12.10.2025 నుండీ 18.10.2025 వరకు ద్వాదశరాశి ఫలములు (వార ఫలాలు)

మేషరాశి.... (అశ్విని 1 2 3 4,భరణి 1 2 3 4,కృతిక 1వ పాదం) (నామ నక్షత్రములు: చూ, చే ,చొ, లా,లీ,  లూ, లే, లో,ఆ)వారం ప్రారంభంలో చతుర్ధాధిపతి అయిన చంద్రుడు తృతీయంలో నవమ,వ్య యాధిపతి అయిన గురుడుతో యుతి, సజ్జన వ్యక్తుల సహకారం ఆనందాన్నిస్తుంది, ఆధ్యాత్మిక కార్యక్రమముల మీద ఆసక్తి పెరుగుతుంది. క్షేత్ర సందర్శనకై దూర ప్రయాణములకు, విద్యాపరంగా ఉన్నత విద్య కొరకు విదేశాలకు ప్రయత్నములు అధికం. నూతన స్నేహ సంబంధాల విషయంలో భావోద్వేగాలకు లోనవుతారు.  భాగస్వామ్య వ్యవహారాల్లోనూ, వ్యాపార సంబంధాల్లోనూ ఘర్షణలకు దూరంగా ఉండాలి. వారం మధ్యలో కుటుంబ వాతావరణం అనుకూలంగా ఉంటుంది మానసిక ప్రశాంతత పొందుతారు కుటుంబ సభ్యుల సహకారంతో అనుకొన్న పనులు సాధిస్తారు, వృత్తి పరంగా అభివృద్ధి కొరకు చేసే ప్రయత్నాలు కొంతవరకు అనుకూలంగా ఉంటాయి. వారం చివరలో ఉపాసన విషయంలో ఆటంకాలు అధిగమించాలి. తెలియని హృదయాందోళన, అనవసర ఆలోచనలు చికాకులు కలిగించే అవకాశం ఉంది.తర్కము, ఆలోచన సరళి, సమయస్ఫూర్తి, జ్ఞాపక శక్తి మొదలైన విషయాలలో విద్యార్థులు జాగ్రత్తగా వ్యవహరించాలి. మంచి ఫలితాలు కొరకు గణపతిని గరిక పూజతో పూజించటం మేలు.

వృషభరాశి...(కృతిక 2,3,4,రోహిణి 1 2 3 4,మృగశిర 1 2 పాదాలు) (నామ నక్షత్రములు:ఈ, ఊ, ఎ, ఓ, వా, వీ, వూ, వె, వో)  

వారం ప్రారంభంలో తృతీయ ధిపతి, అష్టమ లాభాధిపతి ద్వితీయంలో కలయిక, కమ్యూనికేషన్ విషయంలో తగిన జాగ్రత్తలు తీసుకోవాలి, ఆకస్మిక ధన వ్యయ సూచన, నిర్ణయ సామర్థ్యం పెంచుకొనడానికి కృషి చేస్తారు. శారీరక శ్రద్ధ, రోగ నిరోధక శక్తిని చూసుకుంటూ ముందుకు పెడతారు. నిత్య జీవన దినచర్యలో  నూతన మార్పులు చేపడుతారు. వాకింగ్ యోగా లేదా జిమ్ మొదలైన వాటి మీద ఆసక్తి పెంచుకుంటారు. పూర్వపు రుణములు తీర్చడానికి ప్రయత్నం చేస్తారు. ఇబ్బంది పెట్టే శత్రువుల విషయంలో అలాంటి అవకాశం ఇవ్వకుండా తగిన జాగ్రత్తలు తీసుకోవాలి. వారం మధ్యలో స్నేహ సంబంధాలు అనుకూలంగా ఉంటాయి మిత్రుల సహకారం బాగుంటుంది.  ప్రయాణాలు చేస్తారు. పడిన శ్రమకి తగిన ప్రతిఫలం లభిస్తుంది. కమ్యూనికేషన్ ని పెంపొందించుకుంటారు. వారం చివరిలో గృహ వాతావరణంలో కొంత సౌకర్యంగా ఉన్నప్పటికీ, కుటుంబ సభ్యులతో, గృహ వాహన విషయాలలో, విద్యార్థులు విద్యాపరమైన విషయాలలో అశ్రద్ధ పనికిరాదు. డ్రైవింగ్ చేసేవారు తగిన శ్రద్ధ తీసుకోవాలి. మరిన్ని మంచి ఫలితముల కొరకు విష్ణుమూర్తి దేవాలయ సందర్శన మంచిది

మిధున రాశి...(మృగశిర 3 4,ఆరుద్ర 1 2 3 4,పునర్వసు 1,2,3 పాదాలు) (నామ నక్షత్రములు: కా, కి, కూ, ఖం , జ్ఞ, చ్చ, కే, కో, హ, హి)  

వారం ప్రారంభంలో రాశిలో ద్వితీయాధిపతి, సప్తమ రాజ్యాధిపతి  యుతి, ఆర్థిక, కుటుంబ విషయాలలో మాట విలువ గౌరవం పెరుగుతుంది, వృత్తిపరమైన విషయాలలో అధిక శ్రమతో అనుకున్న కార్యక్రమాలు చేయడానికి శ్రద్ధగా ముందుకు వెళతారు. పడిన శ్రమకి తగిన గౌరవం గుర్తింపు లభిస్తాయి. వ్యాపార, భాగస్వామ్య వ్యవహారాలలో ఆర్థిక ఒడిదుడుకులను అధిగమిస్తారు. జీవిత భాగస్వామివృత్తి పరంగా అభివృద్ధి కొరకు ప్రయత్నాలు చేస్తారు. అయినప్పటికీ సంతానపరమైన విషయాలలో, నూతన పెట్టుబడులలో, కొన్ని సమయాలలో సమయస్ఫూర్తి లాజికల్ థింకింగ్  తగ్గటానికి అవకాశం ఉన్న రీత్యా ఆచితూచి వ్యవహరించాలి. విద్యార్థులు విద్యాపరమైన విషయాలు మీద శ్రద్ధ వహించాలి. ప్రియమైన వ్యక్తులతో అభిప్రాయ భేదాలకు దూరంగా ఉండాలి. వారం చివరిలో ఇతర సహకారం తీసుకోవడానికి ఇష్టపడరు. ప్రయాణాలలో జాగ్రత్తలు అవసరం. మరిన్ని మంచి ఫలితాల కొరకు విష్ణు సహస్రనామాలు వినడం , ఆలయ సందర్శన మేలు.

కర్కాటక రాశి...(పునర్వసు 4, పుష్యమి 1 2 3 4, ఆశ్లేష 1 2 3 4 పాదాలు) (నామ నక్షత్రములు: హి, హూ, హే, హో, డా, డీ ,డూ, డే, డో)

వారం ప్రారంభంలో ద్వాదశ స్థానంలో రాశి అధిపతి, షష్ఠ భాగ్యాధిపతి యుతి, ఆరోగ్య విషయంలో తగిన శ్రద్ధ అవసరం, మానసిక ప్రశాంతతను పెంపొందించుకోవాలి. బంధుమిత్రులతో వైరములకు దూరంగా ఉండాలి.  దైవ కార్యక్రమముల మీద  మనసు ప్రభావితం అవుతుంది.  చారిటబుల్ ట్రస్టులు మొదలైన వాటిని సందర్శిస్తారు. డొనేషన్లు ఇస్తారు. ఆధ్యాత్మిక కార్యక్రమాలు, దేవాలయ సందర్శన కొంత ప్రశాంతతనిస్తాయి. వృత్తిపరమైన విషయాలలో  కొన్ని నిర్ణయాలు తీసుకుంటారు. సంతానముతో, ముఖ్యముగా  ప్రియమైన వ్యక్తుల యొక్క ప్రవర్తనతో అధిక భావోద్వేగాలకు గురి అవుతారు. రావలసిన, పూర్వపు పెట్టు బడుల స్థిర చరాస్తుల గురించి చర్చలు. వాహన విషయాలు గృహ విషయాలు కొంత అసంతృప్తినిస్తాయి. ముఖ్యంగా తల్లి ఆరోగ్యము పై శ్రద్ధ తీసుకుంటారు. వారం మధ్యలో మానసిక ప్రశాంతతను పెంపొందించుకునే విధంగా మంచి పుస్తకాలు, చదువుతారు. పాత మిత్రులు కలయిక. వారం చివరిలో ఆర్థిక కుటుంబ వ్యవహారాలలో కొన్ని చికాకులు, నూతన ప్రదేశాలలో ఆహార స్వీకరణ విషయంలో తగిన జాగ్రత్తలు తీసుకోవాలి. మరిన్ని మంచి ఫలితాలు కొరకు సుబ్రహ్మణ్యేశ్వర స్వామి ఆరాధన మంచిది

సింహరాశి...(మఖ 1 2 3 4, పుబ్బ 1 2 3 4, ఉత్తర 1వ పాదం)  (నామ నక్షత్రములు: మా, మీ, మూ, మే, మో, టా, టీ, టూ, టే)

వారం ప్రారంభంలో లాభ స్థానంలో వ్యయాధిపతి, పంచమ అష్టమాధిపతి యుతి. లాభాధిపతి తృతీయంలో కుజునితో యుతి. సంతానం యొక్క అభివృద్ధి కొరకు, మరి ఆరోగ్య శ్రద్ధ కొరకు, పెట్టుబడుల కొరకు ధనాన్ని ఖర్చు చేస్తారు. సంఘంలో గుర్తింపు పలుకుబడి గౌరవం కోసం, ప్రయాణాలరీత్య, సోదర వర్గంతో సమావేశాలు చర్చలు, ఆత్మీయ వ్యక్తుల కొరకు వారికి సహకరించుట కొరకు ఆకస్మిక ధన వ్యయం. కమ్యూనికేషన్ విషయంలో తగిన జాగ్రత్తలు తీసుకోవాలి, నూతన పరిచయాలు, సోషల్ మీడియా, ఇంటర్నెట్, ఆన్లైన్ మార్కెటింగ్  విషయాలలో కొత్త వ్యక్తుల్ని నమ్మినప్పుడు ఆచితూచి వ్యవహరించాలి. వారం మధ్యలో ఆరోగ్య మీద శ్రద్ధ తీసుకుంటారు. పాల్గొంటారు. శ్రమ బడలిక అధికంగా ఉంటుంది. తెలియని మానసిక ఒంటరితనం, ఆలోచనలు చికాకులు కలిగిస్తుంది. వారం చివరిలో వ్యక్తిగత శ్రద్ధ,  స్థిర నిర్ణయాలు నూతన ఉత్సాహం పెంపొందించుకునే దిశగా కొంతవరకు కృషి చేస్తారు. మరిన్ని మంచి ఫలితాలు కొరకు నవగ్రహ దేవాలయ దర్శన, ఆదిత్య హృదయ పారాయణ మంచిది.

కన్యా రాశి...(ఉత్తరఫల్గుణి 2 3 4,హస్త 4,చిత్త 1 2 పాదాలు) (నామ నక్షత్రములు: టో,పా,పి,పూ,షం,ణా,పే,పో)

వార ప్రారంభంలో లాభాధిపతి, చతుర్ధ సప్తమాధిపతి రాజ్య స్థానంలో యుతి. రాజ్యాధిపతి ద్వితీయంలో కుజునితో, ఫలితాంశములను గమనించగా భాగస్వామ్య వ్యవహారాల్లోనూ, కుటుంబ,గృహ విషయాలలోనూ ముఖ్యంగా వృత్తిపరమైన అంశాలలోనూ అధిక శ్రద్ధ చూపిస్తారు. అది కొంతవరకు  ఆశించినంత మేరకు లాభదాయకంగా ఉండే అవకాశం ఉంది. తల్లి ఆరోగ్యం అనుకూలంగా ఉంటుంది. సమయస్ఫూర్తిగా వ్యవహరించి కుటుంబ వ్యవహారాల్లో ఆర్థిక విషయాలలో కొన్ని మార్పులు చేసుకుంటారు. కానీ తోబుట్టువులతో, వారసత్వ ఆస్తులు విషయంలోనూ ఘర్షణలకు దూరంగా ఉండాలి. డ్రైవింగ్ చేసేవారి తగిన శ్రద్ధగా ముందుకు వెళ్లాలి. మాట్లాడే మాటల వల్ల ఆత్మీయులతో సంబంధాలు ఇబ్బంది పడే అవకాశం ఉన్న రీత్యా అధిక ఉద్వేగాలను అధిగమించాలి. వారం మధ్యలో ఆర్థిక విషయాలు అనుకూలంగా, ఎదురుచూసిన వర్తమానాలు అందుకుంటారు. చిన్ననాటి మిత్రులతో చర్చలు. మానసిక ప్రశాంతత. సభలు సమావేశాల్లో పాల్గొంటారు. చివరిలో ఆకస్మిక ప్రయాణాలు, శ్రమ నిద్రలేమి, చికాకును  కలిగిస్తాయి. మరిన్ని మంచి ఫలితాల కొరకు లక్ష్మీ అష్టోత్తరాలు శతనామావళి జపించడం మేలు

తులా రాశి...(చిత్త 3 4,స్వాతి 1 2 3 4, విశాఖ 1 2 3 పాదాలు) (నామ నక్షత్రములు: రా, రి, రూ, రె, రో, తా, తీ, తూ, తే)    

వారం ప్రారంభంలో భాగ్య స్థానంలో రాజ్యాధిపతి, తృతీయ షష్ఠాధిపతి యుతి. భాగ్యాధిపతి రాశిలో కుజునితో యుతి. వృత్తిపరమైన విషయాల్లో అధిక శ్రమ, కొలీగ్స్ తో అభిప్రాయ బేధాలు రాకుండా కమ్యూనికేషన్ విషయంలో ముఖ్యంగా జాగ్రత్తగా ఉండాలి. గాసిప్స్ కి దూరంగా ఉండటం మేలు. దగ్గర నుంచి ఆశించిన స్థాయిలో సహకారం తగ్గుతుంది. అయినప్పటికీ సజ్జన వ్యక్తుల సహాయంతో కొంత ముందుకు వెళతారు. పెద్దల ఆశీస్సులు, సామాజిక సేవ, ఆధ్యాత్మిక ఆలోచనలు, కొంతవరకు అనుకూలంగా ఉంటాయి. వ్యాపార వ్యవహారాల్లోనూ, జీవిత భాగస్వామితోనూ  అనుకూలతలో మిశ్రమ ఫలితాలు. అధిక ఉద్వేగాలను నియంత్రించుకోవాలి. వారం మధ్యలో వృత్తి సంబంధ విషయాలలో అధిక శ్రమ విజయం. వ్యక్తులు ప్రశంసిస్తారు. వారం చివరిలో లాభాలను ఉపయోగించుకునే విషయంలో అనవసర వైరాగ్య భావనలను అధిగమించాలి, ఉన్నత స్థాయి వ్యక్తుల సహకారాన్ని సద్వినియోగపరుచుకోవాలి. ఈ విషయంలో అనేక ఆటంకాలు ఇబ్బంది పెడుతున్న అధిక కృషితో ముందుకు వెళతారు. మంచి ఫలితాల కొరకు దుర్గాదేవి ఆరాధన, దేవాలయ దర్శన మంచిది 

వృశ్చిక రాశి...(విశాఖ 4,అనురాధ 1 2 3 4, జేష్ఠ 1 2 3 పాదాలు) (నామ నక్షత్రములు: తో, నా, నీ, నూ, నె, నో, యా, యీ, యు)   

వారం ప్రారంభంలో భాగ్య స్థానంలో రాజ్యాధిపతి, తృతీయ షష్ఠాధిపతి యుతి. భాగ్యాధిపతి రాశిలో కుజునితో యుతి. వృత్తిపరమైన విషయాల్లో అధిక శ్రమ, కొలీగ్స్ తో అభిప్రాయ బేధాలు రాకుండా కమ్యూనికేషన్ విషయంలో ముఖ్యంగా జాగ్రత్తగా ఉండాలి. గాసిప్స్ కి దూరంగా ఉండటం మేలు. దగ్గర నుంచి ఆశించిన స్థాయిలో సహకారం తగ్గుతుంది. అయినప్పటికీ సజ్జన వ్యక్తుల సహాయంతో కొంత ముందుకు వెళతారు. పెద్దల ఆశీస్సులు, సామాజిక సేవ, ఆధ్యాత్మిక ఆలోచనలు, కొంతవరకు అనుకూలంగా ఉంటాయి. వ్యాపార వ్యవహారాల్లోనూ, జీవిత భాగస్వామితోనూ  అనుకూలతలో మిశ్రమ ఫలితాలు. అధిక ఉద్వేగాలను నియంత్రించుకోవాలి. వారం మధ్యలో వృత్తి సంబంధ విషయాలలో అధిక శ్రమ విజయం. వ్యక్తులు ప్రశంసిస్తారు. వారం చివరిలో లాభాలను ఉపయోగించుకునే విషయంలో అనవసర వైరాగ్య భావనలను అధిగమించాలి, ఉన్నత స్థాయి వ్యక్తుల సహకారాన్ని సద్వినియోగపరుచుకోవాలి. ఈ విషయంలో అనేక ఆటంకాలు ఇబ్బంది పెడుతున్న అధిక కృషితో ముందుకు వెళతారు. మంచి ఫలితాల కొరకు దుర్గాదేవి ఆరాధన, దేవాలయ దర్శన మంచిది 

ధను రాశి...(మూల 1 2 3 4,పూర్వాషాఢ 1 2 3 4,ఉత్తరాషాఢ 1వ  పాదం) (నామ నక్షత్రములు: యే, యో, భా,భీ, భూ, ధ, ఫ, డా, భే)

వారం ప్రారంభంలో అష్టమాధిపతి, లగ్న చతుర్ధాధిపతి సప్తమ స్థానంలో యుతి. సప్తమాధిపతి లాభ స్థానంలో కుజుని తో యుతి. ఫలితంసములను గమనించగా జీవిత భాగస్వామి యొక్క ఆరోగ్య విషయంలో తగిన శ్రద్ధ తీసుకుంటారు. మీ ఆలోచనలు వారి ఆలోచనలు సమన్వయ పరుచుకుంటూ ముందుకు వెళ్లినట్లయితే అభిప్రాయ బేధాలకు దూరంగా ఉంటారు. అనవసరమైన ఖర్చులను ముఖ్యంగా అవసరం లేని వస్తువులకు కొనుగోలు కొరకు నియంత్రించుకోవాలి. వ్యాపార పరంగా కొంతవరకు ఆదాయం అనుకూలంగా ఉంటుంది, సంతానము జీవిత భాగస్వామి తో కలిపి చక్కని సమయాన్ని గడుపుతారు. వారం మధ్యలో ఇష్టమైన వ్యక్తుల కొరకు చేసే ఖర్చులు అధికంగా ఉంటాయి. వారం చివరిలో దూర ప్రయాణాల మీద ఆసక్తి తగ్గుతుంది. కుటుంబంలోని పెద్దల ఆరోగ్య మీద శ్రద్ధ తీసుకుంటారు. ఉన్నత స్థాయి వ్యక్తులను, ఆధ్యాత్మిక వ్యక్తులను కలుస్తారు. మరిన్ని మంచి ఫలితాల కొరకు గణేష్ ఆరాధన మంచిది.

మకర రాశి...(ఉత్తరాషాఢ 2 3 4, శ్రవణం 1 2 3 4, ధనిష్ఠ 1 2  పాదాలు) (నామ నక్షత్రములు: భ,జా,జి,ఖి,ఖు,ఖే,ఖో,గా,గి)

వారం ప్రారంభంలో సప్తమాధిపతి, తృతీయవ్యయాధిపతి షష్ఠ స్థానంలో యుతి, షష్ఠాధిపతి కుజునితో రాజ్యంలో యుతి, ఫలితాంశములు గమనించగా  జీవిత భాగస్వామి, అన్నదమ్ములు మొదలైనవారి కొరకు ఖర్చులు, విదేశాల కొరకు దూర ప్రయాణాలు, శత్రువుల మీద విజయం సాధించడానికి నైపుణ్యాలు పెంచుకుంటారు, భాగస్వామి ఆరోగ్య విషయంలో అధిక శ్రద్ధ, వ్యాపార అంశాలలో వేరే ప్రదేశాలలో విస్తరించడానికి కీలక నిర్ణయాలు, బంధుమిత్రుల సహకారం, లాజికల్ థింకింగ్ పెరుగుతుంది. సమయస్ఫూర్తిగా వ్యవహరించి వృత్తిపరంగా , అధిక శ్రమతో అభివృద్ధి చెందుతారు. వారం మధ్యలో జీవిత భాగస్వామితో అనుకూలం, వ్యాపారం మార్పులు. వారం చివరిలో ఆరోగ్యం గురించి తగిన శ్రద్ధ తీసుకోవాలి సమయానికి ఆహార స్వీకరణ అవసరం. దీర్ఘకాలిక అనారోగ్యాలను నిర్లక్ష్యం చేయరాదు. జీవిత భాగస్వామి కుటుంబ సభ్యుల తో అనవసర ఆకస్మిక వాదనలకు దూరంగా ఉండాలి. మరిన్ని మంచి ఫలితాలు కొరకు వెంకటేశ్వర స్వామి ఆరాధన మంచిది

కుంభ రాశి...(ధనిష్ట 3 4, శతభిషం 1 2 3 4, పూర్వాభాద్ర 1 2 3  పాదాలు) (నామ నక్షత్రములు: గూ, గే, గో, సా, సి, సు, సే, సో, దా)    

వారం ప్రారంభంలో షష్ఠాధిపతి, ద్వితీయ లాభాధిపతి పంచమ స్థానంలో యుతి. పంచమాధిపతి కుజునితో కలిసి నవమ స్థానంలో యుతి. ఫలితాంశములు గమనించగా ఆర్థిక విషయాలలోనూ, సంతాన అభివృద్ధి ఆరోగ్య విషయాలలోనూ, విద్యార్థులు పోటీకి సంబంధించిన అంశాలలోనూ అధిక శ్రద్ధ చూపిస్తారు. పాత రుణములు కొంతవరకు తీరుస్తారు. మాటల వల్ల అపార్థములు రాకుండా గౌరవాన్ని ఇచ్చి గౌరవాన్ని పెంపొందించుకోవాలి. కొత్త ఆలోచనలు, మీ వృత్తిలో అభివృద్ధి కొరకు చేసే ప్రయత్నాలు. ముఖ్యంగా ఆర్థిక విషయాలలో తల్లి తరపు బంధు వర్గంతో అభిప్రాయ బేధాలకు దూరంగా ఉండాలి. వారం మధ్యలో విద్యార్థులు అధిక శ్రమతో, పోటీలలో నెగ్గి అనుకున్న ఫలితాలు సాధిస్తారు. నైపుణ్యాలు పెంచుకుంటారు. కృషి శీలత పెరుగుతుంది. వారం చివరిలో ఆత్మీయ వ్యక్తులతో అనవసర అపార్ధాలు కలక్కుండా వారికి అవసరమైన సహకారాన్ని అందించాలి. స్నేహ సంబంధాలు, మైత్రి బంధాలు ముఖ్యంగా ఉన్నత అధికారులతోనూ, పలుకుబడి కలిగిన వ్యక్తులతోనూ వారి సహాయ సహకారాలు కోరుకునేటప్పుడు ఘర్షణలకు దూరంగా ఉండాలి. మరిన్ని మంచి ఫలితాల కొరకు శివరాధన, దేవాలయ సందర్శన మంచిది

మీన రాశి...(పూర్వాభాద్ర 4,ఉత్తరాభాద్ర 1 2 3 4,రేవతి 1 2 3 4 పాదాలు)(నామ నక్షత్రములు: దీ , దు, ఇ+, ఝ, ధా, దే, దో, చా, చి)

వారం ప్రారంభంలో పంచమాధిపతి, లగ్న రాజ్యాధిపతి చతుర్ధ స్థానంలో యుతి, చతుర్ధాధిపతి,  కుజునితో అష్టమంలో యుతి. ఫలితాంశములు గమనించగా గృహ వాతావరణం లో కుటుంబ సభ్యులతో ఘర్షణలు ఆత్మ విశ్వాసం తగ్గిస్తాయి. స్వస్థల సందర్శన కొరకు ప్రయత్నాలు చేస్తారు. ఆర్థిక విషయాలు అనుకూలంగా ఉన్నప్పటికీ ఆకస్మిక ఖర్చులు, పెద్దల ఆరోగ్యం అసంతృప్తిని ఇస్తుంది. మీ పాత అనారోగ్యాల విషయంలో తగిన శ్రద్ధ అవసరం. డ్రైవింగ్ చేసే వారు తగిన జాగ్రత్తలు తీసుకోవాలి. తండ్రి, పెద్దలతో వా దోపవాదాలు నివారించాలి. వారం మధ్యలో ప్రశాంతంగా నిర్ణయాలు తీసుకుంటారు. ఆలోచనలను అనుకూలంగా ముందుకు సాగుతాయి. ఉపాసనబలం పెంచుకుంటారు. రైటింగ్ స్కిల్స్ అనుకూలంగా ఉంటాయి. విందు వినోదాల్లో పాల్గొంటారు. వారం చివరిలో శ్రమతో అనుకున్న పనులు సాధించడానికి అధిక కృషితో ముందుకు వెళతారు. పాత రుణాలు తీరుస్తారు. ముఖ్యంగా ఘర్షణాత్మకమైన వాతావరణానికి వీలైనంత దూరం మేలు. మరిన్ని మంచి ఫలితాల కొరకు దత్తాత్రేయ స్వామి ఆరాధన మంచిది.

(గమనిక: గోచార రీత్యా చెప్తున్న రాశి ఫలితాలు జనరల్ వి, వ్యక్తిగతంగా ఉద్దేశించి చెబుతున్నవి కావు, వ్యక్తిగత జన్మజాతకంలో అనగా వ్యక్తి జన్మ కుండలి (జన్మించిన సమయం, తేదీ, ప్రదేశం ఆధారంగా నిర్మించేది) ప్రకారం నడిచే దశలు అంతర్దశలు ప్రధానంగా చూసుకుంటూ ఆ దశ అంతర్దశలకు సంబంధించిన దానికి తగిన పరిహారాలు పాటించుకుంటూ, దానితో పాటు ఈ గోచార ఫలితాలను చూసుకోవాలి. గోచార రీత్యా రాశి ఫలాలు అశుభము గా ఉండి దోషాలు ఉన్నప్పటికీ, జననకాల దశ ఫలములు శుభము గా ఉంటే  రాశి   ప్రస్తుత అశుభ ఫలితాలు స్వల్పంగానే ఉంటాయి. చిన్న చిన్న పరిహారాలు పాటించి శుభ ఫలితాలు పొందగలరు).

డా|| ఈడ్పుగంటి పద్మజారాణి / Dr Edupuganti Padmaja Rani

జ్యోతిష్యము & వాస్తు నిపుణురాలు / Astrology & Vaastu Consultant

email : padma.suryapaper@gmail.com

www.padmamukhi.com