దేశంలోనే సంపన్న మహిళగా రోష్నీ నాడార్.. మరోసారి అంబానీ టాప్

భారత సంపన్న మహిళగా హెచ్‌సీఎల్ టెక్నాలజీస్ ఛైర్ పర్సన రోష్నీ నాడర్ మల్హోత్రా నిలిచారు. ఈ మేరకు హురున్ ఇండియా ఓ నివేదిక విడుదల చేసింది. ఆమె సంపద విలువ రూ. 2.84 లక్షల కోట్లుగా ఉన్నట్లు రిపోర్ట్ తెలిపింది. ఎం3ఎం హురున్ ఇండియా 2025 జాబితా విడుదల చేసింది. ఇందులో దేశంలోని తొలి పది మంది సంపన్నులో రోష్నీ నాడార్ అతి పిన్న వయస్కు రాలిగా ఆమె నిలిచారు. అలాగే దేశంలో అత్యంత సంపన్న వ్యక్తిగా మరోసారి తన స్థానాన్ని కైవసం చేసుకున్నారు ముకేశ్ అంబానీ. ఆ వివరాలు తెలుసుకుందాం.

భారత్‌లో సంపన్నులకు సంబంధించిన ఎం3ఎం హురున్ ఇండియా 2025 రిపోర్ట్ అక్టోబర్ 1వ తేదీన విడుదల చేసింది. 358 మందితో ఈ లిస్ట్ విడుదల చేసింది. వీరుతో పాటుగా రూ. 1000 కోట్లకు పైగా సంపద ఉన్న 1687 మందితో ఓ లిస్ట్ తయారు చేసింది. గతేడాదితో పోలిస్తే ఈసారి సగటున వారానికి ఒకరు కొత్తగా బిలియనీర్‌గా జాబితాలోకి చేరినట్లు హురున్ ఇండియా నివేదిక తెలిపింది. దేశంలో మొత్తంగా సంపన్నుల ఆస్తుల విలువ రూ. 167 లక్షల కోట్లకు చేరినట్లు అంచనా వేసింది. సంపన్నుల జాబితాలో ముంబై తొలిస్థానంలో నిలిచింది. ఆ తర్వాత ఢిల్లీ, బెంగళూరు నగరాలు తర్వాత స్థానాల్లో ఉన్నాయి.

అగ్రస్థానంలో ముకేశ్ అంబానీ

సంపన్నుల లిస్టులో ముకేశ్ అంబానీ మరోసారి తొలి స్థానంలో నిలిచారు. రూ. 9.55 లక్షల కోట్లతో అగ్రస్థానంలోకి వచ్చారు. రూ. 8.15 లక్షల కోట్లతో రెండో స్థానంలో గౌతమ్ అదానీ కుటుంబం ఉంది. ముడో స్థానంలో హెచ్‌సీఎల్ టెక్నాలజీ ఛైర్ పర్సన్ రోష్నీ నాడార్ మల్హోత్రా రూ. 2.84 లక్షల కోట్లతో ఉన్నారు. ఆ తర్వాత సీరం ఇన్‌స్టిట్యూట్ చీఫ్ సైరస్ పూనావాలా, ఆదిత్య బిర్లా సంస్థ చీఫ్ కుమార మంగళం బిర్లా, నీరజ్ బజాజ్, ఆయన కుటుంబం, దిలీప్ సంఘ్వీ, అజీం ప్రేమ్‌జీ ఆయన కుటుంబం, గోపీచంద్ హిందూజా, రాధా కిషన్ దమానీ కుటుంబాలు టాప్- 10 స్థానంలో ఉన్నారు.

ఇక ఏఐ స్టార్టప్ పర్ ప్లెక్సిటీ వ్యవస్థాపకులు అరవింద్ శ్రీనివాసం రూ. 21,190 కోట్లతో సంపన్నుల జాబితాలో ఉన్నారు. ఈసారి నీరజ్ బజాజ్ సంపద 43 శాతం మేర పెరిగింది. ఇక బాలీవుడ్ నటుడు షారుక్ ఖాన్ రూ. 12,490 కోట్లతో ఈ లిస్టులో చోటు దక్కించుకున్నారు. హురున్ ఇండియా ఈ మేరకు సంపన్నుల జాబితాలో చోటు దక్కించుకున్నారు.