దసరా నాడు "వాహన మిత్ర" పథకాన్ని ఇవ్వనున్న చంద్రబాబు
Andhra Pradesh Telugu | Suryaa Desk | Published : Thu, Sep 11, 2025, 01:31 PM
దసరా పండుగ సందర్భంగా ఆటో డ్రైవర్ల కోసం ప్రత్యేకంగా "వాహన మిత్ర" పథకాన్ని చంద్రబాబు ప్రకటించారు. ఈ పథకం కింద ప్రతి ఆటో డ్రైవర్కు రూ.15 వేల చొప్పున ఆర్థిక సహాయం అందజేయనున్నట్లు ఆయన వెల్లడించారు.అనంతపురంలో నిన్న జరిగిన "సూపర్ సిక్స్ – సూపర్ హిట్" బహిరంగ సభలో ముఖ్యమంత్రి చంద్రబాబు ఈ ప్రకటన చేశారు. రాష్ట్ర ప్రభుత్వం ఆగస్టు 15న ఎన్నికల సమయంలో ఇచ్చిన స్త్రీ శక్తి పథకం (మహిళలకు ఉచిత బస్సు ప్రయాణం) హామీని అమలు చేసింది. ఈ పథకానికి మహిళల నుంచి విశేష స్పందన లభిస్తోంది. అయితే, మహిళలకు ఉచిత ప్రయాణ సదుపాయం కల్పించడంతో పట్టణ ప్రాంతాల్లో ఆటో డ్రైవర్లకు గిరాకీ తగ్గిపోయింది. దీనితో ఆటో డ్రైవర్ల ఆదాయం గణనీయంగా తగ్గిపోయిందని వారు ఆందోళన వ్యక్తం చేశారు. ఆటో డ్రైవర్లు రాష్ట్ర వ్యాప్త నిరసన కార్యక్రమాలకు సిద్ధమవుతున్న తరుణంలో, ముఖ్యమంత్రి చంద్రబాబు ఆటో డ్రైవర్ల సంక్షేమం కోసం ఈ కీలక ప్రకటన చేశారు.
|
|