ట్రెండింగ్
పల్నాడు జిల్లాలో హత్యకి గురైన కాటికాపరి
Andhra Pradesh Telugu | Suryaa Desk | Published : Mon, Oct 20, 2025, 05:04 PM
పల్నాడు జిల్లా కేంద్రమైన నర్సరావుపేటలో జరిగిన ఓ కాటికాపరి హత్య రాజకీయంగా తీవ్ర దుమారం రేపుతోంది. వివరాల్లోకి వెళితే.. నర్సరావుపేట-రావిపాడు మార్గంలోని స్వర్గపురి-2 శ్మశానవాటికలో క్రిస్టియన్ పాలెంలో నివసించే ఎఫ్రాన్ అనే వ్యక్తి కాటికాపరిగా పనిచేస్తున్నాడు. రాత్రి శ్మశానంలోనే నిద్రిస్తున్న సమయంలో, గుర్తుతెలియని దుండగులు అతనిపై గొడ్డళ్లతో దాడికి పాల్పడ్డారు. మెడ, గొంతు భాగాలపై విచక్షణారహితంగా నరకడంతో ఎఫ్రాన్ అక్కడికక్కడే ప్రాణాలు విడిచాడు. ఈ హత్య పూర్తిగా రాజకీయ కక్ష సాధింపు చర్యేనని ఎఫ్రాన్ కుటుంబ సభ్యులు ఆరోపిస్తున్నారు. క్రిస్టియన్ పాలెంలో నివసించే ఎఫ్రాన్, గత ఎన్నికల్లో తెలుగుదేశం పార్టీకి మద్దతుగా పనిచేశాడని తెలిపారు.
|
|