స్ట్రెయిటనర్ వాడకుండానే జుట్టు స్ట్రెయిట్గా మారాలా,,,,అయితే ఇలా చేయండి
Life style | Suryaa Desk | Published : Tue, Oct 28, 2025, 11:09 PM
జుట్టు సంరక్షణకోసం నూనెలు ఎంతో ముఖ్యమైనవి. వీటిని వాడడం వల్ల జుట్టుకి పోషణ అందుతుంది. అదే విధంగా, కొన్ని నూనెల్ని వాడడం వల్ల జుట్టు నేచురల్గానే అందంగా, పొడుగ్గా మారుతుంది. అంతేకాదు, ఆ నూనె రాయడం వల్ల జుట్టు స్ట్రెయిట్గా మారుతుంది. స్ట్రెయిటనర్ లేకుండా జుట్టు అందంగా, పొడుగ్గా, స్ట్రెయిట్గా మారాలనుకుంటే ఇప్పుడు చెప్పే కొన్ని ఆయిల్స్ హెల్ప్ చేస్తాయి. వీటిని వాడడం వల్ల చాలా వరకూ జుట్టుకి పోషణ అంది పొడుగ్గా, స్ట్రెయిట్గా మారుతుంది. అంతేకాకుండా, కొన్నిఆయిల్స్ జుట్టుకి లోపలి నుంచి పోషణని అందించి అందంగా, బలంగా మారేలా చేస్తాయి. దీని వల్ల జుట్టు రాలడం తగ్గుతుంది. పైగా ఒత్తుగా పెరుగుతుంది కూడా.
కొబ్బరినూనె
కొబ్బరినూనెని జుట్టు కుదుళ్ళ నుంచి లోతుగా పోషణ అందుతుంది. కొబ్బరినూనెలో ఫ్యాటీ యాసిడ్స్ పుష్కలంగా ఉంటాయి. రెగ్యులర్గా కొన్నిరోజుల పాటు జుట్టుకి కొబ్బరినూనె రాస్తే జుట్టు మృదువుగా, సహజంగానే స్ట్రెయిట్గా మారుతుంది. దీనిని వాడడం వల్ల నేచురల్గా మృదువుగా మారుతుంది. కెమికల్స్ ఉన్న సీరమ్ బదులు కొబ్బరినూనె రాస్తే క్యూటికల్లోకి చొచ్చుకుపోతుంది. ప్రోటీన్ నష్టాన్ని తగ్గించి జుట్టుని బలంగా మారుస్తుంది.
ఎలా వాడాలంటేనూనెని కొద్దిగా వేడిచేసి తలకి జుట్టు పొడవునా మసాజ్ చేయండి. రాత్రంతా అలానే ఉండండి. లేదంటే ఓ గంట, రెండు గంటల పాటు అలానే ఉంచి మైల్డ్ షాంపూతో తలస్నానం చేయండి. మీ జుట్టుకి నూనె రాశాక వేడి టవల్ చుట్టండి. దీని వల్ల నూనె తలకి బాగా అబ్జార్బ్ చేసుకుంటుంది. కొబ్బరినూనెని వాడడం వల్ల జుట్టు క్యూటికల్స్ని బలంగా చేసి ఫ్రీజ్ని తగ్గించి ఎలాంటి హీటర్స్ వాడకుండానే జుట్టు పొడుగ్గా మారుతుంది.
ఆర్గాన్ ఆయిల్
ఆర్గాన్ ఆయిల్ని లిక్విడ్ గోల్డ్ అంటారు. దీనికి కారణం ఇందులోని పోషకాలే. ఇందులో ఎక్కువగా విటమిన్ ఈ, యాంటీ ఆక్సిడెంట్స్, ఎసెన్షియల్ ఫ్యాటీ యాసిడ్స్తో నిండి ఉంటుంది. ఇది జుట్టుకి రాస్తే జుట్టు స్ట్రెయిట్గా మారుతుంది. దీనిని రాయడం వల్ల జుట్టు జిడ్డుగా మారదు.
ఎలా వాడాలి. కొద్దిగా ఆయిల్ని చేతిలో వేసుకుని జుట్టుకి రాయండి. మసాజ్ చేయండి. దీనిని రాయడం వల్ల సిల్కీ, షైనీ హెయిర్ మీ సొంతమవుతుంది. దీని వల్ల ఎలాంటి స్ట్రెయిటనర్ లేకుండానే జుట్టు అందంగా, పొడుగ్గా మారుతుంది.
బాదం నూనె
బాదం నూనెలో విటమిన్ ఈ, మెగ్నీషియం, ఒమేగా ఫ్యాటీ యాసిడ్స్ పుష్కలంగా ఉంటాయి. ఇవి క్యూటికల్స్ని మృదువుగా చేసి జుట్టుని బలంగా చేస్తాయి. దీనిని రాయడం వల్ల జుట్టు పొడిబారడం, చిట్లడం వంటి సమస్యల్ని తగ్గిస్తాయి.
ఎలా వాడాలి.
రెండు టేబుల్ స్పూన్ల బాదం నూనెని వేడి చేసి తలపై, జుట్టు మొత్తానికి మసాజ్ చేయాలి. తలస్నానానికి ముందు ఓ గంట పాటు అలానే ఉంచి రాయండి. బాదం నూనెలో కొద్దిగా ఆముదం కలిపితే మంచి రిజల్ట్ ఉంటుంది. బాదం నూనెలో స్మూతింగ్ గుణాలు ఉంటాయి. ఇవి జుట్టుని స్ట్రెయిట్గా చేస్తాయి.
రైస్ బ్రాన్ ఆయిల్
రైస్ బ్రాన్ ఆయిల్ జుట్టుకి చాలా మంచిది. ఇందులో యాంటీ ఆక్సిడెంట్స్, ఒమేగా 3 ఫ్యాటీ యాసిడ్స్, ఒరిజనాల్తో నిండి ఉంటాయి. ఇవి జుట్టుని మెరిసేలా చేస్తాయి. జుట్టుని మృదువుగా చేస్తుంది.
ఎలా వాడాలి?
రైస్ బ్రాన్ ఆయిల్ని జుట్టుకి రాసి మసాజ్ చేయాలి. 45 నిమిషాల పాటు అలానే ఉంచండి. తర్వాత మైల్డ్ షాంపూ వాడడండి. దీని వల్ల జుట్టు స్ప్లిట్ ఎండ్స్ తగ్గుతాయి. జుట్టు అందంగా మారుతుంది.
ఆముదం
జుట్టు స్ట్రెయిట్గా మారడమే కాదు, రాలడం తగ్గి డ్రైగా మారకుండా ఉండాలంటే ఆముదం రాయడం మంచిది. ఈ ఆయిల్ మిగతా నూనెల కంటే మందంగా ఉన్నప్పటికీ దీని వల్ల జుట్టు బలంగా మారుతుంది. ఇందులో రిసినోలిక్ యాసిడ్ పుష్కలంగా ఉంటుంది. ఇది తేమని లాక్ చేసి క్యూటికల్స్ని బలంగా చేస్తుంది.
ఎలా వాడాలి.
కొద్దిగా ఆముదంలో, కొబ్బరినూనెని సమాన పరిమాణంలో తీసుకుని కలపాలి. దీనిని కొద్దిగా వేడి చేసి తలకి మసాజ్ చేయాలి. గంట పాటు అలానే ఉంచి ఆ తర్వాత తలస్నానం చేయాలి. దీనిని రెగ్యులర్గా రాయడం వల్ల జుట్టు ఆరోగ్యంగా మారి మెరుస్తుంది. జుట్టు మూలాలు కూడా బలంగా మారతాయి. ఆముదం రాయడం వల్ల జుట్టు నున్నగా పొడుగ్గా మారుతుంది.
|
|