తనిష్క్, మలబార్, కల్యాణ్ జువెల్లర్స్.. గ్రాము బంగారం ధర ఎంత

భారత్ సహా ప్రపంచ వ్యాప్తంగా బంగారం ధరలు గత కొంత కాలంగా రికార్డు స్థాయిలో పెరుగుతున్న సంగతి తెలిసిందే. ముఖ్యంగా అంతర్జాతీయంగా ప్రతికూల సంకేతాలు, ఆర్థిక అనిశ్చిత పరిస్థితులు ఇందుకు కారణంగా ఉన్నాయి. అమెరికా అధ్యక్షుడు డొనాల్డ్ ట్రంప్ దిగుమతి సుంకాలు విధిస్తుండటం.. యూఎస్ ఫెడరల్ రిజర్వ్ వడ్డీ రేట్లను ఇప్పటికే తగ్గించడం సహా భవిష్యత్తులో మరిన్ని కోతలు విధించనున్నట్లు ప్రకటించడం.. కేంద్ర బ్యాంకులు విపరీతంగా బంగారం కొనుగోళ్లు చేస్తుండటం వంటివి గోల్డ్ రేట్లు విపరీతంగా పెరిగేందుకు కారణమైంది.

ఇంకా.. భారతదేశంలో మహిళలు ఎక్కువగా బంగారు ఆభరణాల్ని ధరించేందుకు ఆసక్తి చూపిస్తుంటారు. ఇది వారి అందాన్ని మరింత పెంచుతుంది. పండగలు, శుభకార్యాలు సహా ఇతర వేడుకల వేళ డిమాండ్ ఇంకా ఎక్కువగా ఉంటుంది. దీంతో డిమాండ్ ఎక్కువగా ఉండగా.. రేట్లు కూడా అంతకుమించి పెరుగుతూనే ఉన్నాయి. బంగారం కేవలం అలంకరణ ఆభరణంగానే కాకుండా.. పెట్టుబడికి కూడా మంచి సాధనంగానే ఉంది. ఇప్పుడు ధన్‌తేరాస్ సహా దీపావళి పండగల నేపథ్యంలో.. బంగారానికి మరింత డిమాండ్ పెరుగుతుంది.

>> బంగారం ధరలు ప్రాంతాల్ని బట్టి మారుతుంటాయి. స్థానిక పన్ను రేట్లతో పాటు ఇతర అంశాలు ఇందుకు దోహదం చేస్తుంటాయి. గోల్డ్ జువెల్లరీ ధరలకు అదనంగా మేకింగ్ ఛార్జీలు, జీఎస్టీ వంటివి ఉంటాయని గుర్తుంచుకోవాలి. మన దేశంలోని టాప్ జువెల్లరీల్లో ఇప్పుడు గోల్డ్ రేటు గ్రాముకు ఎంత ఉందో చూద్దాం.

>> తనిష్క్‌లో అక్టోబర్ 4న గ్రాము బంగారం ధర రూ. 10,905 గా ఉంది. అంటే.. ఇక్కడ తులం రూ. 1,09,050 గా ఉంది. మలబార్ గోల్డ్ అండ్ డైమండ్స్‌లో బంగారం రేటు గ్రాముకు రూ. 10,945 గానే ఉంది. జోయాలుక్కాస్, కల్యాణ్ జువెల్లర్స్, లలితా జువెల్లర్స్, ఖజానాలో కూడా బంగారం ధర గ్రాముకు ఇంతే పలుకుతోంది.

బంగారు ఆభరణాలు కొనుగోలు చేసేముందు.. కచ్చితంగా ఒక విషయం గుర్తుంచుకోవాలి. ఇదే హాల్‌మార్క్. అవును హాల్ మార్క్ చేసిన ఆభరణాలే.. పూర్తి నాణ్యతతో ఉంటాయని చెప్పొచ్చు. ఇక్కడ ఆరంకెల HUID కనిపిస్తుంది. దీనిని బీఐఎస్ కేర్ యాప్ ద్వారా వెరిఫికేషన్ కూడా చేసుకోవచ్చు.