బాడీలోని 3 దోషాలు తగ్గాలంటే ఏం చేయాలి, ఏం చేస్తే శరీరంలోని వేడి, జీర్ణ సమస్యలు తగ్గి ఆరోగ్యంగా ఉంటారు

ఆయుర్వేదంలో శరీరంలోని వాత, పిత్త, కఫ దోషాలని బ్యాలెన్స్ చేయడానికి మనం తీసుకునే ఆహారం, లైఫ్‌స్టైల్, డే రొటీన్‌ ఇతర మార్పులతో కలిపి ఉంటుంది. ఇన్‌బ్యాలెన్స్ దోషాన్ని బ్యాలెన్స్ చేయడానికి వ్యతిరేక లక్షణాలని ఉపయోగించాల్సి ఉంటుంది. ఉదాహారణకి వాత గాలి, స్థలం యొక్క అంశాలతో కలిగి ఉంటుంది. కదలిక, చల్లదనం, పొడి వంటి వాటితో విభజించి ఉంటుంది. తీవ్రతరమైన వాతాన్ని బ్యాలెన్స్ చేయడానికి వెచ్చదనం,గ్రౌండింగ్, రొటీన్‌ని బట్టి ఉంటుంది. అంటే ఎక్సర్‌సైజెస్ చేయడం, వేడి వాతావరణంలో కంఫర్ట్‌గా ఉండడం, స్ట్రెస్‌ని బ్యాలెన్స్ చేయడం వంటివి చేయాలి. ఇక పిత్త దోషానికి చల్లని వాతావరణంలో ఉండడం, రిలాక్స్‌గా ఉండడం బ్రీథింగ్ ఎక్సర్‌సైజెస్, మెడిటేషన్ చేయాలి. కఫ దోషాన్ని బ్యాలెన్స్ చేయడానికి వర్కౌట్స్‌తో పాటు ఉదయాన్నే లేవడం, చల్లని వాతావరణానికి దూరంగా ఉండడం, డ్రై బ్రషింగ్ వంటివి చేయడం చేయొచ్చు. ఇవన్నీ చేయలేనివారికి ఆయుర్వేద డాక్టర్ వరలక్ష్మీ కొన్ని అద్భుతమైన మార్గాల్ని సూచిస్తున్నారు. అవి.

నువ్వుల నూనె 

​నువ్వుల నూనె దాని వెచ్చని గుణాలు శరీరాన్ని, మనస్సుని ప్రశాంతపరుస్తుంది. దీనిని మనం వంటల్లోనూ వాడొచ్చు. లేదా కొద్దిగా నూనె తీసుకుని గోరువెచ్చగా చేసి మసాజ్ చేయొచ్చు. తలకి, బాడీకి మసాజ్ చేసి కనీసం 15 నిమిషాల పాటు ఉండి ఆ తర్వాత స్ననం చేయండి. దీని వల్ల చాలా వరకూ దోషాల్ని బ్యాలెన్స్ చేయడానికి హెల్ప్ అవుతుంది.

నెయ్యి 

అదనపు అంతర్గత వేడిని చల్లబరిచి పిత్త దోషాన్ని బ్యాలెన్స్ చేస్తుంది. దీని వల్ల పోషణ, ప్రశాంతమైన జీర్ణక్రియ ఉంటుంది. దీనికోసం మీరు రోజూ మీ భోజనంలో 1 స్పూన్ నెయ్యిని యాడ్ చేయండి. దీనిని తినడం వల్ల రుచిగా ఉంటుంది. దోషాల్ని బ్యాలెన్స్ చేసినట్లు అవుతుంది. అయితే, స్వచ్ఛమైన నెయ్యిని మాత్రమే వాడాలని గుర్తుంచుకోండి.

తేనె

కఫాన్ని దాని లక్షణాలని బ్యాలెన్స్ చేయడానికి తేనె అద్భుతంగా పనిచేస్తుంది. వర్షాకాలం, చలికాలంలో ఖాళీ కడుపుతో 1 సూన్ తేనె తీసుకోండి. ఇది అప్పటికప్పుడు మనకి ఎనర్జీని ఇవ్వడమే కాకుండా బాడీని డీటాక్స్ చేయడంలో హెల్ప్ చేస్తుంది. కాబట్టి, కచ్చితంగా తేనెని తీసుకోండి. అలానే దోషాల్ని బ్యాలెన్స్ చేయడానికి కొన్ని ఫుడ్స్ కూడా తీసుకోవాలి.

బాడీలోని దోషాలను ఎలా బ్యాలెన్స్ చేయాలి?

వాత దోషానికి

వాకింగ్, మంచి నిద్ర సమస్యల్ని మెంటెయిన్ చేస్తూ గోరువెచ్చని నీటితో స్నానం చేస్తూ యోగా, స్విమ్మింగ్ వంటివి చేస్తూ నువ్వులనూనెతో మసాజ్ చేయండి. దీని వల్ల నరాల వ్యవస్థ కడా చక్కగా పనిచేస్తుంది.. దీంతో పాటు స్ట్రెస్‌ని తగ్గించుకోండి. ఇక డైట్ విషయానికొస్తే సూప్స్ వంటివి తీసుకోవచ్చు. అల్లం, జీలకర్ర, పసుపు వంటి మూలికల్ని తీసుకోండి. నెయ్యి, నువ్వులనూనెతో వంట చేయడం, మసాజ్ చేయడం చేయండి. రా సలాడ్స్, డ్రై ఫ్రూట్స్, ఐస్ డ్రింక్స్ వంటివి తీసుకోవద్దు. వీటి బదులు హెర్బల్ టీలు, గోరువెచ్చని పాలు తీసుకోవాలి. కార్బోనేటెడ్ డ్రింక్స్ కూడా వద్దు.

పిత్త దోషానికి

చల్లని ప్రదేశంలో ఉండండి. ఎండని అవాయిడ్ చేయండి. ఎక్కువగా ఫిజికల్ వర్కౌట్స్ చేయొద్దు. రిలాక్సింగ్ మెడిటేషన్, ధ్యానం చేయండి. కొబ్బరి, సన్‌ఫ్లవర్ వంటి ఆయిల్స్‌తో మసాజ్ చేయొచ్చు. బెర్రీస్, మెలన్స్, ఆకుకూరలు, దోసకాయలు, కొబ్బరి వంటి వాటిని ఎక్కువగా తీసుకోవాలి. స్పైసీ, పుల్లని, ఉప్పు, ఆయిలీ ఫుడ్స్‌ని తగ్గించండి. ఆల్కహాల్, కెఫైన్ వంటివి తీసుకోవద్దు. ఎక్కువగా నీరు, కొబ్బరి నీరు, మింట్, సోంపు టీలను తాగొచ్చు.

కఫ దోషానికి

కఫ దోషం ఉన్నవారు వాకింగ్, జాగింగ్, సైక్లింగ్ వంటివి చేయొచ్చు.. త్వరగా లేవాలి. వెచ్చగా ఉండడాలనికి ట్రై చేయండి. బార్లీ, మిల్లెట్స్ వంటి గ్రెయిన్స్, చిక్కుళ్ళు, లైట్‌గా ఉడికించిన కూరగాయలు తినొచ్చు. అల్లం, నల్లమిరియాలు, దాల్చిన చెక్క వంటి మూలకిలు తీసుకోవచ్చు. తీపి, పుల్లని, ఉప్పుగా ఉండే ఫుడ్స్ తగ్గించాలి. మిల్క్ ప్రోడక్ట్స్, చక్కెరతో తయారైన స్వీట్స్, ఉప్పు ఎక్కువగా ఉండే ఫుడ్స్ తగ్గించాలి. నిమ్మకాయ, మూలికా టీలు తీసుకోండి. రాత్రుళ్ళు తక్కువగా తినండి.