భారీగా తగ్గుముఖం పడుతున్న బంగారం ధరలు
Andhra Pradesh Telugu | Suryaa Desk | Published : Wed, Oct 22, 2025, 07:29 PM
బంగారం ధరలు భారీగా తగ్గుముఖం పడుతున్నాయి. కొద్ది రోజుల క్రితం తులం రూ. 1,30,000 దాటి రికార్డు స్థాయికి చేరిన బంగారం ధర ప్రస్తుతం తగ్గుతోంది. హైదరాబాద్ నగరంలో 10 గ్రాముల 24 క్యారెట్ల బంగారం ధర రూ. 1,25,250కి చేరుకుంది. 22 క్యారెట్ల పసిడి 10 గ్రాముల ధర రూ. 1,14,843గా నమోదైంది. నిన్నటితో పోలిస్తే బంగారం ధర దాదాపు రూ. 9 వేలు తగ్గింది.వెండి ధరలు కూడా గణనీయంగా తగ్గాయి. బుధవారం సాయంత్రానికి కిలో వెండి రూ. 7 వేలు తగ్గి, రూ. 1,58,000కి చేరింది. వారం రోజుల్లో వెండి ధర రూ. 28 వేలు తగ్గడం గమనార్హం.అంతర్జాతీయ మార్కెట్లో ఔన్సు బంగారం ధర 4,022 డాలర్లకు పడిపోయింది. వెండి ధర 47.84 డాలర్లకు చేరింది. అమెరికాలో షట్ డౌన్, అంతర్జాతీయ పరిస్థితుల నేపథ్యంలో ఇటీవల బంగారం, వెండి ధరలు భారీగా పెరిగాయి. ధరలు నిత్యం సరికొత్త గరిష్ఠ స్థాయిలను తాకాయి. విలువైన లోహాలు రికార్డు స్థాయికి చేరుకోవడంతో పెట్టుబడిదారులు లాభాల స్వీకరణకు ఆసక్తి చూపారు. దీనికి తోడు డాలర్ బలోపేతం కావడం, అంతర్జాతీయ ఉద్రిక్తతలు తగ్గడం కూడా కారణమని బులియన్ వర్గాలు విశ్లేషిస్తున్నాయి.
|
|