Asia Cup 2025 కోసం టీమిండియా: కేఎల్ రాహుల్ కెప్టెన్, శ్రేయస్ రీ ఎంట్రీపై అంచనాలు

ఆసియాకప్ 2025 తర్వాత టీమిండియా స్వదేశంలో వెస్టిండీస్‌తో రెండు మ్యాచ్‌ల టెస్టు సిరీస్ ఆడనుంది. ఈ రెడ్ బాల్ సిరీస్ అక్టోబర్ 2 నుంచి 16 వరకు జరుగనుంది. టెస్టు సిరీస్ అనంతరం అక్టోబర్ 19న భారత్‌-వెస్టిండీస్ వైట్ బాల్ సిరీస్ ప్రారంభమవుతుంది. అందువల్ల రాబోయే రెండు నెలల పాటు భారత జట్టు వరుసగా సిరీస్‌లతో బిజీగా ఉంటుంది.వెస్టిండీస్ టెస్టు సిరీస్ జట్టును మరో పది రోజుల్లో ప్రకటించనున్నారు. అయితే ఈ సిరీస్‌లో మొదటి టెస్టుకు టీమిండియా రెగ్యులర్ కెప్టెన్ శుభ్మన్ గిల్ పాల్గొనకపోవచ్చనే ఆందోళన ఉంది. గిల్ ప్రస్తుతం ఆసియాకప్ టోర్నీలో బిజీగా ఉన్నారు. భారత్ ఫైనల్‌కు చేరే అవకాశం చాలా ఎక్కువగా ఉంది. ఈ ఖండాంతర టోర్నీ ఫైనల్ సెప్టెంబర్ 28న జరగనుంది. ఫైనల్ ముగియగానే మూడు రోజుల లోపల అక్టోబర్ 2న వెస్టిండీస్‌తో తొలి టెస్టు ప్రారంభం కానుంది. దీంతో గిల్‌కు విశ్రాంతి ఇవ్వాల్సి రావచ్చు. ఈ పరిస్థితుల్లో తొలి టెస్టుకు భారత కెప్టెన్‌గా కేఎల్ రాహుల్ వ్యవహరించవచ్చు. గమనించదగ్గ విషయం ఏమంటే, రాహుల్ ఆసియాకప్ జట్టులో లేవని తెలిసిందే.ఓపెనర్లుగా ఇంగ్లండ్ టూర్‌లో అద్భుత ప్రదర్శన చేసిన కేఎల్ రాహుల్, యశస్వి జైశ్వాల్‌లు కొనసాగనున్నారు. అభిమన్యు ఈశ్వరన్ రిజర్వ్ ఓపెనర్‌గా జట్టులో ఉంటారు. సాయి సుదర్శన్, కరుణ్ నాయర్ మధ్య ఒక్కరిదీ తుది జట్టులో చోటు దక్కే అవకాశముంది.ఇంగ్లండ్ టూర్‌లో గాయపడ్డ వికెట్ కీపర్ రిషబ్ పంత్ విండీస్ సిరీస్‌కు దూరమవుతారని భావిస్తున్నారు. అతడి స్థానంలో ధ్రువ్ జురెల్ వికెట్ కీపర్‌గా వ్యవహరిస్తారు. అలాగే తమిళనాడు క్రీడాకారుడు నారాయణ జగదీశన్ సెకండ్ వికెట్ కీపర్‌గా జట్టులో ఉంటారు.మిడిల్ ఆర్డర్ బ్యాట్స్‌మన్ శ్రేయస్ అయ్యర్ తిరిగి భారత టెస్టు జట్టులోకి రావడానికి అవకాశం పెరిగింది. ఆసీస్‌-ఎ సిరీస్ కోసం ఆయన్ని భారత-ఎ జట్టు కెప్టెన్‌గా ఎంపికచేశారు. శ్రేయస్ అయ్యర్ జట్టులోకి వస్తే సర్ఫరాజ్ ఖాన్ స్థానాన్ని కోల్పోవచ్చు.ఆల్‌రౌండర్లుగా రవీంద్ర జడేజా, అక్షర్ పటేల్, వాషింగ్టన్ సుందర్, నితీష్ కుమార్ రెడ్డి తమ స్థానాలను బలపరిచారు. ఫాస్ట్ బౌలర్లుగా జస్ప్రీత్ బుమ్రా, ఆకాశ్ దీప్, మహమ్మద్ సిరాజ్, ప్రసిద్ధ్ కృష్ణ ఉన్నారు. స్పెషల్ స్పిన్నర్‌గా కుల్దీప్ యాదవ్ కొనసాగుతారు. అయితే ఆసియాకప్‌లో కెప్టెన్ గిల్‌తో కలసి ఉన్న బుమ్రా, కుల్దీప్ తొలి టెస్టుకు అందుబాటులో ఉంటారా అన్నది చూసుకోవాల్సి ఉంటుంది.