ఇండియాాను గెలిపించిన తిలక్ వర్మ,,,ఆడుదాం ఆంధ్రాలో ఆడినట్టు వైసీపీ నేత పోస్ట్ వైరల్

ఆసియా కప్ ఫైనల్‌లో పాకిస్థాన్‌పై అద్భుత బ్యాటింగ్‌తో అదరగొట్టిన తెలుగు కుర్రాడు తిలక్ వర్మ జాతీయ హీరోగా మారిపోయాడు. భారత్‌కు చరిత్రలో నిలిచిపోయే విజయాన్ని అందించిన వర్మపై ‌సర్వత్రా ప్రశంసలు, అభినందల వర్షం కురుస్తోంది. మరోవైపు, తిలక్ వర్మ ఆంధ్రప్రదేశ్‌నా? తెలంగాణా? అనే చర్చ కూడా జరుగుతోంది. ఇదిలా ఉండగా, గతంలో ఆంధ్రప్రదేశ్‌లో వైఎస్ జగన్మోహన్ రెడ్డి సీఎంగా ఉన్నప్పుడు ‘ఆడుదాం ఆంధ్రా’ కార్యక్రమాన్ని నిర్వహించిన విషయం తెలిసిందే. గ్రామీణ ప్రాంతాల్లోని క్రీడాకారులను గుర్తించి, ప్రతిభను వెలికితీసే ఉద్దేశంతో ఈ కార్యక్రమం నిర్వహించారు.

అయితే, ‘ఆడుదాం ఆంధ్ర’ ద్వారా క్రికెటర్ తిలక్ వర్మ వెలుగులోకి వచ్చాడని సోషల్ మీడియాలో వైఎస్ఆర్సీపీ అభిమానులు సోషల్ మీడియాలో ఓ పోస్ట్ పెట్టి ‘‘ఆడుదాం ఆంధ్రా’తో తిలక్ వర్మను గొప్ప ఆటగాడికి దేశానికి అందించి టీమిండియా విజయానికి కారకుడవయ్యావు.. నీకు ఈ దేశం ఎల్లప్పుడూ రుణపడి ఉంటుంది జగనన్న’’ అంటూ ఆయన అభిమాని జగన్ చేతుల మీదుగా తిలక్ వర్మ ట్రోఫీ అందుకుంటున్నట్టు ఫోటోను షేర్ చేశారు. దీనిని ఓ మాజీ ఎమ్మెల్యే కూడా షేర్ చేయడం గమనార్హం.

అయితే, ఇదంతా ఫేక్ అంటూ టీడీపీ అభిమాని కౌంటర్ ఇచ్చారు. ఇది అసలు ఫోటో కాదని, మార్ఫింగ్ చేసిన ఫోటో అని బయటపెట్టాడు. ఒరిజినల్ ఫోటోలో మాజీ సీఎం జగన్ నుంచి ఆడుదాం ఆంధ్రా ట్రోఫీ అందుకుంటోన్న ఆటగాడి స్థానంలో తిలక్ వర్మ ఫేస్‌ను మార్ఫింగ్ చేశారు. ‘‘అసలు ఈ ఫోటోను క్రియేట్ చేసినప్పుడు తిలక్ వర్మ హైట్, జగన్మోహన్ రెడ్డి హైట్ ఎంత ఆ లాజిక్ ఎక్కడ మిస్సయ్యారు.. మాజీ సీఎం ఎత్తు 5.4 నుంచి 5.5 అడుగులు.. తిలక్ వర్మ ఎత్తు 5.11 అంటే దాదాపు ఆరు అడుగులు.. అలాంటింది జగన్ కంటే తిలక్ వర్మను పొట్టోడిగా చూపించారు.. పాయింట్ 2 .. దక్షిణాఫ్రికాలో జరిగిన 2019 అండర్ 19 క్రికెట్‌‌లో తిలక్ వర్మ ఆడారు..

2022లో ఐపీఎల్ ఆడారు.. మరి ఆడుదాం ఆంధ్రా గల్లీ క్రికెట్ 2023 డిసెంబరు 23లో మొదలుపెట్టారు. అప్పటికే వర్మ ఐపీఎల్‌లోకి వెళ్లిపోయారు.. అలాంటిది మన ఆంధ్రాకు వచ్చి గల్లీ క్రికెట్ ఆడారని ఫోటోను ఎలా క్రియేట్ చేయాలనిపించిందో నాకు అర్ధం కావడం లేదు.. ఇందులో వింత ఏంటంటే ఓ మాజీ ఎమ్మెల్యే కూడా ఈ ఫోటోను షేర్ చేశారు. ఒక్కసారి ఫోటో క్రియేట్ చేసేటప్పుడు వాడి కెరీర్ ఏంటి? వాటి హైట్ ఏంటి? వాడి హిస్టరీ ఏంటి? ఇవన్నీ చూసుకోండి.. ’’ అంటూ విమర్శలు గుప్పించారు. ప్రస్తుతం ఈ పోస్ట్ సోషల్ మీడియాలో వైరల్ అవుతోంది.