తలలో పేలు పోగొట్టేందుకు ఎక్స్ పర్ట్ చెప్పిన చిట్కాలు, పాటిస్తే అంతా క్లియర్

తలలో పేలు పడితే మహా చిరాగ్గా ఉంటుంది. పైగా ఒక్కసారి ఇవి వచ్చాయంటే అంత సులువుగా వదిలిపోవు. పెరుగుతూ పోతూనే ఉంటాయి. ఎన్ని ప్రయత్నాలు చేసినా మళ్లీ మళ్లీ పుట్టుకొస్తూనే ఉంటాయి. పేలు ఎక్కడం మొదలైతే వాటిని తొలగించడానికి చాలా శ్రమ పడాల్సి వస్తుంది. అయితే ఒక్కసారి పేలు వచ్చాయంటే వెంట్రుకల ఆరోగ్యం కూడా దెబ్బ తింటుంది. చాలా త్వరగా జుట్టు రాలిపోతుంది.

తరచూ తలలో దురద పెడుతుంది. మొత్తంగా ఎన్నో ఇబ్బందులు వస్తాయి. అయితే..పేలు పోగొట్టేందుకు ఇప్పటి వరకూ చేసిన ప్రయత్నాలు ఒక ఎత్తు అయితే ఇప్పుడు చెప్పే చిట్కాలు మరో ఎత్తు. డాక్టర్ హన్సాజీ చెప్పిన కొన్ని చిట్కాలతో సులువుగానే పేలు పోగొట్టుకోవచ్చు. చాలా సులువుగా పాటించగలిగే చిట్కాలు ఇవి. మరి అవేంటో ఓ సారి చూద్దాం.

ఇలా దువ్వండి

సాధారణంగా జుట్టు పొడిగా ఉన్నప్పుడు దువ్వుతుంటారు. అయితే పేలు పోవడానికి మాత్రం ముందుగా జుట్టుని తడిగా చేసుకోవాలి. ఏదైనా కండీషనర్ వినియోగించి తడిగా చేయాలి. ఆ తరవాత కోంబింగ్ చేయాలి. ఇలా చేయడం వల్ల పేలను చాలా త్వరగా తొలగించుకోవచ్చు. ఇక పేలు పోవాలంటే రెగ్యులర్ గా షాంపూ లేదా కండీషనర్ తో తలస్నానం చేయాలి. జుట్టు శుభ్రంగా ఉంటే పేలు రావడానికి అవకాశాలు తక్కువగా ఉంటాయి. మీ దువ్వెన,హెయిర్ బ్రష్ లాంటి వాటిని వేరే వాళ్లతో షేర్ చేసుకోకూడదు. ఇలా జాగ్రత్తలు తీసుకోవడం వల్ల పేలను తగ్గించుకోవచ్చు.

వెల్లుల్లి చిట్కా

వెల్లుల్లి కూడా కురుల ఆరోగ్యానికి చాలా మంచిది. వెల్లుల్లిని హెయిర్ ప్యాక్ లా వేసుకోవడం ద్వారా పేలను తొలగించుకోవచ్చు. రోజూ వంటింట్లో వాడే ఈ పదార్థంతోనే పేల సమస్యను పరిష్కరించుకోవచ్చని చెప్పారు డాక్టర్ హన్సాజీ. వెల్లుల్లిని ఎలా వాడితే పేలు తగ్గిపోతాయో కూడా వివరించారు. ఓ తాజా వెల్లుల్లిని పేస్ట్ లా చేసుకోవాలి. అందులో కాస్తంత నిమ్మరసం కలపాలి. ఈ మిశ్రమాన్ని బాగా కలిపి కురులకు అప్లై చేయాలి. కనీసం అరగంట పాటు అలాగే ఉంచాలి. ఆ తరవాత తలస్నానం చేయాలి. వెల్లుల్లిలో సహజమైన ఇన్సెక్టిసైడల్ గుణాలు అధికంగా ఉంటాయి. ఇదే పేలను పోగొట్టడంలో చాలా బాగా పని చేస్తుంది. అయితే..వెల్లుల్లి కూడా ఇప్పుడు తక్కువ మోతాదులోనే వాడడం మంచిది. మరీ ఎక్కువగా వాడడం వల్ల ఇరిటేషన్ వచ్చే అవకాశం ఉంటుంది.

ఎలా వాడాలి

ముందుగా ఓ కప్పులో నీళ్లు తీసుకోవాలి. అందులే కొన్ని వేపాకులు వేయాలి. ఆ తరవాత నీటిని బాగా మరిగించాలి. ఈ నీటిని పక్కన పెట్టాలి. కాస్తంత చల్లారిన తరవాత ఈ నీటిని జుట్టుకి పట్టించాలి. కనీసం అరగంటపాటు అలాగే ఉంచుకుని ఆ తరవాత తలస్నానం చేయాలి. వేపాకు వాడడం వల్ల పేలు చాలా త్వరగా తొలగిపోతాయి. వేపాకులో ఉండే ఘాటు వాసన పేలను చంపేస్తాయి. పైగా వేపాకు కురుల ఆరోగ్యానికి కూడా చాలా మంచిది. చుండ్రు, దురద లాంటి సమస్యలను పోగొట్టడంలోనూ వేపాకు చాలా బాగా ఉపయోగపడుతుంది. కాకపోతే ఇందాక చెప్పినట్టుగా మోతాదు విషయంలో మాత్రం చాలా జాగ్రత్తగా ఉండాలి. వారానికి రెండు లేదా మూడు సార్లు వేపాకు జ్యూస్ ని కురులకు అప్లై చేయాలి. వాడిన ప్రతిసారీ అవి తాజాగా ఉండేలా చూసుకోవాలి.

వేపాకు

​వేపాకులో యాంటీ బ్యాక్టీరియల్ గుణాలు అధికంగా ఉంటాయి. దీంతో పాటు యాంటీ పారాసిటిక్ గుణాలు కూడా ఉంటాయి. పేలు పోగొట్టడంలో ఇవి చాలా బాగా ఉపయోగపడతాయి. ఇందులో యాంటీ వైరల్, యాంటీ ఇన్ ఫ్లమేటరీ గుణాలు కూడా ఉంటాయి. చర్మంపై దద్దుర్లు, చుండ్రు, మొటిమలు ఎక్కువగా ఉన్నప్పుడు వేపాకు మంచి ఔషధంగా పని చేస్తుంది. ఎలాంటి కెమికల్స్ లేకుండా ఈ సమస్యల నుంచి బయటపడవచ్చు. యాంటీ మైక్రోబయల్ గుణాలు కూడా ఉండడం వల్ల సూక్ష్మ క్రిములను, బ్యాక్టీరియాను తొలగించడంలో ఎంతో తోడ్పడుతుంది. అయితే మరీ అతిగా వాడడం వల్ల చర్మం పొడిబారిపోయే ముప్పు ఉంటుంది. అందుకే మోతాదుకి మించి వాడకూడదని చెబుతున్నారు డాక్టర్ హన్సాజీ. మరి వేపాకుని ఎలా వాడితే పేలు తగ్గిపోతాయో చూద్దాం.

పేలు పడితే

తలపైన జీవించే చిన్న చిన్న కీటకాలే పేలు. ఇవి చాలా వేగంగా రెట్టింపు అవుతాయి. అసలు ఇవి రాకుండానే చూసుకోవాలి. ఓసారి వచ్చాయంటే మాత్రం అంత సులభంగా వదిలి పెట్టవు. ఒకరి నుంచి మరొకరికి వేగంగా వ్యాప్తి చెందుతాయి. పేలు ఉన్న వ్యక్తి వాడిన దువ్వెన వేరే వాళ్లు వాడడం, పక్కపక్కనే నిద్రపోవడం లాంటివి చేసినప్పుడు పేలు ఒకరి నుంచి మరొకరికి ఎక్కుతాయి.

​పేలు వచ్చినప్పుడు విపరీతంగా తల దురద వస్తుంది. తల వెనక భాగంలోనూ దురద వస్తుంది. పేలు మరీ ఎక్కువైతే తలపై ఉండే చర్మంపై ఎర్రని మచ్చలు ఏర్పడతాయి. దద్దుర్లు వస్తాయి. ఇవి తరచూ దురద వస్తాయి. ఇవి క్రమంగా పెరుగుతూ పోవడంతో పాటు వెంట్రుకలు రాలిపోయేలా చేస్తాయి. అయితే పేలు పోగొట్టేందుకు ఎన్నో షాంపూలు, క్రీమ్స్ అందుబాటులో ఉన్నాయి. వీటి వల్ల కొంత వరకూ ఉపయోగం ఉంటుంది. ఇవి కూడా సరిగ్గా పని చేయకపోతే ఇప్పుడు చెప్పే చిట్కాలు పాటించవచ్చు.