ట్రంప్ ఫొటోతో డాలర్ కాయిన్? ట్రెజరీ క్లారిటీ ఇచ్చింది!

వచ్చే ఏడాది అమెరికా 250వ వార్షికోత్సవాన్ని జరుపుకోనుంది. 1776లో అమెరికా స్వాతంత్ర్యం ప్రకటించి 250 సంవత్సరాలు పూర్తి అయిన సందర్భంగా, మాజీ అధ్యక్షుడు డొనాల్డ్ ట్రంప్ చిత్రం ఉన్న డాలర్ నాణేంకు సంబంధించిన ముసాయిదా డిజైన్‌ను అమెరికా ట్రెజరీ శుక్రవారం విడుదల చేసింది.ట్రెజరర్ బ్రాండన్ బీచ్ ‘X’ (మాజీ ట్విటర్) లో ఈ ముసాయిదా డిజైన్‌ను షేర్ చేశారు. ఆ తర్వాత ట్రెజరీ విడుదల చేసిన అధికారిక చిత్రాల ప్రకారం, నాణేం ముందు భాగంలో ట్రంప్ ప్రొఫైల్ దృశ్యం ఉంటుంది. అతని పైభాగంలో "లిబర్టీ", కింద "1776–2026" అనే పదాలు కనిపిస్తాయి.నాణేనికి వెనుక భాగంలో ట్రంప్ ఒక పిడికిలిని పైకి ఎత్తి, చుట్టూ "Fight, Fight, Fight" (పోరాటం, పోరాటం, పోరాటం) అనే పదాలు చుట్టుముట్టినట్టుగా కనిపించనున్నట్టు పేర్కొన్నారు.
*చట్టబద్ధతపై చర్చ:ఈ డిజైన్ ఇంకా తుది ముద్రణకు ఎంపిక కాలేదని ట్రెజరీ స్పష్టం చేసింది. అయినప్పటికీ, ఈ ముసాయిదా గురించి "మూడు శతాబ్దాలు దాటి మన ప్రజాస్వామ్య స్ఫూర్తిని ప్రతిబింబించే ప్రతీతి కలిగించే రూపకల్పన" అని ఓ అధికారిక ప్రతినిధి వ్యాఖ్యానించారు.ప్రస్తుతానికి ప్రభుత్వ షట్‌డౌన్ కారణంగా అనేక ఫెడరల్ కార్యకలాపాలు నిలిచిపోయినప్పటికీ, ట్రెజరర్ బీచ్ ప్రకటించిన మేరకు, షట్‌డౌన్ ముగిసిన తర్వాత ఈ డిజైన్‌పై మరిన్ని వివరాలు వెల్లడించనున్నారు. ప్రస్తుతం, చట్టసభ సభ్యులు నూతన ఖర్చు బిల్లుపై ప్రతిష్ఠంభనలో ఉన్నారు.ఇప్పటికే, 2020లో అమెరికా కాంగ్రెస్‌లో ఆమోదించిన చట్టం ప్రకారం, 2026లో జరగనున్న "సెమీక్విన్సెంటెనియల్" సందర్భంగా ప్రత్యేక గుర్తుగా $1 డాలర్ జ్ఞాపిక నాణేలను ముద్రించేందుకు ట్రెజరీ కార్యదర్శికి అధికారాన్ని కల్పించారు.