రక్తనాళాల్ని క్లియర్ చేసి హైబీపి, గుండె సమస్యల్ని దూరం చేసే అర్జున బెరడు

ఆయుర్వేదంలో అర్జున బెరడుని అద్భుతమైన ఔషధంగా భావిస్తారు. ​అర్జున బెరడుని తీసుకుంటే బాడీలోని ఎన్నోసమస్యల్ని దూరం చేసుకోవచ్చు. ముఖ్యంగా, దీనిని తీసుకోవడం వల్ల కొలెస్ట్రాల్, అధిక బరువు వంటి ప్రమాదకర సమస్యల్ని తగ్గించుకోవచ్చని డాక్టర్ సలీమ్ చెబుతున్నారు. దానికోసం అర్జున బెరడుని ఎలా తీసుకోవాలో తెలుసుకోండి. డాక్టర్ సలీమ్ ప్రకారం, ఆయుర్వేద మూలికలతో గుండెని కాపాడుకోవచ్చు. అందులో ఆయుర్వేద మూలికైన అర్జున బెరడు గుండెని ఫ్రీ రాడికల్స్ నష్టం నుంచి కాపాడుతుంది. ఫ్రీ రాడికల్స్‌ని తగ్గించే యాంటీ ఆక్సిడెంట్స్ ఇందులో పుష్కలంగా ఉన్నాయి. అర్జున బెరడు గుండెని బలంగా మార్చి కొలెస్ట్రాల్‌ని తగ్గించడంలో అద్భుతంగా పనిచేస్తుంది. దీనిని తీసుకోవడం వల్ల గుండె కండరాలు బలంగా మారి, రక్తప్రసరణ పెరుగుతుంది. బాడీలో పేరుకుపోయిన చెడు కొలెస్ట్రాల్ తగ్గి మంచి కొలెస్ట్రాల్ పెరుగుతుంది. సహజంగానే రక్తపోటుని కంట్రోల్ చేస్తుంది. ఇన్ని లాభాలు చేసే అర్జున బెరడుని రెగ్యులర్‌గా తీసుకోవాలి. అదెలా అంటే

అర్జున బెరడులోని పోషకాలు

అర్జున బెరడులో ఎన్నో ఔషధ గుణాలు ఉన్నాయి. ఇందులో టానిన్స్, సపోనిన్స్, ఫ్లేవనాయిడ్స్, యాంటీ ఆక్సిడెంట్స్, కో ఎంజైమ్ కూమరిన్ వంటి గుణాలు గుండె కండరాలని బలంగా చేసి, అడ్డంకుల్ని తగ్గిస్తాయి. రక్తప్రసరణని మెరుగ్గా చేస్తాయి. ఈ అర్జున బెరడులో యాంటీ ఆక్సిడెంట్, యాంటీ ఇన్‌ఫ్లమేటరీ వంటి ఔషధ గుణాలు ఉన్నాయి.

ఎలా వాడాలి

అర్జున బెరడు మనకి ఆయుర్వేద షాపుల్లో, ఆన్‌లైన్‌లోనూ ఈజీగా దొరుకుతుంది. దానిని తీసుకొచ్చి 1 టీస్పూన్ అర్జున బెరడు పొడిని 1 గ్లాసు నీటిలో వేసి 5 నుంచి 10 నిమిషాలు మరిగించాలి. ఖాళీ కడుపుతో లేదా పడుకునే ముందు దీనిని వడకట్టి గోరువెచ్చగా తీసుకోండి. రెగ్యులర్‌గా 1 నుంచి 2 నెలల పాటు తీసుకుంటే మంచిది. ఏదైనా సమస్య గురించి మెడిసిన్ వాడుతుంటే ముందుగా డాక్టర్ సలహా తీసుకోవడం మంచిది. అర్జున బెరడుని తీసుకోవడం వల్ల కలిగే లాభాలని చూస్తే

గుండె ఆరోగ్యానికి

అర్జున బెరడు గుండె సమస్యలకి చాలా మంచిది. దీనిని పురాతన కాలం నుంచి ఎన్నో ట్రీట్‌మెంట్స్‌లో వాడతారు. గుండెని బలంగా చేసి ధమనులని శుద్ధి చేయడానికి దీనిని వాడతారు. ప్రజెంట్ పెరిగి ఒత్తిడి కారణంగా చాలా మందికి గుండె సమస్యలు, హైబీపి, కొలెస్ట్రాల్ వంటి సమస్యలు పెరిగాయి. ఇలాంటి సమస్యల్ని నేచురల్‌గానే తగ్గించేందుకు మనం అర్జున బెరడుని సహజ ఔషధంగా వాడొచ్చు. దీనిలోని గుణాలు చర్మ సమస్యలైన తామర, సోరియాసిస్, దురద, దద్దుర్ల వంటి చర్మ సమస్యల్ని కూడా తగ్గిస్తాయి.

కొలెస్ట్రాల్ తగ్గేందుకు

అర్జున బెరడులోని ముఖ్య గుణాలు చెడు కొలెస్ట్రాల్‌ని తగ్గించి మంచి కొలెస్ట్రాల్‌ని పెంచుతుంది. ధమనుల్లో కొవ్వు పేరుకుపోకుండా కాపాడుతుంది. రెగ్యులర్‌గా తీసుకుంటే హైబీ కూడా తగ్గుతుంది. ఇందులోని బీటా బ్లాకర్స్ ఆధునిక మందులకి సహజ ప్రత్యామ్నాయంగా పనిచేస్తాయి. అంతేకాకుండా, ఇందులోని యాంటీ హైపర్‌టెన్సివ్ గుణం హైబీపిని తగ్గిస్తాయి. దీంతోపాటు, విరోచనాలు, ఉబ్బసం, దగ్గుని తగ్గించడంలో హెల్ప్ చేస్తుంది.

అర్జున బెరడుతో లాభాలు

కొన్ని పరిశోధనల ప్రకారం

అర్జున బెరడలోని యాంటీ ఆక్సిడెంట్స్ గుండెని ఫ్రీ రాడికల్స్‌ నుంచి కాపాడి వయస్సు సంబంధిత సమస్యలు రాకుండా హెల్ప్ చేస్తాయి. దీనిని వాడడం వల్ల గుండె ఆరోగ్యానికి చాలా మంచిది. ఎకోకార్డియోగ్రఫీ టైమ్‌లో అర్జున బెరడు కషాయం గుండె పనితీరుని మెరుగ్గా మార్చిందని కొన్ని పరిశోధనల్లో తేలింది. అయితే, దీనిని తీసుకునే ముందు కచ్చితంగా డాక్టర్ సలహా అవసరమని గుర్తుపెట్టుకోండి. గమనిక

ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు.​​