సరికొత్త ఫీచర్స్‌తో Renault Kiger Facelift – మీ బడ్జెట్‌కి సరిపోయే SUV!

Renault Kiger Facelift:రెనాల్ట్ తన కాంపాక్ట్ SUV మోడల్ అయిన కైగర్ (Kiger) ఫేస్‌లిఫ్ట్‌ను భారత మార్కెట్‌లో తాజాగా పరిచయం చేసింది. ఇటీవలే ట్రైబర్ ఫేస్‌లిఫ్ట్‌ను లాంచ్ చేసిన కంపెనీ, వెంటనే కైగర్‌ను కూడా నవీకరించి తీసుకొచ్చింది.కొత్త కైగర్ మోడల్ డిజైన్, ఫీచర్లు మరియు ఇంటీరియర్‌లో కీలకమైన మార్పులతో వచ్చింది. దీని ప్రారంభ ధరను రూ.6.29 లక్షలుగా (ఎక్స్-షోరూం) నిర్ణయించగా, టాప్ వేరియంట్ అయిన టర్బో మోడల్ రూ.9.99 లక్షల (ఎక్స్-షోరూం) నుంచి లభిస్తోంది.ఫ్రంట్ డిజైన్ పూర్తిగా రీఫ్రెష్ అయింది. సన్నని గ్రిల్ పక్కన స్లీక్ DRLs, మధ్యలో కొత్త రీనాల్ట్ లోగో, ప్రత్యేకంగా డిజైన్ చేసిన హెడ్‌ల్యాంప్ హౌసింగ్ మరియు స్టైలిష్ ఫాగ్ ల్యాంప్‌లతో కూడిన బంపర్ కారు రూపాన్ని మరింత ఆకర్షణీయంగా మారుస్తుంది.సైడ్ లుక్స్‌లో పెద్దగా మార్పులు కనిపించకపోయినా, 16 అంగుళాల కొత్త డిజైన్ అలాయ్ వీల్స్ మరియు కొత్త గ్రీన్ పెయింట్ స్కీమ్ ఈ facelift లో ప్రత్యేక ఆకర్షణగా నిలుస్తున్నాయి.ఇంటీరియర్‌ విశేషాలు:ఇంటీరియర్ పరంగా మునుపటి లేఅవుట్‌నే కొనసాగించినప్పటికీ, డాష్‌బోర్డ్‌పై బ్లాక్-లైట్ గ్రే డ్యూయల్‌టోన్ ఫినిష్ కొత్తదనం తెచ్చింది. ఇందులో 8 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ ఇన్‌స్ట్రుమెంట్ క్లస్టర్ వంటి ముఖ్యమైన టెక్నాలజీ అప్‌డేట్స్ ఉన్నాయి.ఫీచర్ల విషయానికి వస్తే, వెంటిలేటెడ్ ఫ్రంట్ సీట్లు, 360 డిగ్రీ కెమెరా, ఆటోమేటిక్ హెడ్‌లైట్లు & వైపర్స్, వైర్‌లెస్ మొబైల్ చార్జర్ వంటి ఆధునిక సౌకర్యాలు అందించబడ్డాయి.
*భద్రతా లక్షణాలు:కారు భద్రత కోసం 6 ఎయిర్‌బ్యాగ్స్, ఎలక్ట్రానిక్ స్టెబిలిటీ ప్రోగ్రామ్ (ESP), టైర్ ప్రెషర్ మానిటరింగ్ సిస్టమ్, హిల్ స్టార్ట్ అసిస్టు వంటి ఫీచర్లు ఉన్నాయి.
*వేరియంట్లు & ఇంజిన్ ఆప్షన్లు:కైగర్ నాలుగు వేరియంట్లలో లభిస్తుంది – ఆథెంటిక్ (Authentic), ఎవల్యూషన్ (Evolution), టెక్నో (Techno), ఎమోషన్ (Emotion). ఇందులో రెండు ఇంజిన్ ఆప్షన్లు అందుబాటులో ఉన్నాయి –
1.0-లీటర్ నేచురల్లీ ఆస్పిరేటెడ్ పెట్రోల్ ఇంజిన్ (72hp)
1.0-లీటర్ టర్బోచార్జ్డ్ పెట్రోల్ ఇంజిన్ (100hp)
ఈ ఇంజిన్లకు 5-స్పీడ్ మాన్యువల్ గేర్‌బాక్స్ స్టాండర్డ్‌గా లభిస్తుంది. నేచురల్ ఆస్పిరేటెడ్ ఇంజిన్‌కు AMT ఆప్షన్ కూడా ఉంది, ఇక టర్బో ఇంజిన్‌కు CVT ఆటోమేటిక్ గేర్‌బాక్స్ ఆఫర్ చేయబడుతోంది.రెనాల్ట్ ప్రకారం, ఈ ఫేస్‌లిఫ్ట్ మోడల్ తన సెగ్మెంట్‌లో అత్యుత్తమ 0-100 kmph యాక్సిలరేషన్‌ను అందిస్తుందని తెలిపింది.
*వేరియంట్ వారీగా ధరలు:
ఆథెంటిక్ 1.0 NA-MT – రూ.6.29 లక్షలు
ఎవల్యూషన్ 1.0 NA-MT – రూ.7.09 లక్షలు
టెక్నో 1.0 NA-MT – రూ.8.19 లక్షలు
టెక్నో 1.0 Turbo-CVT – రూ.9.99 లక్షలు
ఎమోషన్ 1.0 NA-MT – రూ.9.14 లక్షలు
ఎమోషన్ 1.0 Turbo-MT – రూ.9.99 లక్షలు
ఎమోషన్ 1.0 Turbo-CVT – రూ.11.26 లక్షలు