కలుపు మొక్కలతో కోట్ల సంపాదన!
Technology | Suryaa Desk | Published : Wed, Sep 17, 2025, 09:45 PM
కర్ణాటక సరిహద్దులో ఉన్న తమిళనాడు నీలగిరి జిల్లాలోని కొడముల గ్రామం మహిళలు ఓ ప్రత్యేకమైన ప్రయాణాన్ని ప్రారంభించారు. ఒకప్పుడు తేయాకు తోటల్లో కూలీగా లేదా అడవి ప్రాంతాల్లో వంటచెరకు కోసం తిరిగే వారిగా జీవించేవారు. అయితే ఇప్పుడు, కళతో జీవితాన్ని మార్చుకుంటున్నారు.అడవుల్లో విపరీతంగా విస్తరించిన లాంటానా అనే కలుపు మొక్క, స్థానిక ఏనుగులకు ఆహారం దొరకకుండా చేసి, అవి జనావాసాల వైపు తరలే పరిస్థితి తెచ్చింది. ఈ పరిస్థితిని సమర్థవంతంగా ఎదుర్కొనేందుకు, 'రిఅల్ ఎలిఫెంట్ కలెక్టివ్' అనే సంస్థ రంగంలోకి దిగింది.ఈ ఎన్జీవో మహిళలకు లాంటానా మొక్కలతో ఆర్ట్ బొమ్మలు తయారుచేయడం నేర్పింది. ఇవి కేవలం చిన్న బొమ్మలు కాదు — ఏనుగులు, ఇతర అడవి జంతువుల ఆకారాల్లో పెద్ద బొమ్మలు, విదేశాల్లో భారీగా అమ్ముడవుతున్నాయి. కొన్ని కళాకృతుల ధర రూ.10 లక్షల దాకా వెళ్తోంది!ప్రస్తుతం దాదాపు 300 మంది మహిళలు ఈ కళాకారులుగా మారి స్వయం ఉపాధిని సంపాదిస్తున్నారు. సంవత్సరానికి సుమారు 500 హెక్టార్లలో లాంటానా తొలగించి, వాటితో తయారు చేసిన ఉత్పత్తుల ద్వారా రూ.2.5 కోట్లకు పైగా ఆదాయం వస్తోంది.ఈ నవరాత్రి సందర్భంగా బొమ్మల కొలువులో సైనికుల బొమ్మలు కూడా ప్రత్యేక ఆకర్షణగా నిలుస్తున్నాయి.
|
|