ముక్కు అదేపనిగా కారుతుందా, ఇలా చేస్తే చాలు, క్షణాల్లో రిలీఫ్

సాధారణంగా ముక్కు కారడానికి కొన్ని కారణాలు ఉన్నాయి. అందులో సైనసెస్ యొక్క వైరల్ ఇన్ఫెక్షన్ కారణంగా. జలుబు కారణంగా ముక్కు కారుతుంది. కొంతమందికి అలర్జీలు ఉన్నా, వాతావరణం చల్లగా ఉన్నా, వైరస్, దుమ్ము, పుప్పొడి వంటివాటిని పీల్చినప్పుడు కూడా ముక్కు కారుతుంటుంది. ఇది చిన్న సమస్యే అయినప్పటికీ చాలా ఇబ్బందిగా ఉంటుంది. ఊపిరి తీసుకోవడం కష్టమనిపిస్తుంది. తలంతా భారంగా మారుతుంది. నొప్పిగా ఉంటుంది. కిందకి వంగితే తల ఎక్కడ కిందపడిపోతుందో అన్నట్లుగా బరువుగా ఉంటుంది. ఇందులో దగ్గు కూడా ఉంటే ఆ బాధ వర్ణణాతీతమనే చెప్పొచ్చు. వీటి కారణంగా చాలా మంది ఇబ్బంది పడతారు. సమస్య నుంచి బయటపడేందుకు మెడిసిన్ వాడే బదులు కొన్ని ఇంటి చిట్కాలని ట్రై చేయొచ్చు. వీటి కారణంగా ముక్కుకారడాన్ని తగ్గించడమే కాదు. చాలా రిలాక్స్ అవ్వొచ్చు కూడా. ముక్కు కారడం అనేది ఆందోళన కలిగించేది కాదు. మందులు లేకుండానే సమస్యని కంట్రోల్ చేయొచ్చు. దానికి కొన్ని చిట్కాలు ఉన్నాయి. అలాంటి చిట్కాలేంటో తెలుసుకోండి.

నీరు ఎక్కువగా తాగడం

ముక్కు కారుతుంటే నీరు తాగడానికి చాలా మంది ఇబ్బంది పడతారు. కానీ, అలా కాదు. పుష్కలంగా నీరు తాగడం, డ్రింక్స్ తీసుకుని మీరు హైడ్రేట్‌గా ఉంటేనే సమస్య త్వరగా తగ్గుతుంది. ఇది మీ సైనస్‌లలో శ్లేష్మాన్ని ఈజీగా బయటికి వెళ్లేలా చేస్తుంది. లేదంటే సమస్య మరింత పెరిగి ముక్కు దిబ్బడ పెరుగుతుంది. హైడ్రేట్ అయ్యేందుకు పుష్కలంగా నీరు తాగండి. ఈ టైమ్‌లో డీహైడ్రేట్ చేసే డ్రింక్స్‌ కాఫీ, ఆల్కహాల్‌కి దూరంగా ఉండండి.

వేడివేడి టీ

మరీ ఇబ్బందిగా ఉడి తలంతా బరువుగా మారినప్పుడు కొద్దిగా వేడిగా ఉండే డ్రింక్స్ తీసుకోండి. దీంతో చాలా వరకూ రిలాక్స్ అనిపిస్తుంది. ఆవిరి పెరుగుతుంది. ఇది వాయు మార్గాలని తెరిచి రద్దీని తగ్గిస్తుంది. కొన్ని హెర్బల్ టీలలో లైట్ డీకంజెస్టెంట్స్ ఉంటాయి. అలాంటి చమోమిలే, అల్లం, పుదీనా వంటి యాంటీ ఇన్‌ఫ్లమేటరీ డ్రింక్స్, యాంటీ హిస్టమైన్ మూలికల్ కలిగిన టీలు తీసుకోండి. ఓ కప్పు వేడి హెర్బల్ టీ తాగే ముందు కాస్తా ఊపిరి కూడా పీల్చుకోండి. ఈ టీలు తాగడం వల్ల ముక్కు దిబ్బడ తగ్గడమే కాకుండా, గొంతు నొప్పి కూడా తగ్గుతుంది.

హ్యూమిడిఫైయర్

అధ్యయనాల ప్రకారం, హ్యూమిడిఫైయర్ నుండి వెచ్చని ఆవిరిని పీల్చడం వల్ల అలెర్జీ రినిటిస్ వల్ల కలిగే శ్లేష్మం పేరుకుపోవడం తగ్గుతుంది. అదే విధంగా, సాధారణ జలుబు ఉన్న వ్యక్తులపై జరిపిన అధ్యయనంలో ఆవిరి పీల్చడం చాలా ఎఫెక్టివ్‌గా ఉందని తేలింది. ఆవిరి పీల్చని వారితో పోలిస్తే త్వరగా కోలుకున్నట్లు తేలింది. హ్యూమిడిఫైయర్స్ పొడి గాలిని తేమ చేయడానికి నీటని ఆవిరిగా మార్చడం ద్వారా పనిచేస్తాయి. మీరు తేమని పీల్చినప్పుడు అది శ్లేష్మాన్ని పలుచగా చేయడానికి, చికాకు కలిగించే సైనస్‌ల నుంచి రిలాక్స్ చేయడానికి హెల్ప్ అవుతుంది. మీరు హ్యూమిడిఫైయర్‌ని వాడాలనుకుంటే తయారీదారు సూచనల ప్రకారం రెగ్యులర్‌గా క్లీన్ చేయడం మంచిది. లేదంటే, బూజు, బ్యాక్టీరియా వంటి సూక్ష్మజీవులకి సంతానోత్పత్తి ప్రదేశంగా మారి సైనస్‌లని పెంచుతుంది.

హాట్ కంప్రెస్

నుదిటిపై, ముక్కుపై హాట్ కంప్రెస్ చేయాలి. దీనికోసం వేడి నీటిలో గుడ్డని ముంచి పెట్టొచ్చు. దీంతో ముక్కు కారడం తగ్గడమే కాకుండా, సైనస్ తగ్గుతుంది. సైనస్ ప్రాంతంలో రక్తప్రసరణ పెరుగుతుంది. వేడిగా ఉండే నీటిలో క్లాత్‌ని ఉంచి పిండేసి ముక్కుపై, నుదుటిపై 15 నుంచి 20 నిమిషాల పాటు అవసరమైతే ఎక్కువసేపు ఉంచొచ్చు.

స్నానం

త్వరగా రిలాక్స్ అవ్వాలనుకుంటే వేడినీటితో స్నానం చేయండి. హ్యూమిడిఫైయర్స్, స్టీమ్‌లానే వేడి నీటి స్నానం ముక్కు కారడం, మూసుకుపోవడం నుండి రిలాక్స్ చేయడంలో హెల్ప్ చేస్తాయి. వేడివేడి నీటితో స్నానం చేసే ముందు ఆ నీటి ఆవిరి పట్టి స్నానం చేయండి. దీంతో చాలా రిలాక్స్ అయినట్లుగా ఉంటుంది.

స్టీమ్

హ్యూమిడిఫైయర్, వేడి కప్పు టీ లా,స్టీమ్ కూడా మంచిది. దీని వల్ల ముక్కు కారడం నుండి రిలాక్స్ అవుతుంది. ఎలా చేయాలంటే స్టీమర్ వాడొచ్చు. అది లేని వారు ఓ గిన్నెలో నీటిని వేడిచేయండి. ఆవిరి వస్తుంది. దీనిని ముఖానికి తగిలేలా 5 నిమిషాల పాటు ఉంచండి. 8 నుండి 12 అంగుళాల ఎత్తులో ఉంచండి. ముఖాన్ని నీటికి తాకనివ్వొద్దు. కళ్ళు మూసుకుని, ముక్కు ద్వారా డీప్ బ్రీథ్ తీసుకోండి. మరీ వేడిగా ఉందనుకుంటే కాసేపు వదిలేయండి. తర్వాత ముక్కుని క్లీన్ చేసుకోండి. దీంతో శ్లేష్మం అంతా బయటికి వచ్చేస్తుంది. రోజుకి 2 నుంచి 3 సార్లు ఇలా చేయండి. స్టీమ్‌లో కొన్ని చుక్కల డీకాంజెస్టెంట్ వంటి ఎసెన్సిక్ష్ల్ ఆయిల్స్, యూకలిప్టస్, పిప్పర్‌మెంట్, పైన్, రోజ్మెరీ, సేజ్, టీట్రీ వంటి ఆయిల్స్ వాడండి. ఈ ఆయిల్స్ లేకపోతే మూలికల్ని ఎండబెట్టి కూడా వాడొచ్చు. వాటిని వేడినీటిలో వేసి మరిగించి ఆవిరి పీల్చుకోండి. అయితే, మంచి నాణ్యమైన ఎసెన్షియల్ ఆయిల్స్ మాత్రమే వాడండి.

స్పైసీ ఫుడ్

ఇది మరో బెస్ట్ ఆప్షన్. కారంగా ఉండే ఫుడ్స్ తీసుకుంటే ముక్కు దిబ్బడ తగ్గుతుంది. అయితే, ముక్కుకారడం పెరుగుతుంది. వేడిని తట్టుకోగలిగితే కారంగా, వేడిగా ఉండే వాటిని తీసుకోండి. మీరు సూప్స్ తీసుకోవచ్చు. దీంతో హైడ్రేట్‌గా ఉంటుంది. ఆరోగ్యానికి కూడా మంచిది. దీని వల్ల సైనస్ వంటి సమస్యలు కూడా తగ్గుతాయి.