ఓ టేబుల్ స్పూన్ ధనియాలతో థైరాయిడ్‌కి చెక్

ఈ రోజుల్లో చాలా మంది మహిళలు థైరాయిడ్ సమస్యతో ఇబ్బందులు పడుతున్నారు. హైపర్ థైరాయిడ్ తో కొంత మంది హైపోథైరాయిడ్ తో మరి కొందరు సమస్యలు ఎదుర్కొంటున్నారు. ఒక్కసారి ఇది మొదలైందంటే బరువు పెరగడం లేదా తగ్గడం సహా మరి కొన్ని లక్షణాలు కనిపిస్తాయి. మందులు ఎన్ని రోజులు వాడినప్పటికీ కొన్ని జాగ్రత్తలతో ఈ సమస్యను తగ్గించుకోవచ్చు. ఇప్పుడు చెప్పే ఇంటి చిట్కాతో చాలా సులువుగా ఈ ఇబ్బంది నుంచి బయటపడవచ్చు. ఇందుకోసం మీ వద్ద ధనియాలు ఉంటే చాలు. మరి ఈ చిట్కా ఎలా పాటించాలో తెలుసుకోండి.

ధనియాలు

​ధనియాలలో యాంటీ ఆక్సిడెంట్ గుణాలు పుష్కలంగా ఉంటాయి. అందుకే షుగర్ తగ్గించడంతో పాటు బరువు తగ్గడానికి కూడా వీటిని ఎక్కువగా వాడుతుంటారు. అయితే..ధనియాలలో థైరాయిడ్ ని తగ్గించే గుణాలు కూడా పుష్కలంగా ఉంటాయి. సరిగ్గా వాడడం తెలిస్తే థైరాయిడ్ కి ఇవి చెక్ పెడతాయి. వీటిలో యాంటీ ఇన్ ఫ్లమేటరీ గుణాలు కూడా ఎక్కువగా ఉంటాయి. మొత్తంగా శరీరానికి ఇవి ఎంతో మేలు చేస్తాయి. అయితే..థైరాయిడ్ ని తగ్గించడంలో ఇవి ఎలా ఉపయోగపడతాయి. బీపీ, షుగర్, కొలెస్ట్రాల్ సహా మరి కొన్ని సమస్యలను తగ్గించడంలో ఇవి తోడ్పడతాయి. మరి వీటిని ఎలా వాడితే థైరాయిడ్ తగ్గుతుందో ఓ ఎక్స్ పర్ట్ వివరించారు. ఈ వివరాలేంటో తెలుసుకోండి.

ఎక్స్ పర్ట్ ప్రకారం

ఎక్స్ పర్ట్ చెప్పిన ప్రకారం చూస్తే..ధనియాలను ఎన్నో రకాల సమస్యలు మందులా వాడవచ్చు. విపరీతంగా నీరసం ఉన్నా, పొట్ట ఉబ్బరంగా అనిపించినా ఇవి ఉపయోగపడతాయి. ముఖ్యంగా జీర్ణ ప్రక్రియ మందగించిన వారికి ఇవి చాలా బాగా తోడ్పడతాయి. అయితే..థైరాయిడ్ లో రెండు రకాలుంటాయి. ఒకటి హైపో థైరాయిడ్ అంటే..థైరాయిడ్ హార్మోన్స్ తక్కువగా ఉండడం. ఇక మరోటి..హైపర్ థైరాయిడ్ అంటే..హార్మోన్స్ ఎక్కువ అవడం. వీటిలో హైపో థైరాయిడ్ సమస్యకు ధనియాలు పరిష్కారం చూపిస్తాయి. ధనియాలతో హార్మోన్స్ సరైన విధంగా విడుదలై సమస్యను తగ్గిస్తాయి.

ఎలా తయారు చేయాలి

ధనియాలను కూరల్లో వాడుతుంటారు. వీటి ద్వారా పోషకాలు అందుతున్నప్పటికీ ఇప్పుడు చెప్పిన విధంగా వాడితే ఇంకాస్త ఎఫెక్టివ్ గా పని చేస్తాయి. ఏం చేయాలంటే..ముందుగా ఒకటి లేదా రెండు టేబుల్ స్పూన్స్ మేర ధనియాలు తీసుకోవాలి. ఓ కప్పు నీటిలో ఈ ధనియాలు వేయాలి. ఇలా రాత్రంతా నానబెట్టి ఉంచాలి. ఉదయమే ఈ నీటిని వడబోసి తాగాలి. ఇలా చేయడం వల్ల ధనియాలలో ఉండే పోషకాలు సరైన విధంగా నీళ్లలోకి చేరుకుంటాయి. ఈ నీరు తీసుకున్నప్పుడు ఈ పోషకాలు శరీరానికి అందుతాయి. క్రమంగా థైరాయిడ్ సమస్య తగ్గుతుంది. మరో రకంగా కూడా వీటిని వాడవచ్చు. ఆ ప్రాసెస్ కూడా తెలుసుకుందాం.

మరో రకంగా

ఇందాక చెప్పిన పద్ధతితో పాటు మరో విధానంలోనూ ధనియాలను వాడవచ్చు. ముందుగా ఓ కప్పు నీరు తీసుకుని బాగా మరిగించాలి. అవి వేడిగా ఉన్నప్పుడే అందులో ఒకటి లేదా రెండు టేబుల్ స్పూన్స్ మేర ధనియాలు వేయాలి. ఇలా కనీసం పది నిముషాల పాటు మరిగించాలి. ఆ తరవాత పక్కన పెట్టి వడబోయాలి. ఈ నీటిని అలా వేడిగా ఉన్నప్పుడే తాగాలి. మెల్లగా సిప్ చేస్తూ తీసుకోవాలి. ఇలా చేయడం వల్ల థైరాయిడ్ హార్మోన్స్ క్రమంగా బ్యాలెన్స్ అవుతాయి. ఫలితంగా లక్షణాలన్నీ తగ్గుతాయి. మందులు వాడుతూనే ఈ చిట్కా కూడా పాటిస్తే ఇంకాస్త వేగంగా ఫలితాలు చూడవచ్చు.

ఎన్ని రోజులు వాడాలి

ఇప్పుడు చెప్పిన పద్ధతిలో ఈ డ్రింక్ తయారు చేసుకుని తాగితే థైరాయిడ్ ఇబ్బంది చాలా వరకూ తగ్గిపోతుంది. అయితే..వారం పది రోజులు చిట్కా పాటించి వదిలేస్తే పెద్దగా ప్రయోజనం ఉండకపోవచ్చు. ఎక్స్ పర్ట్ చెప్పిన దాని ప్రకారం చూస్తే..కనీసం మూడు నెలల పాటు ఉదయమే పరగడుపున ఈ డ్రింక్ తీసుకోవడం మంచిది. పరగడుపున లేదా రాత్రి నిద్రపోయే ముందు తీసుకున్నా మంచిదే. కాకపోతే తప్పనిసరిగా మూడు నెలలు వాడితేనే ఫలితాలు చూడవచ్చు. మరి ఈ డ్రింక్ తీసుకోవడం వల్ల ఎలాంటి ప్రయోజనాలుంటాయి. థైరాయిడ్ ఎలా తగ్గుతుందన్నదీ తెలుసుకోండి.

ప్రయోజనాలు

ధనియాల డ్రింక్ లో యాంటీ ఆక్సిడెంట్స్ పుష్కలంగా ఉంటాయి. ఫలితంగా ఆక్సిడేటివ్ స్ట్రెస్ నుంచి శరీరాన్ని కాపాడుతుంది. ఇక అన్నింటి కన్నా ముఖ్యమైన విషయం ఏంటంటే..ఈ డ్రింక్ నేచురల్ డిటాక్స్ సపోర్ట్ లా పని చేస్తుంది. శరీరంలో పేరుకుపోయిన టాక్సిన్స్ ని బయటకు పంపుతుంది. జీర్ణ శక్తిని పెంచడంతో పాటు హార్మోన్ బ్యాలెన్స్ కి తోడ్పడుతుంది. మహిళలు తప్పనిసరిగా తీసుకుంటే పీరియడ్స్ సమస్యలు కూడా క్రమంగా తగ్గిపోతాయి.