5 స్టార్ సేఫ్టీ, 27 కి.మీ మైలేజ్.. టాటా కొత్త కార్‌కు బజార్ లో బ్లాస్ట్!

భద్రత, నాణ్యత, విశ్వసనీయతల పరంగా టాటా మోటార్స్ ఎప్పటినుంచో భారత ఆటోమొబైల్ రంగంలో తనకంటూ ప్రత్యేక స్థానం ఏర్పరచుకుంది. ఈ కంపెనీ రూపొందించే ప్రతి వాహనం దృఢమైన నిర్మాణంతో పాటు, ఆధునిక టెక్నాలజీ, మన్నికతో వినియోగదారుల నమ్మకాన్ని సంపాదించుకుంటోంది. అలాంటి వాహనాల్లో ప్రత్యేకంగా నిలిచే మోడల్ టాటా పంచ్. మైక్రో SUV అనే పేరున్నా, లుక్స్‌, గ్రౌండ్ క్లియరెన్స్‌, ఫీచర్ల పరంగా పంచ్ పెద్ద SUVలతో పోటీ పడే స్థాయిలో ఉంది.తాజాగా వచ్చిన సెప్టెంబర్ 2025 అమ్మకాల గణాంకాల ప్రకారం, టాటా పంచ్ విజయవంతంగా దూసుకెళ్తున్నట్లు స్పష్టమవుతోంది. తాజా జీఎస్టీ తగ్గింపుతో ఈ కార్ ధర దాదాపు రూ.85,000 వరకూ తగ్గి, మరింత ఆకర్షణీయంగా మారింది. ధర విషయానికి వస్తే, టాటా పంచ్ బడ్జెట్‌కి తగిన అత్యుత్తమ ఎంపికగా నిలుస్తోంది. రూ.5.50 లక్షల ప్రారంభ ధర వద్ద లభ్యమవుతున్న ఈ SUV, టాప్ వేరియంట్ వరకు రూ.9.30 లక్షలు (ఎక్స్-షోరూమ్) ధరకు అందుబాటులో ఉంది.పెట్రోల్‌తో పాటు CNG వేరియంట్స్‌లో అందుబాటులో ఉన్న ఈ SUV, వినియోగదారుల విభిన్న అవసరాలను దృష్టిలో ఉంచుకుని డిజైన్ చేయబడింది. అందువల్ల వినియోగదారులు తమ అవసరాలకు తగ్గట్టు మాన్యువల్ లేదా ఆటోమేటిక్ గేర్‌బాక్స్‌ను ఎంచుకునే అవకాశం ఉంది. సిటీ డ్రైవ్‌లోనూ, లాంగ్ ట్రిప్‌లలోనూ సమతూకమైన పనితీరు కావాలంటే పంచ్ సరైన ఎంపికగా నిలుస్తోంది.గ్లోబల్ NCAP నుంచి 5 స్టార్ సేఫ్టీ రేటింగ్‌ను సాధించిన పంచ్, భద్రత విషయంలో అత్యున్నత ప్రమాణాలు పాటిస్తోంది. అత్యాధునిక ఫీచర్లు, బలమైన బాడీ స్ట్రక్చర్, మరియు విశ్వసనీయతతో టాటా పంచ్ మార్కెట్లో స్థిరంగా అగ్రస్థానంలో నిలుస్తోంది.