పిల్లలు నిద్రపోయే ముందు తల్లిదండ్రులు చేయకూడని పొరపాట్లు

రోజంతా ఆడుకుని తీరా నిద్రపోయే ముందు పిల్లలు బాగా అలిసిపోతారు. ఆ సమయంలో ఏ కాస్త చిరాకు పడినా ఇబ్బంది పడతారు. నిజానికి నిద్రపోయే ముందు పిల్లలతో ఏం మాట్లాడతారు, ఎలా మాట్లాడతారు అనేవే వాళ్ల మానసిక ఆరోగ్యాన్ని డిసైడ్ చేస్తాయని చెబుతున్నారు పేరెంటింగ్ ఎక్స్ పర్ట్స్. అందుకే..పిల్లలు నిద్రపోయే ముందు పాజిటివిటీ పెంచాలని అంటున్నారు. అయితే కొంతమంది తల్లిదండ్రులు తెలియకుండా చేసే కొన్ని పొరపాట్లు పిల్లల్ని ఇబ్బంది పెడుతున్నాయి. వాళ్ల మానసిక ఎదుగుదలపై ప్రభావం చూపించడంతో పాటు భవిష్యత్ పైనా ఎఫెక్ట్ పడుతుంది.

స్క్రీన్ టైమ్

పిల్లలు నిద్రపోయే ముందు అసలు స్క్రీన్ టైమ్ ఉండకూడదు. సరిగ్గా నిద్రపోయే ముందు ఎక్కువగా ఫోన్ లేదా టీవీ చూడడం వల్ల కళ్లపై ఎఫెక్ట్ పడుతుంది. ఒత్తిడి కారణంగా సరిగ్గా నిద్ర పట్టదు. బ్లూ లైట్ ఎక్కువగా తగలడం వల్ల నిద్ర నాణ్యత దెబ్బ తింటుంది. స్లీప్ సైకిల్ పూర్తిగా మారిపోతుంది. ఫలితంగా ఇది పిల్లల జ్ఞాపకశక్తిపై ప్రభావం చూపిస్తుంది. 2019 లో పబ్లిష్ చేసిన ఓ అధ్యయనం ప్రకారం పిల్లలు నిద్రపోవడానికి ఓ గంట ముందు స్క్రీన్స్ చూడడం వల్ల నిద్ర తగ్గిపోతుంది. అంతే కాదు. నిద్రకు అవసరం అయ్యే మెలటానిన్ హార్మోన్ కూడా విడుదల కాదు. మెదడు పని తీరుపైనా ప్రభావం పడుతుంది. ఫలితంగా పిల్లలు అన్నింట్లోనూ వెనకబడిపోతారు.

నిద్ర డిస్టర్బెన్స్

పిల్లలను మరీ ఎక్కువ సమయం పాటు పడుకోనిచ్చినా ఇబ్బందే. అలా అని మరీ తక్కువ సమయం పాటు నిద్రపోయినా సమస్యే. ఓ టైమ్ కి అలవాటుపడినప్పుడు బ్రెయిన్ సిగ్నల్స్ పంపుతుంది. ఆ సమయంలో నిద్రపోవాలని చెబుతుంది. కానీ అర్ధరాత్రి వరకూ పిల్లల్ని మెలకువతో ఉంచడం, ఎప్పుడు పడితే అప్పుడు పడుకోబెట్టడం లాంటివి వాళ్ల స్లీప్ సైకిల్ ని దెబ్బ తీస్తాయి. ఇలా చేయడం వల్ల వాళ్ల మెదడు పని తీరు సరిగ్గా ఉండకపోవడమే కాకుందా చదువులోనూ వెనకబడేందుకు అవకాశాలుంటాయని గతంలో ఓ రీసెర్చ్ వెల్లడించింది.

అతి డిసిప్లేన్

చాలా మంది తల్లిదండ్రులు అతి డిసిప్లేన్ పేరుతో పిల్లలను చాలా త్వరగా పడుకోబెడుతుంటారు. లేగా బెదిరించి, తిట్టి మరీ పడుకోబెట్టేందుకు ప్రయత్నిస్తారు. దీని వల్ల పిల్లల్లో నిద్ర అంటేనే ఓ చిరాకు వస్తుంది. నిద్రను వాళ్లు నెగటివ్ యాంగిల్ లో చూస్తారు. దీన్నో పనిష్ మెంట్ గా భావిస్తారు. సహజంగా జరగాల్సిన ఈ ప్రక్రియపై వాళ్లకు కోపం వస్తుంది. క్రమంగా నిద్రపోయేందుకు నిరాకరిస్తారు. రానురాను మొండిగా తయారవుతారు. ఇదే వాళ్లలో యాంగ్జిటీ పెంచుతుంది. దీని వల్ల లేనిపోని సమస్యలు వచ్చి పడతాయి. పూర్తిగా పిల్లల ఆరోగ్యం దెబ్బ తింటుంది.

మరీ బిజీ చేయకండి

చాలా మంది పిల్లలు అన్నింట్లోనూ ముందుండాలని స్కూల్ నుంచి రాగానే చాలా బిజీ చేసేస్తారు. రకరకాల ట్రైనింగ్స్ ఇప్పిస్తారు. ఇవన్నీ వాళ్లను బిజీ చేస్తుండొచ్చు. కానీ అదే సమయంలో వాళ్లపై ఒత్తిడి కూడా పెంచుతాయి. రాత్రి నిద్రపోయే సమయానికి విపరీతంగా స్ట్రెస్ ఫీల్ అవుతారు. ఈ ఒత్తిడిలో సరిగ్గా నిద్ర పట్టదు. ఎప్పుడో అర్ధరాత్రి దాటాక నిద్రపోతారు. ఆ సమయంలో నిద్రపోవడం మళ్లీ మరుసటి రోజు తొందరగా లేవడం వల్ల స్లీప్ ప్యాటర్న్ దెబ్బ తింటోంది. అందుకే నిద్రపోయే ముందు కనీసం గంట లేదా రెండు గంటల వరకూ రెస్ట్ ఇవ్వడం బెటర్. వాళ్ల మైండ్ బిజీగా లేకుండా కాస్తంత ఖాళీగా ఉండేలా చూసుకోవాలి.

నిద్ర సరిగ్గా లేకపోతే

టర్మ్ లైఫ్ ఇన్సూరెన్స్ ప్లాన్స్

టర్మ్ ఇన్సూరెన్స్ - ఉచిత కోట్ పొందండి

నిద్ర సరిగ్గా లేకపోతే

పిల్లల్లో నిద్ర సరిగ్గా లేకపోతే ఎన్నో సమస్యలు వస్తాయి. నిజానికి చాలా మంది తల్లిదండ్రులు ఈ విషయాన్ని లైట్ తీసుకుంటారు. కానీ ఇదే దీర్ఘకాలికంగా ఎన్నో ఇబ్బందులకు దారి తీస్తుంది. డాక్టర్లు సూచించిన దాని ప్రకారం చూస్తే పిల్లలు కనీసం 8 గంటల పాటు నిద్రపోవాలి. అంత కన్నా నిద్ర తక్కువైతే వాళ్లలో జ్ఞాపకశక్తి పూర్తిగా తగ్గిపోతుంది. చదువుపై ఫోకస్ కూడా తగ్గుతుంది. క్రమంగా మూడ్ డిసార్డర్స్ కి కూడా దారి తీస్తుంది. అందుకే తప్పనిసరిగా పిల్లలు 8 గంటల పాటు నిద్ర ఉండేలా చూడాలి. నిద్రపోయే ముందు వీలైతే ఏవైనా కథలు చెప్పాలి. మనసు ప్రశాంతంగా ఉండేలా చూసుకుని అప్పుడు నిద్ర పుచ్చాలి.

నిద్ర సరిగ్గా ఉంటే

పిల్లలకు నిద్రకు మించిన మందు లేదు. ఏ సమస్య ఉన్నా సరే. సరైన విధంగా నిద్రపోతే మైండ్ చాలా రిలాక్స్ అవుతుంది. వాళ్ల మెదడు పని తీరు చురుగ్గా ఉండాలంటే నిద్ర తప్పనిసరి. నిద్ర సరిగ్గా ఉన్నప్పుడే మెదడు సరిగ్గా పని చేస్తుంది. చదువుపైన ఫోకస్ పెరుగుతుంది. అదే సమయంలో వాళ్లు ఎప్పుడూ యాక్టివ్ గా కనిపిస్తారు. నిద్ర లేకపోతే చురుకుదనం తగ్గిపోతుంది.