“రోహిత్ శర్మకు రూ.16.50 కోట్ల భారీ ఆఫర్.. ఏ బ్రాండ్‌ ఇంత ఇస్తుందట!”

ఇండియన్ ప్రీమియర్ లీగ్ (IPL) 2026 సీజన్ కోసం ఫ్రాంచైజీలు ఇప్పటికే సన్నాహాలు మొదలుపెట్టాయి. నవంబర్ 15వ తేదీలోపు వేలానికి వదిలే ఆటగాళ్ల జాబితాను సిద్ధం చేయాలని బీసీసీఐ ఆదేశాలు జారీ చేసింది.దీంతో ప్రతి జట్టు ఆ పనిలో బిజీగా మారింది. అలాగే ట్రేడింగ్ విండోలో ఇతర జట్ల ఆటగాళ్లను కొనుగోలు చేసేందుకు కూడా ప్రణాళికలు సిద్ధం చేస్తున్నాయి. ఈ క్రమంలో కోల్‌కతా నైట్ రైడర్స్ (కేకేఆర్) అత్యంత చురుకుగా వ్యవహరిస్తోందన్న సమాచారం బయటకు వచ్చింది.గత సీజన్‌లో నిరాశపరిచిన కేకేఆర్, రాబోయే సీజన్‌లో టైటిల్ గెలవాలన్న సంకల్పంతో ముందుకు సాగుతోంది. అందుకే జట్టులో మార్పులు చేయడానికి పెద్ద ఎత్తున ప్రణాళికలు రూపొందిస్తోంది. ఇందులో భాగంగా, అభిషేక్ నాయర్‌ను హెడ్ కోచ్‌గా నియమించాలన్న ఆలోచనలో ఉంది.అదే సమయంలో, ఢిల్లీ జట్టుకు చెందిన కేఎల్ రాహుల్‌ను ట్రేడింగ్ ద్వారా తమ జట్టులోకి తీసుకోవాలని కూడా ప్రయత్నిస్తోంది. అంతేకాదు, ముంబై ఇండియన్స్ మాజీ కెప్టెన్ రోహిత్ శర్మ పై కూడా కేకేఆర్ దృష్టి సారించినట్లు వార్తలు వినిపిస్తున్నాయి.సమాచారం ప్రకారం, కేకేఆర్ తమ జట్టులోని ఒక కీలక ఆటగాడిని ముంబైకి ఇచ్చేసి, బదులుగా రోహిత్ శర్మను ట్రేడింగ్ ద్వారా తీసుకోవాలన్న యోచనలో ఉంది. ప్రస్తుతం ముంబై తరఫున రూ.16.30 కోట్ల రెమ్యునరేషన్ తీసుకుంటున్న రోహిత్‌కు, కేకేఆర్ రూ.16.50 కోట్ల భారీ ఆఫర్ ఇవ్వడానికి సిద్ధమవుతోందట. అవసరమైతే, మరో రెండు కోట్లు ఎక్కువ ఇచ్చి అయినా రోహిత్‌ను తమ జట్టులోకి తెచ్చుకోవాలని ప్లాన్ చేస్తున్నట్లు టాక్.రోహిత్ జట్టులో చేరితే, ఆయనకే కెప్టెన్సీ బాధ్యతలు అప్పగించాలన్న ఆలోచన కూడా కేకేఆర్ మేనేజ్‌మెంట్‌లో నడుస్తోందట. ఈ ట్రేడింగ్ డీల్‌పై త్వరలోనే స్పష్టత వచ్చే అవకాశం ఉంది.