పొలిటికల్‌ ఎంట్రీపై నారా రోహిత్‌ ఆసక్తికర వ్యాఖ్య

మన దేశంలో సినిమాలు, రాజకీయాలకు విడదీయరాని సంబంధం ఉంది. సినిమాల్లో రాణించిన వారిలో చాలా మంది రాజకీయాల్లో కూడా మంచి గుర్తింపు తెచ్చుకున్నారు. నేటికి కూడా చాలా మంది సినీ సెలబ్రిటీలు రాజకీయాల్లో రాణిస్తున్నారు. ఇప్పుడీ జాబితాలోకి మరో వ్యక్తి చేరారు. ఆయనే నారా రోహిత్ . రాజకీయ నేపథ్యం ఉన్న కుటుంబం నుంచి వచ్చిన రోహిత్ సినిమాల్లో రాణిస్తున్నారు. తాజాగా తన పొలిటికల్ ఎంట్రీపై ఆసక్తికర వ్యాఖ్యలు చేశారు. పాలిటిక్స్, సినిమాల్లోకి వస్తే ఆపేది ఎవరని ఆయన ప్రశ్నించారు.

తాజాగా నారా రోహిత్ రాజమండ్రిలో మీడియాతో మాట్లాడుతూ.. రాజకీయాల్లోకి వస్తే తప్పకుండా అందరికి చెబుతాను అన్నారు. తన పెదనాన్న ముఖ్యమంత్రి చంద్రబాబు నాయుడు, అన్నయ్య నారా లోకేష్ వీరంతా తమ కుటుంబం నుంచి రాజకీయాల్లోకి వచ్చి రాణిస్తున్నారని తెలిపారు.తాను రాజకీయాల్లోకి వస్తే తనను ఎవరూ ఆపరని చెప్పుకొచ్చారు. నిజంగానే తాను పాలిటిక్స్‌లోకి ఎంట్రీ ఇస్తే.. కచ్చితంగా అందరికి చెబుతాను అన్నారు. నారా రోహిత్ హీరోగా నటించిన సుందరకాండ సినిమా ఆగస్టు 27న విడుదల కాబోతుంది. దీంతో చిత్ర బృందం రాజమండ్రిలో సందడి చేసింది. ఈ సందర్భంగా నారా రోహిత్ మాట్లాడుతూ.. రాజకీయాలపై ఆసక్తికర వ్యాఖ్యలు చేశారు.

నారా రోహిత్ హీరోగా నటించిన సుందరకాండ సినిమాలో ప్రతివాఘవి, శ్రీదేవి హీరోయిన్లుగా నటిస్తున్నారు. ఈ మూవీకి సంతోష్ నిర్మాతగా ఉన్నారు. చిత్రబృందం మాట్లాడుతూ.. పాత సుందరకాండ సినిమాకి ఈ సినిమాకి ఎలాంటి పోలిక లేదన్నారు. అందుకే ఈ సినిమాకు రెండు ఒకటి కాదు అనే ట్యాగ్ లైన్ పెట్టామని తెలిపారు. ఇది కుటుంబ కథ చిత్రమని, లవ్ స్టోరీతో తెరకెక్కిచాము అన్నారు.

నారా రోహిత్ విషయానికి వస్తే.. ఆయన రాజకీయ నేపథ్యం ఉన్న కుటుంబం నుంచి సినీ పరిశ్రమలోకి అడుగుపెట్టారు. నారా రోహిత్. హీరోగా మాత్రమే కాక నిర్మాతగా కూడా మారి మంచి చిత్రాలు తెరకెక్కిస్తున్నారు. రోహిత్ తండ్రి నారా రామ్మూర్తి నాయుడు. కొన్నాళ్ల క్రితమే ఆయన చనిపోయారు. నారా రోహిత్ న్యూయార్క్ ఫిలిం అకాడమీలో శిక్షణ పొందరు. ఈయన.. బాణం, అసుర, సోలో, రౌడీ ఫెలో, ప్రతినిధి 1, 2 చిత్రాలలో నటించి మంచి పేరు తెచ్చుకున్నారు. ప్రస్తుతం సుందరకాండ సినిమాతో ప్రేక్షకుల ముందుకు రాబోతున్నారు.