గాలి తీసిన టైర్ నుంచి టీం ఇండియా జెర్సీ దాకా – Apollo Tyres రోలర్ కోస్టర్ జర్నీ!

Apollo Tyres: గాలి లేని టైర్ నుంచి టీం ఇండియా జెర్సీ దాకా – అసలు జర్నీ చూస్తే షాక్ అవ్వాల్సిందే!
ప్రపంచంలో క్రికెట్ ఒక మతం అయితే, దాన్ని అత్యధికంగా ఆచరించే దేశం భారత్ అనే విషయం అందరికీ తెలిసిందే. ఎందుకంటే, ఈ ఆటను భారతదేశంలో వయస్సుతో సంబంధం లేకుండా ప్రతీ ఒక్కరు ఆదరిస్తారు. అలాంటి క్రికెట్ ప్రేమికుల దేశంలో ప్రస్తుతం "Apollo Tyres" అనే పేరు తెగ ట్రెండ్ అవుతోంది. కారణం? భారత జాతీయ క్రికెట్ జట్టు కొత్త జెర్సీ స్పాన్సర్‌గా అపోలో టైర్స్ ఎంపిక కావడం.ఒకప్పుడు గాలి తీసేసిన టైర్ల తయారీతో ప్రారంభమైన ఈ సంస్థ, నేడు టీం ఇండియాకు ముఖచిత్రంగా మారడం సగర్వంగా చెప్పుకోదగిన విషయం. సాధారణంగా ఊహించలేని రీతిలో సాగిన ఈ బ్రాండ్ ప్రయాణం ప్రతి వ్యాపారవేత్తకు మోటివేషన్‌గా నిలుస్తుంది.Apollo Tyres తాజాగా BCCIతో మూడు సంవత్సరాల ఒప్పందాన్ని కుదుర్చుకుంది. ఈ డీల్ విలువ ఏకంగా రూ.579 కోట్లు. అంటే 2027 వరకూ భారత క్రికెట్ జట్టు జెర్సీలపై అపోలో టైర్స్ లోగో కనిపించనుంది. అయితే ఈ రోజు నిలిచిన స్థాయి వెనుక ఓ ఆత్మవిశ్వాసంతో కూడిన గాథ ఉంది. ఒకప్పుడు ఈ కంపెనీ ఆర్థికంగా గడ్డు పరిస్థితుల్లో ఉండగా, వ్యవస్థాపకుడు రౌనక్ సింగ్ తన కుమారుడు ఓంకార్ కన్వర్‌కు కేవలం రూ.1కి కంపెనీని అప్పగించాలని నిర్ణయించుకున్న సందర్భం ఉంది.ఆ క్లిష్ట సమయంలో బాధ్యతలు తీసుకున్న ఓంకార్ కన్వర్ అపోలోను పునర్నిర్మించి, నేడు బిలియన్ డాలర్ల విలువ గల బ్రాండ్‌గా తీర్చిదిద్దారు. ప్రస్తుతం ఈ సంస్థ BSEలో రూ.31 వేల కోట్ల మార్కెట్ క్యాపిటలైజేషన్‌కు చేరువలో ఉంది.Apollo Tyres స్థాపన 1972లో గురుగ్రామ్‌లో జరిగింది. 1975లో కేరళలోని పెరుంబ్రాలో తొలి ఫ్యాక్టరీ ప్రారంభమైంది. నాణ్యతపై ప్రత్యేక దృష్టి పెట్టిన సంస్థ, మొదటి దశలోనే మార్కెట్‌లో మంచి గుర్తింపు పొందింది. 1980లో రౌనక్ సింగ్ తన కుమారుడికి కంపెనీ బాధ్యతలు అప్పగించగా, ఓంకార్ కన్వర్ వ్యూహాత్మక నిర్ణయాలతో సంస్థను ముందుకు నడిపించారు. రేడియల్ టైర్ విభాగంలో ఈ సంస్థ భారతదేశంలో అగ్రగామిగా ఎదిగింది.1991లో గుజరాత్‌లోని లిమ్డాలో కొత్త ప్లాంట్ ఏర్పాటు చేయడం, 1995లో ప్రీమియర్ టైర్స్‌ను కొనుగోలు చేయడం, 2009లో నెదర్లాండ్స్‌కు చెందిన Vredestein Banden BVను సొంతం చేసుకోవడం వంటి కీలక ఘట్టాలు ఈ సంస్థ వృద్ధికి బలమైన మైలురాళ్లుగా నిలిచాయి. ప్రస్తుతం అపోలో టైర్స్‌కు భారతదేశంలో ఐదు ప్లాంట్లు ఉండగా, నెదర్లాండ్స్, హంగేరీలో ఒక్కొక్క ఫ్యాక్టరీ ఉంది. ఈ సంస్థ 100కు పైగా దేశాల్లో తన ఉత్పత్తులను సరఫరా చేస్తోంది.జెర్సీ స్పాన్సర్‌షిప్ ప్రకటించిన తర్వాత, స్టాక్ మార్కెట్‌లో కూడా అపోలో టైర్స్ ప్రభావం చూపింది. BSEలో కంపెనీ షేరు రూ.486.80 వద్ద 1.56% లాభంతో ముగిసింది. ఈ బ్రాండ్ భారత క్రికెట్ లాగే "గేమ్‌చేంజర్"గా మారింది.