ఉమ్లింగ్ లా రహదారి: గిన్నిస్ రికార్డుల్లో చోటు సంపాదించిన ప్రయాణం
Andhra Pradesh Telugu | Suryaa Desk | Published : Wed, Sep 17, 2025, 12:01 AM
గుజరాత్లోని సూరత్కు చెందిన గిరిజన యువకుడు మృగేశ్ రాథోడ్ 'గిన్నిస్ బుక్ ఆఫ్ వరల్డ్ రికార్డ్స్'లో తన స్థానాన్ని సంపాదించుకున్నారు.బజాజ్ డొమినార్ 250 బైక్పై 25 రోజుల్లో 6,300 కిలోమీటర్లు ప్రయాణించి, ప్రపంచంలోనే అత్యంత ఎత్తైన మోటారబుల్ రోడ్గా పేరుపొందిన ఉమ్లింగ్ లా పాస్ చేరడం ద్వారా ఈ రికార్డు సాధించాడు. లద్దాఖ్లో ఉన్న ఈ పాస్ సముద్రమట్టానికి 19,024 అడుగుల ఎత్తులో ఉంది.మృగేశ్ ఆగస్టు 16న నలుగురు స్నేహితులతో కలిసి తన సాహస ప్రయాణాన్ని ప్రారంభించాడు. ప్రయాణం మధ్యలో కురికిన మంచు, కొండచరియలు విరిగిపడటం, తక్కువ ఆక్సిజన్ వంటి కఠిన పరిస్థితులను ఎదుర్కొన్నప్పటికీ, అతని పట్టుదల, ధైర్యం ప్రయాణ విజయానికి కారణమైంది.గమ్యానికి చేరుకున్న తరువాత, మృగేశ్ తన తెగకు చెందిన జెండాను గర్వంగా ఆవిష్కరించాడు. ఈ ఘన విజయంతో మృగేశ్కు మాత్రమే కాదు, అతని తెగకు మరియు సూరత్ ప్రాంతానికి కూడా విశిష్ట గౌరవం లభించింది.
|
|