"AP TET 2025 షెడ్యూల్ ఖరారు – నవంబర్లో నిర్వహణకు సిద్ధం"
Andhra Pradesh Telugu | Suryaa Desk | Published : Mon, Sep 15, 2025, 08:09 PM
మెగా డీఎస్సీలో ఎంపికైన అభ్యర్థులకు ఈ నెల 22 నుంచి 29 వరకు వారు నియమించబడిన జిల్లాల్లో ట్రైనింగ్ నిర్వహించనున్నట్లు పాఠశాల విద్యాశాఖ కార్యదర్శి కోన శశిధర్ వెల్లడించారు.ఈ కాలవ్యవధిలోనే కౌన్సిలింగ్ ప్రక్రియను పూర్తి చేసి, నియామక పత్రాలు పంపిణీ చేస్తామని ఆయన పేర్కొన్నారు. ఈ నోటిఫికేషన్లో భర్తీ కాలేని 406 ఖాళీలను వచ్చే డీఎస్సీ ప్రకటనలో కలిపి భర్తీ చేస్తామని వెల్లడించారు. ఇకపై ప్రతి ఏడాది డీఎస్సీ నిర్వహిస్తామని స్పష్టం చేశారు. ఈ నవంబర్లో డీఎస్సీ నిర్వహించేందుకు ప్రభుత్వం నిర్ణయం తీసుకున్నట్లు ఆయన తెలిపారు. అభ్యర్థులు ఇప్పటినుంచే సన్నద్ధం కావాలని సూచించారు.ఇదిలా ఉండగా... ఈరోజు డీఎస్సీ ఫైనల్ సెలెక్షన్ లిస్ట్ను మంత్రి నారా లోకేష్ విడుదల చేశారు. అభ్యర్థులతో ఇచ్చిన హామీని తక్కువ సమయంలోనే నెరవేర్చామని అన్నారు. మొత్తం 16,347 టీచర్ పోస్టుల భర్తీ ప్రక్రియ పూర్తయిందని తెలిపారు. "150 రోజుల్లోనే మెగా డీఎస్సీని పూర్తి చేయగలిగాం" అని లోకేష్ పేర్కొన్నారు.ఈ నెల 19న ఎంపికైన అభ్యర్థులకు అపాయింట్మెంట్ లెటర్లు ఇవ్వనున్నట్లు వెల్లడించారు. దసరా సెలవులు ముగిసిన అనంతరం వీరిని విధుల్లోకి తీసుకుంటామని తెలిపారు. డీఎస్సీ నియామకాలకు సంబంధించిన మరిన్ని వివరాలు త్వరలో వెల్లడికానున్నాయి.
|
|