పర్సనల్ లోన్ తీసుకోవాలా? 20 బ్యాంకుల్లో.. వడ్డీ రేట్లు, ప్రాసెసింగ్ ఫీ వివరాలివే

వివిధ ఆర్థిక అవసరాల కోసం ప్రస్తుతం చాలా మంది బ్యాంకుల్లో వ్యక్తిగత రుణాలు తీసుకుంటున్నారు. బ్యాంకులు సైతం ఈ రుణాలు ఇచ్చేందుకు ముందుకొస్తున్నాయి. ముఖ్యంగా మెరుగైన క్రెడిట్ స్కోర్ 750 ప్లస్ ఉన్న వారికి తక్కువ వడ్డీ రేట్లకే పర్సనల్ లోన్స్ ఇస్తున్నాయి. ఆన్‌లైన్ ద్వారా దరఖాస్తు చేసుకోవడం నుంచి లోన్ మంజూరు, క్రెడిట్ వరకు సేవలందిస్తున్నాయి. కొన్ని ప్రత్యేక సందర్భాల్లో బ్యాంకులు పరిమిత కాలానికి ప్రత్యేక వడ్డీ రేట్లు కల్పిస్తున్నాయి. ఇలాంటి ప్రత్యేక ఆఫర్లు ఉన్నప్పుడు లోన్ కోసం దరఖాస్తు చేసుకున్నట్లయితే తక్కువ వడ్డీ రేటుతోనే లోన్ పొందవచ్చు. ఇక ప్రముఖ సంస్థల్లో పని చేసే వారికి తక్కువ వడ్డీ రేటుతో పాటు చాలా వేగంగా లోన్స్ ఇచ్చేందుకు బ్యాంకులు మొగ్గు చూపుతాయి.

మీరు కూడా బ్యాంకులో పర్సనల్ లోన్ తీసుకోవాలనుకుంటే ఈ విషయాలను కచ్చితంగా తెలుసుకోవాలి. వ్యక్తిగత రుణాలపై బ్యాంకులు వసూలు చేసే వడ్డీ రేట్లు వేరు వేరుగా ఉంటాయి. ఒక్కో బ్యాంక్ ఒక్కో విధంగా వడ్డీ రేట్లు వసూలు చేస్తుంది. అయితే చాలా తక్కువ వ్యత్యాసం ఉంటుంది. అందుకే లోన్ కోసం దరఖాస్తు చేసుకునే ముందే ఏ బ్యాంకులో వడ్డీ రేట్లు, ప్రాసెసింగ్ ఫీజులు ఎలా ఉన్నాయి అనేది సరిపోల్చుకుని చూడాలి. ఎందులో తక్కువ వడ్డీ రేట్లు ఉంటే అందులో తీసుకోవడం మంచిది. 0.5 శాతం వడ్డీ తగ్గిన నెలవారీ ఈఎంఐల భారం పెద్ద మొత్తంలో తగ్గుతుంది. ఈ క్రమంలో ఎస్‌బీఐ సహా 20 బ్యాంకుల్లో వడ్డీ రేట్లు, ప్రాసెసింగ్ ఫీజుల గురించి తెలుసుకుందాం.

  బ్యాంక్ ఆఫ్ మహారాష్ట్రలో మెరుగైన క్రెడిట్ స్కోర్ ఉన్న వారికి పర్సనల్ లోన్ వడ్డీ రేటు 9 శాతం నుంచే మొదలవుతోంది. ఇందులో ప్రాసెసింగ్ ఫీజు 1 శాతంగా ఉంది.

హెచ్‌ఎస్‌బీసీ బ్యాంకులో ప్రస్తుతం వడ్డీ రేటు 9.89 శాతం నుంచి మొదలుతోంది. ప్రాసెసింగ్ ఫీజు 2 శాతం వరకు ఉంటుంది.

కోటక్ మహీంద్రా బ్యాంకులో వడ్డీ రేటు 9.98 శాతం నుంచి మొదలవుతుండగా ప్రాసెసింగ్ ఫీ 1.1 శాతం నుంచి ప్రారంభమవుతోంది.

హెచ్‌డీఎఫ్‌సీ బ్యాంకులో లోన్ వడ్డీ రేటు 9.99 శాతం నుంచి మొదలవుతోంది. ప్రాసెసింగ్ ఫీజు రూ.3499 నుంచి మొదలవుతోంది.

ఐడీఎఫ్‌సీ ఫస్ట్ బ్యాంకులో వడ్డీ రేటు 9.99 శాతం నుంచి ప్రారంభమవుతోంది. ప్రాసెసింగ్ ఫీ 2 శాతం వరకు ఉంటుంది.

యాకిస్స్ బ్యాంకులో పర్సనల్ లోన్ వడ్డీ రేటు 9.99 శాతం నుంచి మొదలవుతోంది. ప్రాసెసింగ్ ఫీజు 1 శాతం నుంచి మొదలవుతోంది.

స్టేట్ బ్యాంక్ ఆఫ్ ఇండియాలో వడ్డీ రేటు 10.05 శాతం నుంచి మొదలవుతోంది. ప్రాసెసింగ్ ఫీజు 1.5 శాతం వరకు ఉంటుంది.

ఇండస్ ఇండ్ బ్యాంకులో వడ్డీ 10.35 శాతం నుంచి ప్రారంభమవుతుండగా ప్రాసెసింగ్ ఫీజు 1.3 శాతం నుంచి మొదలవుతోంది.

బ్యాంక్ ఆఫ్ బరోడాలో వడ్డీ 10.40 శాతం నుంచి ప్రారంభమవుతోంది. ప్రాసెసింగ్ ఫీ 2 శాతం వరకు ఉంటుంది.

పంజాబ్ నేషనల్ బ్యాంకలో వడ్డీ రేటు 10.50 శాతం నుంచి ఉండగా ప్రాసెసింగ్ ఫీజు 0.35 శాతం వరకు ఉంటుంది.

ఐసీఐసీఐ బ్యాంకులో వడ్డీ రేటు 10.60 శాతం నుంచి ఉండగా ప్రాసెసింగ్ ఫీ 2 శాతం వరకు ఉంటుంది.

యెస్ బ్యాంకులో వడ్డీ 10.85 శాతం నుంచి మొదలవుతోంది. ప్రాసెసింగ్ ఫీజు 2.5 శాతం వరకు ఉంటుంది.

డీబీఎస్ బ్యాంకులో పర్సనల్ లోన్ వడ్డీ 10.99 శాతం, ప్రాసెసింగ్ ఫీజు 3 శాతం వరకు ఉంటుంది.

ఆదిత్య బిర్లా ఫైనాన్స్ బ్యాంకులో వడ్డీ 10.99 శాతం, ప్రాసెసింగ్ ఫీ 4 శాతం వరకు ఉన్నాయి.

ఐడీబీఐ బ్యాంకులో వడ్డీ రేటు 11 శాతం నుంచి మొదలవుతుండగా ప్రాసెసింగ్ ఫీజు 1 శాతం వరకు ఉండనుంది.

ఎల్ అండ్ టీ ఫైనాన్స్ బ్యాంకులో 11 శాతం వడ్డీ, ప్రాసెసింగ్ ఫీజు 3 శాతం వరకు ఉన్నాయి.

సెంట్రల్ బ్యాంక్ ఆఫ్ ఇండియాలో వడ్డీ రేటు 11.05 శాతం, ప్రాసెసింగ్ ఫీజు 1 శాతం వరకు ఉన్నాయి.

బ్యాంక్ ఆఫ్ ఇండియాలో 11.10 శాతం మేర వడ్డీ ఉండగా ప్రాసెసింగ్ ఫీజు 1 శాతంగా ఉంది.

స్టాండర్డ్ చార్టర్డ్ బ్యాంకులో 11.49 శాతం వడ్డీ ఉంది. 2.25 శాతం వరకు ప్రాసెసింగ్ ఫీజు ఉంటుంది.

ఫెడరల్ బ్యాంకులో వడ్డీ రేటు 12 శాతం నుంచి మొదలవుతుండగా ప్రాసెసింగ్ ఫీజు 2 శాతం వరకు ఉంటుంది