ఎంత నీట్‌గా క్లీన్ చేసినా బాత్‌రూమ్ నుంచి వాసన వస్తోందా

కొంతమందికి బాత్రూమ్‌ని ఎప్పటికప్పుడు నీట్‌గా ఉంచుకోవాలని ఉంటుంది. అలాంటివారు రెగ్యులర్‌గా క్లీన్ చేస్తూనే ఉంటారు. అలా చేసినప్పటికీ మొండి మరకలు వదలవు. పైగా బాత్రూమ్ నుంచి అదోరకమైన వాసన వస్తుంది. ఇది వరకటి రోజుల్లో ఇంటి బయట వాష్‌రూమ్ ఉండేది.కానీ, ఇప్పుడు ఇంట్లోనే ఉంటుంది. అలాంటప్పుడు దానిని ఎప్పటికప్పుడు క్లీన్‌గా ఉంచుకుంటేనే చాలా రోగాల నుంచి తప్పించుకోవచ్చు. మీరు ఇంట్లో సరిగ్గా ఉండగలుగుతారు. అయితే, దానిని సరిగ్గా క్లీన్ చేయాలంటే క్లీనింగ్ ఏజెంట్స్, కెమికల్స్ వాడాల్సిన అవసరం లేదు. వీటిని ఎక్కువగా వాడితే అది మీ హెల్త్‌పై నెగెటీవ్ ఎఫెక్ట్స్ చూపిస్తాయి. అలా కాకుండా బాత్రూమ్‌ని ఎలా క్లీన్ చేస్తే చక్కగా క్లీన్ అయి మరకలు కూడా పోయి వాసన రాకుండా ఉంటుందో తెలుసుకోవాలి. దీనికోసం ఇంట్లోని కొన్ని పదార్థాలు హెల్ప్ చేస్తాయి. ఆ పదార్థాలేంటి. వాటితో క్లీన్ చేయడం వల్ల కలిగే లాభాలేంటో తెలుసుకోండి.

బేకింగ్ సోడా

బేకింగ్ సోడా గురించి ప్రత్యేకంగా చెప్పాల్సిన పనిలేదు. వంటల్లో ఇది ఎంత బాగా ఉపయోగపడుతుంది. ఇంటి క్లీనింగ్‌లో అంతకంటే ఎక్కువగా పనిచేస్తుంది. త్వరగా కరిగిపోతుంది. వాసనల్ని దూరం చేయడంలో దీనిని మించింది మరొకటి లేదు. ఇందులోని క్రిస్టల్స్ వంటి పౌడర్ మరకల్ని ఈజీగా వదులుస్తుంది. గ్రీజ్ వంటి మరకల్ని వదిలించడంలో దీనికిదే సాటి. ఓ కప్పు బేకింగ్ సోడాని షెల్ఫ్, ఫ్లష్ ట్యాంక్‌లో ఉంచండి. దీంతో చెడు వాసనలు బ్యాలెన్స్ అవుతాయి. నెల తర్వాత అదే బేకింగ్ సోడాని మరకల్ని క్లీన్ చేసి మరోసారి బేకింగ్ సోడా పెట్టేయండి. ఇలా రెగ్యులర్‌గా చేస్తే మరకలు వదలడమే కాకుండా ప్లంబింగ్‌‌లోని నీరు ఆగిపోవడం కూడా జరగదు. ఇందులో ఎలాంటి కెమికల్స్ ఉండవు. కాబట్టి, మీకు, మీ కుటుంబానికి ఎలాంటి నష్టం జరుగదు. టైల్స్ మరకల్ని క్లీన్ చేయడంలో కూడా బేకింగ్ సోడా బాగా పనిచేస్తుంది.

నిమ్మ

నిమ్మలో ఆమ్ల లక్షణాలు ఉంటాయి. ఇవి గాలిలోని చెడువాసనని తగ్గిస్తాయి. అంతేకాకుండా, చక్కగా క్లీన్ చేస్తాయి. మనకి ఈజీగా లభించే ఈ నిమ్మ చెక్కలతో బాత్రూమ్ వాసనల్ని ఈజీగా పోగొట్టొచ్చు. దాని నుంచి వచ్చే లైట్ సిట్రిక్ స్మెల్ వికారం వంటి సమస్యల్ని కూడా దూరం చేస్తుంది. దీనిని మీ బాత్‌రూమ్‌లో ఓ చిన్న ముక్కని ఓ చోట ఉంచి వారానికోసారి మార్చండి. నిమ్మరసంతో మరకలుకూడా బాగానే పోతాయి.

వెనిగర్

వెనిగర్ కూడా చెడు వాసనల్ని ఇట్టే దూరం చేస్తుంది. దీనిని వాడడం వల్ల ట్యాప్ మరకలు, రస్ట్ మరకలు, ట్యాప్‌ల్లో చెత్త ఇరుక్కుపోయి నీరు రాకపోవడం వంటి సమస్యలన్నీ తగ్గిపోతాయి. బ్లాకేజీలను కూడా దూరం చేయడంలో వెనిగర్ బాగా పనిచేస్తుంది. వాసనలు రాకుండా ఉండేందుకు ఓ గిన్నెలో వెనిగర్ వేసి ఉంచండి. దీనిని ప్రతి 15 రోజులకి ఓ సారి మార్చండి. దీనిని వాడి మరకల్ని కూడా దూరం చేయొచ్చు. దీనికోసం వెనిగర్‌లో కొద్దిగా ఉప్పు కలిపి మరకలు ఉన్న చోట రుద్దండి. మరకలు ఈజీగా పోతాయి. అదే విధంగా, వాసనలు కూడా రాకుండా ఉంటాయి. ఇక ట్యాప్‌ల్లో చిక్కుకున్న దుమ్ము, ధూళి కణాలు పోవాలంటే ఓ కవర్‌లో నీరు కొద్దిగా వైట్ వెనిగర్ వేసి ట్యాప్‌ల్ని అందులో మనిగేలా ఉంచండి. 10 నిమిషాల తర్వాత బయటికి తీసి క్లీన్ చేయండి. మరకలు పోవడానికి వెనిగర్‌లో నానబెట్టిన స్పాంజితో మరకలపై రుద్దండి. దీంతో మరకలు ఈజీగా పోతాయి.

ఎసెన్షియల్ ఆయిల్స్

బాత్రూమ్ వాసనలు దూరం చేయడానికి, బ్యాలెన్స్ చేయడానికి ఎసెన్షియల్ ఆయిల్స్ కూడా చక్కగా పనిచేస్తాయి. దీనికోసం డిఫ్యూజర్స్ వాడండి. ఎసెన్షియల్ ఆయిల్స్‌లో ముంచిన దూదిని డిప్యూజర్స్‌లో పెట్టి ఉంచండి. లెమన్ గ్రాస్, టీట్రీ, యూకలిప్టస్, థైమ్, పిప్పరమెంట్ వంటి క్రిమీసంహారక ఎసెన్షియల్ ఆయిల్స్‌ని సెలక్ట్ చేసుకోండి. వీటిని మీరు బేకింగ్ సోడాతో కలిపి స్ప్రేలా కూడా వాడొచ్చు. అదే విధంగా, మీరు టాయిలెట్ పేపర్స్ వాడితే ఆ రోల్‌లో కొద్దిగా ఎసెన్షియల్ ఆయిల్స్‌ని చల్లండి. దీంతో చాలా రోజుల వరకూ వాసనలు వస్తాయి.

తేమ లేకుండా

బాత్రూమ్ నుంచి వాసనలు రావడానికి ముఖ్య కారణం వెంటిలేషన్ లేకపోవడం, తేమ పెరిగిపోవడం. కాబట్టి, వెంటిలేషన్ ఉండేలా చూసుకోండి. ఎప్పుడు తేమగా ఉండకుండా డెసికాంట్ వంటి కర్పూరం, సిలికా జెల్స్ మనకి మార్కెట్లలో దొరుకుతాయి. వాటిన వాడొచ్చు. దీని వల్ల తేమ ఎక్కువగా ఉండదు. వాసనలు రావు.

వీటితో పాటు

రెగ్యులర్‌గా క్లీనింగ్ చేయాలి.

క్లీన్ చేసినప్పుడు సింక్స్, మూలమూలల్లో సరిగ్గా క్లీన్ చేయండి. మరకలు లేకుండా చూసుకోండి.

మార్కెట్లో మనకి ఆర్గానిక్ క్యాండిల్స్ దొరుకుతాయి. వాటిని వాడొచ్చు.

బాంబూ చార్‌కోల్ బాత్రూమ్‌లో ఉంచితే అది ఓ డీహ్యుమిడిఫైయర్‌లో పనిచేస్తుంది. దీంతో చాలా వరకూ వాసనల్ని అబ్జార్బ్ చేస్తుంది. తేమ తగ్గుతుంది.