H-1B లేకుండానే US జాబ్? భారత టాలెంట్ కోసం కొత్త మార్గాలు తీసుకువస్తున్న కంపెనీలు!

"తాడిని తన్నేవాడు ఉన్నట్టే, తల తన్నేవాడు కూడా ఉంటాడు" అన్న సామెత ఇప్పుడు అమెరికా అధ్యక్షుడు ట్రంప్ విషయంలో నిజమవుతోంది. ప్రపంచంలో అత్యంత శక్తివంతుడిగా భావించే అమెరికా అధ్యక్షుడిగా ట్రంప్ ఎన్నో కఠిన నిర్ణయాలు తీసుకుంటూ వలసదారులపై పడి దాడులు చేస్తున్నారు. టారిఫ్‌లు విధించడం నుంచి విదేశీయుల వీసాలపై కఠినమైన నిబంధనలు తీసుకురావడం వరకూ అన్ని మార్గాల్లో ఆయన తన శక్తిని ప్రదర్శించారు. హెచ్-1బీ వీసా కోసం లక్ష డాలర్లు చెల్లించాల్సిందేనంటూ కొత్త పాలసీలు తీసుకొచ్చారు.అయితే ట్రంప్ తీసుకొచ్చిన ఈ కఠిన నిర్ణయాల మధ్యలో అమెరికన్ కంపెనీలు మాత్రం కొత్తదారి ఎంచుకున్నాయి. హెచ్-1బీ పరిమితుల కారణంగా టాలెంట్ అందుబాటులో లేకపోవటాన్ని దృష్టిలో పెట్టుకుని, తమ కీలక కార్యకలాపాలను భారతదేశానికి మార్చేస్తున్నాయి. దీంతో గ్లోబల్ కాపబిలిటీ సెంటర్ల (GCCs) గణనీయంగా విస్తరిస్తున్నాయి. రీసెర్చ్, డెవలప్మెంట్, ఫైనాన్స్ వంటి విభాగాల్లో భారతదేశం కేంద్రంగా మారుతోంది.ప్రస్తుతం దేశంలో సుమారు 1700 జీసీసీలు కార్యకలాపాలు నిర్వహిస్తున్నాయి. ఫార్మా, ఆటోమొబైల్, టెక్నాలజీ రంగాల్లో అనేక దిగ్గజ కంపెనీలు భారతీయ టాలెంట్‌ను మక్కువగా ఆశ్రయిస్తున్నాయి. దీనివల్ల హెచ్-1బీ వీసాల కోసం పోటీ పడాల్సిన అవసరం తగ్గిపోతోంది.ఇదే సమయంలో ఆర్టిఫిషియల్ ఇంటెలిజెన్స్ (AI) విప్లవాత్మక మార్పులు తీసుకువస్తుండటంతో, అమెరికన్ కంపెనీలు వీసా పరిమితులను దాటి వెళ్లేలా కొత్త లేబర్ స్ట్రాటజీని రూపుదిద్దుకుంటున్నాయి.ఈ భారీ మార్పులకు అవసరమైన వ్యూహాలను త్వరితగతిన రూపొందించేందుకు కంపెనీలు ముందడుగులు వేస్తున్నాయి. డెలాయిట్ వంటి సంస్థలు జీసీసీ విభాగంలో భారతదేశంలో ముందంజలో ఉన్నాయి. జీసీసీలకు తక్కువ సమయంలో ఆపరేషన్స్ ప్రారంభించగలిగే సౌలభ్యం ఉన్నందున, పెద్ద కంపెనీలు వీటిని సత్వరంగా స్థాపించగలుగుతున్నాయి.ట్రంప్ పదవీకాలం ముగిసే వరకూ అమెజాన్, ఆపిల్, గూగుల్, మైక్రోసాఫ్ట్, జేపీ మోర్గన్, వాల్‌మార్ట్ వంటి దిగ్గజ కంపెనీలు ఇదే దిశగా ముందుకు సాగుతున్నాయి. హెచ్-1బీ వల్ల కలిగే ఇబ్బందులను తక్కువ చేయడమే కాకుండా, భారతదేశంలో టాలెంట్‌కి నేరుగా ఉద్యోగ అవకాశాలు అందిస్తూ కొత్త మార్గాన్ని తవ్వుకుంటున్నాయి.నిపుణులు చెబుతున్నారు.