ఐకూ, వివో ఫోన్లలో భారీ మార్పు: ఫన్టచ్ OS స్థానంలో Origin OS 6
Technology | Suryaa Desk | Published : Tue, Sep 23, 2025, 08:18 PM
ఐకూ స్మార్ట్ఫోన్లు ఇకపై ఆండ్రాయిడ్ 16 ఆధారంగా రూపొందిన Origin OS 6తో రాబోతున్నాయని కంపెనీ అధికారికంగా ప్రకటించింది.ప్రస్తుతం ఐకూ ఫోన్లు ఆండ్రాయిడ్ 15 ఆధారిత ఫన్టచ్ ఓఎస్ 15తో నడుస్తున్నాయి. త్వరలోనే ఈ కొత్త Origin OS 6ను భారత్లో ప్రవేశపెట్టనున్నట్లు ఐకూ ఇండియా సీఈవో నిపుణ్ మార్యా ఎక్స్లో వెల్లడించారు. దీంతో చైనాలోలానే భారత్లోనూ వివో, ఐకూ ఫోన్లు ఒకే తరహా యూజర్ ఇంటర్ఫేస్తో పనిచేయనున్నాయి.ఇప్పటికే ఫన్టచ్ ఓఎస్ ఇండియా అధికారిక ఎక్స్ ఖాతా పేరు **OriginOS (@FuntouchOS_IN)**గా మారింది. మొదట ప్రీమియం మోడల్స్కు అప్డేట్ అందించి, తర్వాత మిడ్రేంజ్, బడ్జెట్ సిరీస్లకు విస్తరించనున్నారు.ఇక చైనాలో అక్టోబర్ 10న Origin OS 6ను అధికారికంగా ఆవిష్కరించనున్నట్లు వివో ప్రకటించింది. రాబోయే ఫ్లాగ్షిప్ మోడల్స్ వివో ఎక్స్300, ఎక్స్300 ప్రోలు ఆండ్రాయిడ్ 16 ఆధారిత Origin OS 6తోనే విడుదల కాబోతున్నాయి. వినియోగదారుల అనుభవాన్ని మరింత మెరుగుపరచడం, సులభమైన యూజర్ ఇంటర్ఫేస్, అధునాతన ఫీచర్లు అందించడం ఈ అప్డేట్ ప్రధాన లక్ష్యమని కంపెనీ స్పష్టం చేసింది.
|
|