సీఆర్డీయే భవనాన్ని ప్రారంభించిన చంద్రబాబు
Andhra Pradesh Telugu | Suryaa Desk | Published : Mon, Oct 13, 2025, 04:50 PM
రాష్ట్ర రాజధాని అమరావతిలోని సీఆర్డీయే కార్యాలయాన్ని ముఖ్యమంత్రి చంద్రబాబు నాయుడు ఈరోజు (సోమవారం) ప్రారంభించారు. భూములిచ్చిన రైతులతో కలిసి ఉదయం 9.54 గంటలకు భవనాన్ని ప్రారంభించారు సీఎం. వేదమంత్రోచ్ఛారణల మధ్య భవనాన్ని ముఖ్యమంత్రి ఓపెన్ చేశారు. ఈ సందర్భంగా సీఎంకు పండితులు పూర్ణ కుంభ స్వాగతం పలికారు. రాజధాని పనులు రీ-స్టార్ట్ అయ్యాక ప్రారంభమైన తొలి ప్రభుత్వ భవనం ఇది. భవనాన్ని ప్రారంభించిన అనంతరం ముఖ్యమంత్రి పరిశీలీస్తుండగా... భవన నిర్మాణ తీరును మంత్రి నారాయణ వివరించారు. G+7 భవనంతో పాటు మరో నాలుగు పీఈబీ భవనాలను ప్రభుత్వం నిర్మించింది. సీఆర్డీయే, ఏడీసీఎల్తో పాటు మున్సిపల్ శాఖకు సంబంధించిన అన్ని విభాగాలు ఒకే చోట నుంచి కార్యకలాపాలు నిర్వహించేలా నిర్మాణాలు చేసింది సర్కార్. భవనం ప్రారంభానికి ముందు భూములిచ్చిన రైతులతో ముఖ్యమంత్రి మాట్లాడారు. రైతులు భూములిచ్చి రాజధాని నిర్మాణానికి సహకరించారని ఈ సందర్భంగా సీఎం చంద్రబాబు గుర్తుచేశారు. ఈ కార్యక్రమంలో కేంద్రమంత్రి పెమ్మసాని చంద్రశేఖర్, ఎమ్మెల్యేలు, ఎంపీలు పాల్గొన్నారు.
|
|