“Nothing Phone (3a) Lite లీక్‌ – బడ్జెట్ ఫోన్‌లో ప్రీమియం ఫీచర్స్”

Nothing Phone (3a) Lite: స్మార్ట్‌ఫోన్ మార్కెట్‌లో ప్రత్యేక డిజైన్, ఇన్నోవేషన్‌తో గుర్తింపు పొందిన నథింగ్ (Nothing) సంస్థ తన కొత్త మోడల్ Nothing Phone (3a) Liteను అక్టోబర్ 29న ప్రపంచవ్యాప్తంగా లాంచ్ చేయడానికి సిద్ధమైంది.లాంచ్‌కు ఒక్కరోజు ముందు, ఈ ఫోన్‌కు సంబంధించిన భారతీయ ధర మరియు కొన్ని ఫీచర్స్ ఆన్‌లైన్‌లో లీక్ అయ్యాయి. సమాచారం ప్రకారం, Nothing Phone (3a) Lite ఒకే వేరియంట్‌లో 8GB RAM + 128GB స్టోరేజ్ తో మార్కెట్లో అందుబాటులో ఉంటుంది. దీని లీక్ ధర సుమారు ₹18,999 అని తెలుస్తోంది.మొబైల్ రంగుల పరంగా, నలుపు (Black) మరియు తెలుపు (White) ఆప్షన్స్ అందుబాటులో ఉండే అవకాశం ఉంది. ఫోన్ అక్టోబర్ 29న లాంచ్ కానప్పటికీ, విక్రయాలు నవంబర్ 4 నుండి ప్రారంభమవుతాయి. భారతీయ లాంచ్ టైమ్‌లైన్ ఇంకా కంపెనీ నుండి ప్రకటించబడలేదు.డిజైన్ పరంగా చూస్తే, Nothing Phone (3a) Liteలో గ్లిఫ్ లైట్ సిస్టమ్‌లో కొన్ని మార్పులు చేయబడ్డాయి. పాత మోడళ్లలో కెమెరా చుట్టూ ఉన్న LED స్ట్రిప్‌ల బదులుగా, ఈ ఫోన్‌లో కుడి మూలలో ఒకే డాట్ LED మాత్రమే ఉంటుంది. "Light up the everyday" అనే ట్యాగ్‌లైన్ ప్రకారం, ఈ సింప్లిఫైడ్ గ్లిఫ్ లైట్ ప్రధానంగా చార్జింగ్ స్టేటస్ లేదా నోటిఫికేషన్ల కోసం ఉపయోగపడుతుంది.స్పెసిఫికేషన్ల విషయానికి వస్తే, Nothing Phone (3a) Lite బడ్జెట్ సెగ్మెంట్‌లో ఉన్నప్పటికీ ఆకట్టుకునే ఫీచర్లతో ఉంటుంది. దీని 6.77-inch FHD+ AMOLED LTPS డిస్‌ప్లే 120Hz రిఫ్రెష్ రేట్‌ను సపోర్ట్ చేస్తుంది. ఫోన్ MediaTek Dimensity 7300 Pro చిప్‌సెట్‌తో పనిచేస్తుంది. 5000mAh బ్యాటరీ మరియు 33W ఫాస్ట్ ఛార్జింగ్ సపోర్ట్ ఉంది.కెమెరా విభాగంలో, వెనుక భాగంలో 50MP మెయిన్ లెన్స్ మరియు 50MP అల్ట్రా-వైడ్ లెన్స్ ఉంటాయి. ముందువైపు 32MP ఫ్రంట్ కెమెరా ఉంది. ఇది 4K వీడియో రికార్డింగ్ (30fps)ను సపోర్ట్ చేస్తుందని అంచనా. స్క్రీన్ రక్షణ కోసం గోరిల్లా గ్లాస్ 5 మరియు IP64 డస్ట్ & స్ప్లాష్ రెసిస్టెన్స్ ఫీచర్లు ఉన్నాయి.