ప్రపంచాన్ని ఊపేసిన జియో హాట్స్టార్ – సరికొత్త రికార్డు ఇది!
national | Suryaa Desk | Published : Fri, Aug 29, 2025, 09:33 PM
ప్రేక్షకులు ఇప్పుడు థియేటర్లు, టీవీలను చూసే ప్రాధాన్యతను తగ్గించి, ఎప్పుడూ అందుబాటులో ఉండే ఓటీటీ ప్లాట్ఫామ్లపై ఎక్కువగా ఆధారపడుతున్నారు. ఈ నేపథ్యంలో, OTTలకు గణనీయమైన డిమాండ్ పెరిగింది.ఈ పరిణామాలలో భాగంగా, రిలయన్స్ – వాల్ట్ డిస్నీ భాగస్వామ్యంతో ఏర్పడిన జియో హాట్స్టార్ ప్రస్తుతం ప్రపంచంలో రెండవ అతిపెద్ద OTT ప్లాట్ఫామ్గా ఎదిగింది. మొత్తం టీవీ మార్కెట్లో 34 శాతం వాటా కలిగి ఉన్న జియో, మొబైల్, ల్యాప్టాప్, టీవీ వంటి డివైస్ల ద్వారా వందల కోట్ల మందికి కంటెంట్ను అందిస్తోంది. ఇకపై ఈ సేవలను ఇతర దేశాలకు విస్తరించాలనే ప్రణాళికలో ఉన్నట్లు రిలయన్స్ జియో ఇన్ఫోకామ్ చైర్మన్ ఆకాశ్ అంబానీ తెలిపారు.ప్రస్తుతం జియో హాట్స్టార్లో 3.20 లక్షల గంటల కంటెంట్ అందుబాటులో ఉందని, ఇది ఇతర రెండు ప్రధాన ఓటీటీ ప్లాట్ఫామ్లను కలిపినా మించిన పరిమాణమని ఆయన వివరించారు. ప్రతి ఏడాది 30,000 గంటల కంటే ఎక్కువ కంటెంట్ను జియో హాట్స్టార్ యాడ్ చేస్తుందని తెలిపారు.అలాగే, టీవీ, ల్యాప్టాప్లు, మొబైల్ల ద్వారా 600 మిలియన్ల వినియోగదారులు జియో హాట్స్టార్ను ఉపయోగిస్తున్నారని, వీరిలో 300 మిలియన్లు పేమెంట్ చేసే చందాదారులు అని చెప్పారు.హాట్స్టార్తో భాగస్వామ్యం వల్లే ఈ స్థాయికి చేరుకున్నామని ఆయన చెప్పారు. ప్రస్తుతం నెట్ఫ్లిక్స్ ప్రపంచంలో అగ్రస్థానంలో ఉండగా, జియో హాట్స్టార్ రెండవ స్థానంలో, అమెజాన్ ప్రైమ్ వీడియో మూడవ స్థానంలో ఉందని ఆయన స్పష్టం చేశారు.
|
|