టీ20 కెప్టెన్ సూర్య? వన్డేలో గిల్ ప్లాన్? బీసీసీఐ కొత్త స్కెచ్!

భారత వన్డే జట్టుకు కొత్త కేప్టెన్‌గా శుభ్‌మన్ గిల్‌ను ఎంపిక చేసినట్టు బీసీసీఐ ప్రకటించింది. ప్రస్తుతం గిల్ టెస్ట్ జట్టుకు సారథ్యం వహిస్తూ మంచి విజయాలను అందిస్తున్నాడు. ఇంగ్లాండ్‌తో జరిగిన అయిదు టెస్ట్ సిరీస్, వెస్టిండీస్‌తో తొలి టెస్ట్‌లో జట్టును విజయవంతంగా నడిపించడం కారణంగా గిల్‌కు వన్డే ఫార్మాట్‌లో కూడా కెప్టెన్సీ అవకాశమివ్వబోయున్నారు.ఇక ప్రస్తుతం వన్డే జట్టుకు కేప్టెన్‌గా ఉన్న రోహిత్ శర్మపై వేటు పడింది. జట్టులో చోటు ఉన్నప్పటికీ, కెప్టెన్‌గా కొనసాగడం ఈ సారి అతడు తప్పుకోవాల్సి వచ్చింది.భారత జట్టు వచ్చే నెలలో ఆస్ట్రేలియాలో మూడు వన్డేలు, ఐదు టీ20 మ్యాచ్‌లతో సిరీస్ ఆడనుంది. తొలి వన్డే మ్యాచ్ ఈ నెల 19న పెర్త్‌లో జరుగుతుంది. మిగతా రెండు వన్డేలు 23, 25 తేదీల్లో అడిలైడ్, సిడ్నీ వేదికలుగా ఉంటాయి. టీ20 సిరీస్ 29న ప్రారంభం కాబోతుంది. తొలి టీ20 మ్యాచ్ క్యాన్‌బెర్రా, మిగతా మ్యాచ్‌లు మెల్‌బోర్న్, హోబర్ట్, గోల్డ్ కోస్ట్, బ్రిస్బేన్ వేదికలపై 31 అక్టోబర్, నవంబర్ 2, 6, 8 తేదీల్లో జరగనున్నాయి.ఈ రెండు సిరీస్‌ల కోసం వేర్వేరు జట్లు ప్రకటించాయి బీసీసీఐ. వన్డేలకు శుభ్‌మన్ గిల్ కెప్టెన్సీ బాధ్యతలు స్వీకరిస్తున్నాడని తెలుస్తోంది. టీ20 జట్టుకు సూర్యకుమార్ యాదవ్ సారథ్యం కొనసాగించనున్నాడు. ఈ రెండు జట్లలో యువ ప్రతిభావంతులకూ అవకాశం కల్పించడం గమనార్హం.
*వన్డే జట్టు:శుభ్‌మన్ గిల్ (కేప్టెన్), రోహిత్ శర్మ, విరాట్ కోహ్లీ, శ్రేయాస్ అయ్యర్ (వైస్ కేప్టెన్), అక్షర్ పటేల్, కేఎల్ రాహుల్ (వికెట్ కీపర్), నితీష్ కుమార్ రెడ్డి, వాషింగ్టన్ సుందర్, కుల్ దీప్ యాదవ్, హర్షిత్ రాణా, మహ్మద్ సిరాజ్, అర్ష్ దీప్ సింగ్, ప్రసిద్ధ్ కృష్ణ, ధృవ్ జురెల్ (స్టాండ్ బై వికెట్ కీపర్), యశస్వి జైస్వాల్.కేఎల్ రాహుల్ రెగ్యులర్ వికెట్ కీపర్‌గా కొనసాగుతుండగా, ధృవ్ జురెల్ స్టాండ్ బై ప్లేయర్‌గా ఉన్నాడు.
*టీ20 జట్టు:సూర్యకుమార్ యాదవ్ (కేప్టెన్), అభిషేక్ శర్మ, శుభ్‌మన్ గిల్ (వైస్ కేప్టెన్), తిలక్ వర్మ, నితీష్ కుమార్ రెడ్డి, శివం దుబే, అక్షర్ పటేల్, జితేష్ శర్మ (వికెట్ కీపర్), వరుణ్ చక్రవర్తి, జస్ ప్రీత్ బుమ్రా, అర్ష్ దీప్ సింగ్, కుల్ దీప్ యాదవ్, హర్షిత్ రాణా, సంజు శాంసన్ (స్టాండ్ బై వికెట్ కీపర్), రింకూ సింగ్, వాషింగ్టన్ సుందర్.