ట్రెండింగ్
టీడీపీ నేతలకి కల్తీ లిక్కర్ వ్యవహారంలో సంబంధం లేనట్టయితే సీబీఐ విచారణ కోరాలి
Andhra Pradesh Telugu | Suryaa Desk | Published : Sun, Oct 12, 2025, 05:16 PM
కల్తీ లిక్కర్ వ్యవహారంలో ప్రభుత్వంలోని పెద్దలకు సంబంధం లేనట్టయితే, ముఖ్యమంత్రి చంద్రబాబు దీనిపై సీబీఐ విచారణ కోరాలని విజయవాడ మేయర్ రాయన భాగ్యలక్ష్మి డిమాండ్ చేశారు. తాడేపల్లి లోని వైయస్ఆర్ కాంగ్రెస్ పార్టీ కేంద్ర కార్యాలయంలో ఆమె మీడియాతో మాట్లాడుతూ రాష్ట్రంలో ఎక్కడ కల్తీ లిక్కర్ వ్యవహారం వెలుగుచూసినా అందులో నిందితులంతా తెలుగుదేశం పార్టీ నాయకులే ఉంటున్నారని అందుకే లిక్కర్ షాపులు, బెల్ట్ షాపుల్లో ఎక్సైజ్ అధికారులు తనిఖీలు నిర్వహించకుండా చూసీచూడనట్టు వదిలేస్తున్నారని ఆరోపించారు. కల్తీ లిక్కర్ తయారు చేస్తూ ఆధారాలతో సహా అడ్డంగా దొరికిపోయి కూడా ఎల్లో మీడియాను అడ్డం పెట్టుకుని వైయస్ఆర్సీపీ మీద నిందలు మోపడం సీఎం చంద్రబాబు దిగజారుడుతనానికి నిదర్శనం అని ఆగ్రహం వ్యక్తం చేశారు.
|
|