బట్టలు సరిగ్గా ఆరకపోవడం వల్ల వాసనలు వస్తున్నాయా, ఇలా చేయండి

వర్షాకాలంలో వచ్చే అతిపెద్ద సమస్యల్లో బట్టలు ఆరకపోవడం. బట్టల్లో తేమ పేరుకుపోవడం. దీని బట్టల నుంచి అదోరకమైన దుర్వాసన వస్తుంది. అలాంటి బట్టల్ని వేసుకోవడానికి చాలా ఇబ్బందిగా ఉంటుంది. బయటికి వెళ్లినప్పుడు అదేపనిగా స్మెల్ వస్తుంటుంది. ఎంత స్ప్రే కొట్టినా కూడా ఈ వాసనలు అంత త్వరగా పోవు. ఆ బట్టలు వేసుకోవాలన్నా, వాటిని వేసుకుని బయటికి తిరగాలన్నా కూడా అదోరకమైన ఇబ్బందిగా ఉంటుంది. దీనిని నేచురల్‌గానే దూరం చేయాలంటే కొన్ని ఇంటి చిట్కాలు ఉన్నాయి. వీటిని ఫాలో అయితే చాలా వరకూ బట్టలు వాసనలు రాకుండా ఉంటాయి. చక్కగా సువాసనభరితంగా ఉంటాయి.

ఐరన్

కొన్నిసార్లు ఎంత ట్రైచేసినా బట్టలు ఆరిపోవు. అలాంటప్పుడు ఐరన్ చేయండి. దీని వల్ల తేమ తగ్గడమే కాకుండా బట్టలు కొత్తవాటిలా మెరుస్తాయి. జీన్స్, టవల్స్ వంటి మందంగా ఉండే బట్టలకి ఇది చాలా బాగా పనిచేస్తుంది. తేమ త్వరగా తగ్గుతుంది. బట్టలు త్వరగా ఆరిపోతాయి.

డీహ్యుమిడిఫైయర్

మీ ఇంట్లో డీహ్యూమిడిఫైయర్ ఉంటే దానిని వాడి బట్టల్ని ఆరబెట్టండి. లేదంటే ఫ్యాన్ కూడా వాడొచ్చు. దీని టేబుల్ ఫ్యాన్, సీలింగ్ ఫ్యాన్ ఏదైనా సరే వాడండి. దీంతో బట్టల్లోని తేమ తగ్గి త్వరగా ఆరిపోతాయి. డీహ్యూమిడిఫైయర్ ఉంటే బట్టలు ఆరిపోవడమే కాదు, రూమ్‌లోని మాయిశ్చర్ కూడా త్వరగా తగ్గిపోతుంది.

వెంటిలేషన్ ఉన్న రూమ్‌లో 

వర్షాకాలంలో బట్టలు ఆరేసేటప్పుడు గాలి ఎక్కువగా వీచే రూమ్‌లో ఆరివేయండి. ఆ టైమ్‌లో కిటికీలు, తలుపులు తెరిచి ఉండాలి. ఫ్యాన్స్, ఎగ్జాస్ట్ సిస్టమ్ తిరుగుతూ ఉండాలి. ఇలా చస్తే బట్టలలోని తేమ త్వరగా తగ్గుతుంది. ఈజీగా బట్టలు ఆరిపోతాయి. ఏ మాత్రం కాస్తా తడిగా ఉన్న బ్యాక్టీరియా, బూజు పెరిగిపోతుంది. దీంతో వాసనలు వస్తాయి. కాబట్టి, సరిగా ఆరిపోయేలా చూడండి.

ఎక్స్‌ట్రా నీటిని పిండివేయడం 

బట్టల్ని సాధ్యమైనంత వరకూ నీటిని పిండివేయండి. మీరు కనుక మిషన్ వాష్ చేస్తుంటే వాటిని డ్రయర్‌లో వేసి ఓ సారి నీరు పోయేలా స్పిన్ చేయండి. దీంతో నీరు మొత్తం పోతుంది. త్వరగా ఎండిపోతాయి బట్టలు. చేతితో ఉతికినప్పుడు మొత్తం నీరు పోయేలా గట్టిగా పిండేయండి. వీటిని ఊరికే గాలికి వేసినా త్వరగా ఆరిపోతాయి.

ఎసెన్షియల్ ఆయిల్స్

బట్టల్ని నీటిలో నుంచి తీసేటప్పుడు చాలా మంది కండీషనర్స్ వాడతారు. ఈ సారి ఎసెన్షియల్ ఆయిల్స్ ట్రై చేయండి. చివరిసారి తీసే నీటిలో యూకలిప్టస్, లావెండర్, లెమన్ వంటి ఎసెన్షియల్ ఆయిల్స్‌ని కొన్ని చుక్కలు వేయండి. దీని వల్ల వాసనలు రాకుండా ఉంటాయి. త్వరగా ఆరిపోతాయి బట్టలు. అదే విధంగా, బట్టల్ని ఆరేసే ప్లేస్‌లో కొన్ని లవంగాలు, వేపాకుల్ని ఉంచితే బ్యాక్టీరియాతో పోరాడడమేకాకుండా తేమని తగ్గిస్తాయి. చెడు వాసనలు కూడా దూరమవుతాయి.

ఈ హ్యాక్స్ అన్నీ కూడా బట్టలు త్వరగా ఆరిపోడమే కాకుండా తాజాగా ఉంచుతాయి కూడా.