స్టీల్ పాత్రలైతే వాటిని కాస్తా వేడికి దగ్గరగా ఉంచితే లోపల్నుంచి వేడి తగిలి గమ్ పల్చగా మారి స్టిక్కర్ పల్చగా మారుతుంది. దీనిని ఈజీగా తీయొచ్చు. ఆ తర్వాత తోమేయండి.
గోరువెచ్చని సబ్బు నీటిలో నానబెట్టడం
స్టిక్కర్ తీసేశాక మిగిలిన స్టిక్కర్ని క్లీన్ చేయడానికి పాత్రల్ని గోరువెచ్చని నీటిలో డిష్ సోప్ వేసి నానబెట్టండి. గాజు పాత్రలైతే మరింత జాగ్రత్తగా ఉండాలి. డిష్ని నీటిలో నానబెట్టి 20 నిమిషాల పాటు ఉంచండి. తర్వాత కాస్తా రబ్ చేయండి. ఇవి గాజు పాత్రలైనా సరే.. అయితే, వాటిని రుద్దేటప్పుడు జాగ్రత్తగా క్లీన్ చేయండి.
స్పాంజితో రబ్ చేయడం
ఇప్పుడు మరకల్ని స్పాంజ్, స్క్రబ్బర్తో రబ్ చేయండి. మరీ ఎక్కువగా మరకలుగా ఉంటే కార్డ్పై కాస్తా రుద్దండి. ఇలా చేయడం వల్ల అంటుకున్న జిడ్డు మొత్తం పూర్తిగా వచ్చేస్తుంది. రాకపోతే వంటనూనె రాయండి. దీంతో జిడ్డు మొత్తం వచ్చేస్తుంది. పేపర్ టవల్పై నూనె రాసి స్టిక్కర్ని రుద్దడానికి దానిని వాడండి. దీనిని మరక ఉన్నచోట అలానే ఉంచండి.
రబ్బింగ్ ఆల్కహాల్
ఇప్పటికే మరకలు వదులుతాయి. లేదంటే కొద్దిగా రబ్బింగ్ ఆల్కహాల్ని కాటన్పై వేసి జిడ్డుపై రుద్దండి. దీంతో జిడ్డు మరకలు పోతాయి. చివర్లో జిడ్డు అవశేషాల్ని స్పాంజ్, మెత్తని క్లాత్తో రుద్దండి. తర్వాత చక్కగా డిష్ని ఆరబెట్టండి.
|
|