ఏ నూనె, షాంపూ వాడినా జుట్టు రాలడం తగ్గట్లేదా

హెల్దీ పుడ్ మనం ఆరోగ్యంగా ఉండడానికి మాత్రమే కాదు. అందంగా ఉంచడంలోనూ కీ రోల్ పోషిస్తుంది. మన బాడీలో అందాన్నిసూచించే స్కిన్, హెయిర్‌ని స్ట్రాంగ్‌ అండ్ షైనీ హెల్దీగా ఉండాలంటే మంచి ఫుడ్స్ తీసుకోవడం చాలా ముఖ్యం. జుట్టు సమస్యల్ని దూరం చేయడంలో హెల్దీ ఫుడ్ పాత్ర గురించి చెప్పాల్సిన పనేలేదు. సరైన ఫుడ్ తీసుకుంటే జుట్టు బలంగా, ఒత్తుగా, అందంగా పెరుగుతుంది. రాలడం తగ్గుతుంది. అందుకోసమే మంచి ఫుడ్ తీసుకోవాలి. ముఖ్యంగా మన డైట్‌లో కొన్ని ఫుడ్స్‌ని యాడ్ చేయాలి. అవేంటో తెలుసుకోండి.

నట్స్, బెర్రీస్

​నట్స్‌లో మనకి చాలా రకాలు ఉంటాయి. బాదం, వాల్‌నట్స్, జీడిపప్పులు ఇలా ఎన్నో రకాల నట్స్ ఉంటాయి. వాటిని మనం రోజువారీ మన డైట్‌లో యాడ్ చేసుకోవాలి. వీటిని తీసుకోవడం వల్ల చాలా వరకూ మనకి ఒమేగా 3, జింక్, విటమిన్ ఈలు అందుతాయి. ఇవన్నీ కూడా మన స్కాల్ప్‌ని బలంగా చేస్తాయి. ఈ కారణంగా జుట్టు రాలడం తగ్గుతుంది. బెర్రీస్‌లో కూడా విటమిన్ సి ఉంటుంది. ఇది కొల్లాజెన్‌ని పెంచుతుంది. జుట్టుని స్ట్రాంగ్‌గా చేస్తుంది.

ఫ్యాటీ ఫిష్, గుడ్లు

ఫ్యాటీ ఫిష్‌లో ఒమేగా 3 ఫ్యాటీ యాసిడ్స్ ఉంటాయి. ఇవి ఇన్‌ఫ్లమేషన్‌ తగ్గించి స్కాల్ప్‌ని హెల్దీగా మారుస్తాయి. కాబట్టి, సాల్మన్ వంటి ఒమేగా 3 ఫ్యాటీ యాసిడ్స్ ఎక్కువగా ఉండే చేపల్ని తీసుకోండి. అలానే గుడ్లు కూడా గుడ్లలో ఎక్కువగా ప్రోటీన్, బయోటిన్‌లు ఉంటాయి. ఇవి జుట్టుని బలంగా చేసి కుదుళ్ళని బలంగా ఉంచుతాయి. ఈ కారణంగా జుట్టు రాలడం ఉండదు. ఒత్తుగా పెరుగుతుంది.

పాలకూర, స్వీట్ పొటాటో

పాలకూరలో ఐరన్, ఫోలేట్, విటమిన్స్ సిలు ఉంటాయి. ఆకుకూరల్లో ఈ కూరని తీసుకోవడం వల్ల అనీమియా తగ్గడమే కాకుండా హెయిర్ ఫాల్ కూడా కంట్రోల్ అవుతుంది. దీంతో పాటు చిలగడ దుంపలో బీటా కెరోటీన్ అంటే విటమిన్ ఎ ఎక్కువగా ఉంటుంది. ఇది సెబమ్ ప్రొడక్షన్‌ని పెంచి స్కాల్ప్‌ని హైడ్రేట్‌గా ఉంచుతుంది. దీంతో జుట్టు రాలడం తగ్గుతుంది.

జుట్టుని పెంచే టిప్స్

పప్పులు, పెరుగు

పప్పుల్లో ప్రోటీన్, ఐరన్, జింక్, బయోటిన్‌లు పుష్కలంగా ఉంటాయి. వీటిని తీసుకోవడం వల్ల జుట్టు రాలడం తగ్గుతుంది. అందుకే, పప్పుల్ని వారంలో కనీసం 3సార్లైనా తీసుకోండి. దీంతో పాటు ప్రోటీన్, విటమిన్ బి5లు ఎక్కువగా ఉండే పెరుగుని కూడా మీ డైట్‌లో యాడ్ చేయండి. దీంతో హెయిర్ ఫోలికల్స్ స్ట్రాంగ్‌గా మారి జుట్టు దృఢంగా పెరుగుతుంది.

క్యారెట్స్, అవకాడో

క్యారెట్స్‌లో విటమిన్ ఎ ఎక్కువగా ఉంటుంది. ఇది స్కాల్ప్‌కి బ్లడ్ సర్కూలేషన్‌ని ఇంప్రూవ్ చేసి, డ్రైనెస్‌ని తగ్గిస్తుంది. దీంతో జుట్టు రాలడం తగ్గుతుంది. అవకాడోలో విటమిన్ ఈలతో పాటు హెల్దీ ఫ్యాట్స్ ఉంటాయి. ఇవి స్కాల్ప్‌కి సర్క్యూలేషన్‌ని పెంచి, ఎలాస్టిసిటీని పెంచుతాయి. ఈ కారణంగా జుట్టు రాలడం, పల్చగా మారడం జరగదు.