ఆసియా కప్ నుంచి పాకిస్థాన్ ఔట్.. భారత్-పాక్ మ్యాచ్ రద్దు!

ఆసియా కప్-2025 నుంచి పాకిస్థాన్ జట్టు తప్పుకుంది. సూపర్-4కి అర్హత సాధించాలంటే గెలుపొందాల్సిన కీలకమైన మ్యాచ్‌కి ఆ జట్టు హాజరు కాలేదు. బుధవారం యూఏఈతో జరగాల్సిన మ్యాచ్‌లో ఆడకుండా పాకిస్థాన్ ఆటగాళ్లు హోటల్ గదులకే పరిమితమయ్యారు. దీంతో మ్యాచ్ రద్దైంది. పాకిస్థాన్ గనుక ఈ మ్యాచ్ గెలిచి ఉంటే, సెప్టెంబర్ 21న దుబాయ్ వేదికగా భారత్‌తో తలపడాల్సి ఉండేది.
పాకిస్థాన్ తీసుకున్న ఈ నిర్ణయం క్రికెట్ ప్రపంచాన్ని ఆశ్చర్యపరిచింది. పాకిస్థాన్ క్రికెట్ బోర్డు ఈ విషయంపై ఎటువంటి అధికారిక ప్రకటన చేయలేదు. తమ జట్టు ఎందుకు మ్యాచ్ ఆడలేదో కూడా స్పష్టం చేయలేదు. ఈ ఆకస్మిక నిర్ణయంపై అభిమానులు, మాజీ క్రీడాకారులు తీవ్ర అసంతృప్తి వ్యక్తం చేస్తున్నారు. ముఖ్యంగా, భారత్-పాక్ మ్యాచ్ రద్దు కావడంపై క్రికెట్ ప్రేమికులు నిరాశ చెందుతున్నారు.
ఈ పరిస్థితిపై ఆసియా క్రికెట్ కౌన్సిల్ (ఏసీసీ) అత్యవసర సమావేశం ఏర్పాటు చేసింది. దీనిపై ఏసీసీ త్వరలో అధికారిక ప్రకటన చేయనుంది. పాకిస్థాన్ మ్యాచ్ నుంచి తప్పుకోవడం వల్ల యూఏఈ నేరుగా సూపర్-4లోకి అడుగుపెట్టింది. ఇక సెప్టెంబర్ 21న భారత్, యూఏఈ మధ్య మ్యాచ్ జరగనుంది. ఈ పరిణామాలతో ఏసియా కప్‌-2025లో ఉత్కంఠ మరింత పెరిగింది.
పాకిస్థాన్ ఈ టోర్నమెంట్ నుంచి తప్పుకోవడానికి గల కారణాలపై ఊహాగానాలు కొనసాగుతున్నాయి. పాక్ క్రికెట్ బోర్డు, ఆటగాళ్ల మధ్య విభేదాలు ఉన్నాయని, ఆసియా కప్ షెడ్యూలింగ్‌పై వారికి అసంతృప్తి ఉందని వార్తలు వినిపిస్తున్నాయి. ఏదేమైనా, పాకిస్థాన్ తీసుకున్న ఈ నిర్ణయం ప్రపంచ క్రికెట్‌లో ఒక కొత్త చర్చకు దారి తీసింది.