ఫైనల్లో ఎదురుపడితే టీమిండియాను ఓడిస్తాం
sports | Suryaa Desk | Published : Wed, Sep 24, 2025, 08:04 PM
ఆసియా కప్ 2025 టోర్నమెంట్లో భారత్-పాకిస్థాన్ జట్ల మధ్య పోరు మైదానం బయట కూడా మాటల యుద్ధానికి దారితీసింది. తమ సహచర ఆటగాళ్లు హరీస్ రవూఫ్, సాహిబ్జాదా ఫర్హాన్ల అనుచిత ప్రవర్తనపై వస్తున్న విమర్శలపై పాకిస్థాన్ స్టార్ పేసర్ షాహీన్ అఫ్రిది స్పందించారు. ఈ వివాదాన్ని తేలికగా తీసుకుంటూనే, ఒకవేళ ఫైనల్లో ఎదురుపడితే టీమిండియాను ఓడించడం ఖాయమని ధీమా వ్యక్తం చేశారు.గత ఆదివారం భారత్తో జరిగిన సూపర్ 4 మ్యాచ్లో పాక్ ఆటగాళ్లు హరీస్ రవూఫ్, సాహిబ్జాదా ఫర్హాన్ల హావభావాలు, చేష్టలు తీవ్ర వివాదాస్పదమయ్యాయి. వారి ప్రవర్తన క్రీడాస్ఫూర్తికి విరుద్ధంగా ఉందంటూ సోషల్ మీడియాలో అభిమానులు, క్రీడా పండితులు తీవ్ర విమర్శలు గుప్పించారు. ఈ నేపథ్యంలో బంగ్లాదేశ్తో మ్యాచ్కు ముందు జరిగిన ప్రెస్ మీట్లో షాహీన్ అఫ్రిది ఈ అంశంపై మాట్లాడారు.సహచరుల ప్రవర్తనపై అడిగిన ప్రశ్నకు బదులిస్తూ, "చూడండి, మా ప్రధాన కర్తవ్యం క్రికెట్ ఆడటం. ఎవరు ఎలా స్పందించాలనేది వారి వ్యక్తిగత ఇష్టం. ఒక్కొక్కరికి ఒక్కో ఆలోచనా విధానం ఉంటుంది. మేము ఇక్కడికి ఆసియా కప్ గెలవడానికే వచ్చాం. ఒక జట్టుగా మా ఉత్తమ ప్రదర్శన ఇవ్వడానికి ప్రయత్నిస్తున్నాం," అని షాహీన్ అన్నారు.
|
|